486.22
+0.48
563.77
+1.96
8.2
-0.07
+11
Եղանակը Երևանում
Հայ
ՀՀ կառավարությունն առաջարկում է մանկապիղծների պարտադիր բուժման կամ կամավոր քիմիական ամորձատման պրակտիկա ներդնել
14:52
01 Դեկտեմբերի 2011

Հայաստանի կառավարությունն առաջարկում է հանրապետությունում մանկապիղծների պարտադիր բուժման կամ կամավոր ամորձատման քիմիական պրակտիկա ներդնել, հինգշաբթի ասաց Հայաստանի արդարադատության նախարար Հրայր Թովմասյանը:

Հինգշաբթի կայացած կառավարական նիստում դիտարկվել է պատգամավոր Վիկտոր Դալլաքայանի օրենսդրական նախաձեռնությունը Հայաստանի Քրեական օրենսգրքում փոփոխություններ և լրացումներ կատարելու մասին, որոնք վերաբերում են ամորձատման կիրառմանը որպես անչափահասների նկատմամբ սեռական բնույթի գործողությունների կատարած անձանց պատժամիջոց:

«Կառավարությունը կիսում է նախաձեռնության հեղինակի մտահոգությունը, խոստովանում է, որ Հայաստանում կա այս խնդիրը, և համաձայն է որոշակի քայլեր իրականցնել այս բնագավառում: Սակայն ներկայացված օրինագծում առաջարկվում է պարտադիր ամորձատումը, որը Եվրոպայի Միության երկրների շարքում որպես պատժամիջոց կիրառվում է միայն Լեհաստանում: Կառավարությունն առաջարկում է հեղինակին քննարկել այս մեթոդի կիրառումը որպես կանխարգելիչ միջոց, այլ ոչ թե որպես պատիժ»,- ասաց Թովմասյանը:
Ինչպես պարզաբանեց նախարարը նիստից հետո, կառավարությունն առաջարկում է կամավոր ամորձատման տարբերակը:

Նրա խոսքով, իմաստն այն է, որ եթե մարդը նման բնույթի գործողություն է կատարել և պատիժ է կրում, պատժաժամկետի ավարտից առաջ որոշակի ժամանակահատվածում նա պետք է համապատասխան փորձաքննություն անցնի, որի ընթացքում փորձագետները որոշում կկայացնեն, թե կարող է նա, արդյո՞ք, վտանգ ներկայացնել հասարակության համար:

Եթե փորձագետների որոշումը բացասական լինի, ապա նա կուղղվի հարկադիր բուժման այնքան ժամանակ, մինչև դրական որոշում չընդունվի:

«Եթե մարդն ամորձատման կամավոր համաձայնություն է տալիս, ապա դա կկատարվի քիմիական եղանակով, որի դեպքում օրգանիզմ են ներարկվում համապատասխան հորմոններ»,- ասաց նա՝ հավելելով, որ այդ դեպքում նա կազատվի պարտադիր բուժման անհրաժեշտությունից, բայց պատիժն ամբողջությամբ կկրի:

Արդարադատության նախարարը միաժամանակ նշեց, որ Հայաստանում վերջին մի քանի տարիների ընթացքում անչափահասների նկատմամբ  սեռական բնույթի հանցագործությունների թվի աճի միտում է նկատվում:
«Հնարավոր է, որ անցյալում էլ են այդ հանցագործությունները կատարվել, սակայն թաքնված բնույթ են կրել, նմանատիպ դեպքերը փորձել են թաքցնել ինչպես զոհերը, այնպես էլ նրանց ծնողները»,- ասաց նա՝ ավելացնելով, որ հանրային արձագանքին զուգահեռ նմանատիպ հանցագործությունները դառնում են հասարակության քննարկման առարկա:

Նման երևույթները վտանգավոր անվանելով՝ նախարարն ասաց, որ հայ հասարակությունում փոխվում է արժեհամակարգը:

«Հասկանալու համար, թե ինչով է դա պայմանավորված, լուրջ և խորը հետազոտություններ են անհրաժեշտ»,- նկատեց նա:

Հայաստանում մանկապղծության մեղադրանքի հետ կապված գործերից մեկում խոշոր ձեռնարկատեր է մեղադրվում:
Մասնավորապես, Լոռու մարզի ընդհանուր իրավասության դատարանն ընթացիկ տարվա նոյեմբերի 17-ին ապացուցված է ճանաչել անչափահաս տղաների նկատմամբ իրենց կամքին հակառակ սեռական բնույթի բռնի գործողությունների մեղադրանքները Ախթալայի լեռնահարստացման կոմբինատի փոխտնօրեն, ԱՄՆ քաղաքացի Սերոբ Տեր-Պողոսյանի նկատմամբ՝ նրան 15 տարի ազատազրկման դատապարտելով: -0-

Loading...
Թեմատիկ նյութեր
Բաժնի այլ նյութեր
21:28
08 Նոյեմբերի 2017
Ջոն Մալկովիչի հետքերով. Երևան այցելելու 5 ծանրակշիռ պատճառ (ՖՈՏՈ)
Խելահեղ համայնապատկերներ, համեղ սնունդ, թև տվող խմիչքներ....
19:00
08 Նոյեմբերի 2017
Լեգենդար Ջիվան Գասպարյանը դիմել է Մոսկվայի «Արարատի» երկրպագուներին (ՎԻԴԵՈ)
Դուդուկի վարպետ Ջիվան Գասպարյանը տեսաուղերձ է հղել «Արարատ» մոսկովյան ֆուտբոլային ակումբի երկրպագուներին։
18:01
08 Նոյեմբերի 2017
Գերմանիայի ամուսնությունների գրանցումների մատյաններում երրորդ սեռ կներառվի
Գերմանիայի Գերագույն դատարանը  որոշում է կայացրել երրորդ սեռ ներառել ՔԿԱԳ մատյաններում։
11:09
08 Նոյեմբերի 2017
YouTube-ում արգելափակվել են 70-ից ավելի հայ հայտնիների պաշտոնական էջեր
Վերջերս YouTube-ում արգելափակվել են 70-ից ավելի հայ հայտնիների պաշտոնական էջեր:
13:14
07 Նոյեմբերի 2017
Բրիտանացի միլիարդերը ամենօրյա չվերթեր կիրականացնի տիեզերք
SpaceShipTwo Unity նավը 2014 թվականին կործանված Enterprise նավի կատարելագործված տարբերակն է։
15:22
06 Նոյեմբերի 2017
Վյաչեսլավ Դոբրինին. հայրս հայ է, բայց ես նրան երբեք չեմ տեսել (ՎԻԴԵՈ)
Վյաչեսլավ Դոբրինինը պատմել է իր հայկական արմատների մասին։

19:38
05 Նոյեմբերի 2017
Ինչպե՞ս ակտիվացնել երեխաների ուղեղի աշխատանքը քննությունից առաջ
Հայտնի է այն մթերքը, որը կօգնի ակտիվացնել երեխաների ուղեղի աշխատանքը քննությունից առաջ։
18:05
05 Նոյեմբերի 2017
Հայտնի է աշխարհի ամենաէլեգանտ քաղաքը
Հայտնի է աշխարհի ամենաէլեգանտ քաղաքը:
16:58
05 Նոյեմբերի 2017
Կյանք մահից հետո. մտքեր և զգացողություններ
Պարզվել է, որ կլինիկական մահվան վիճակում մարդկանց գիտակցությունը շարունակում է աշխատել։
15:37
05 Նոյեմբերի 2017
Պարզվել է գազավորված ըմպելիքի գլխավոր վտանգը
Բացահայտվել է գազավորված ըմպելիքի մահացու վտանգը։
11:00
05 Նոյեմբերի 2017
Ռուսական «Գոլոս» նախագծի ժյուրիի անդամները ոտնկայս ծափահարել են հղի Անահիտ Պողոսյանին (ՎԻԴԵՈ)
Ռուսական Առաջին ալիքով հեռարձակվող «Գոլոս» շոուի ժյուրիի անդաները ոտնկայս ծափահարել են հղի Անահիտ Պողոսյանին:
21:00
04 Նոյեմբերի 2017
Պարզվել է iPhone X–ի գլխավոր խոցելի կողմը (ՎԻԴԵՈ)
Հայտնի է դարձել  iPhone X–ի գլխավոր խոցելի կողմը։