486.32
+0.4
519.1
+4.61
8.21
+0.05
-6
Եղանակը Երևանում
Հայ
Հայաստանի մարդահամարի նախնական տվյալները կհրապարակվեն 2012թ.-ի փետրվարին
15:45
24 Հոկտեմբերի 2011

Հայաստանի մարդահամարի արդյունքների առաջին նախնական տվյալները կհրապարակվեն 2012թ.-ի փետրվարի առաջին կեսին, հայտնեց ՀՀ ազգային վիճակագրական ծառայության Մարդահամարի և ժողովրդագրության բաժնի պետ Կարինե Կույումջյանը:

ՀՀ պատմության մեջ երկրորդ մարդահամարն անցկացվեց հոկտեմբերի 12-21-ը:

«Մենք կհրապարակենք հանրապետության բնակչության վերաբերյալ ընդհանրացված քանակական տվյալները, որը ստացել ենք մարդահամարի  աշխատանքների արդյունքում: Դա մեր առաջին նախնական տեղեկատվությունը կլինի»,- երկուշաբթի մամուլի ասուլիսի ժամանակ ասաց Կույումջյանը:

Ըստ նրա՝ քանի որ հարցաթերթիկների պատասխանների համակարգչային մշակման համար որոշակի ժամանակ է հարկավոր, ԱՎԾ-ն մարդահամարի վերաբերյալ ամփոփ տեղեկատվությունը կհրապարակի 2012թ.-ի սեպտեմբերի վերջից հոկտեմբերի առաջին կեսն ընկած ժամանակահատվածում:
«Նախատեսվում է, որ 2013թ.-ին (մարդահամարի տվյալները) հրապարակվելու են բրոշյուրի տեսքով, ինչպես նաև՝ էլեկտրոնային և այլ հնարավոր ձևաչափերով»,- ասաց նա:

Խոսելով մարդահամարի գործընթացի մասին` վարչության պետը նշեց, որ այդ աշխատանքներում ընդգրկված է եղել շուրջ 12 հազար ժամանակավոր աշխատող, որոնց աշխատանքը համակարգել են հաշվարար-հրահանգիչները:

Ինչպես տեղեկացրեց Կույումջյանը, մարդահամարի ընթացքում թույլ տրված սխալներն ու անճշտությունները նվազագույնին հասցնելու, ինչպես նաև հավաքված տեղեկատվության ամբողջությունն ապահովելու համար հոկտեմբերի 22-ից բոլոր հաշվիչ տեղամասերում տնային տնտեսությունների կրկնակի վերահսկողական այցելություններ են իրականացվելու՝ հաշվարար-հրահանգչի մասնակցությամբ պատահական ընտրության մեթոդով:

«Հոկտեմբերի 27-31-ը Վիճակագրական ծառայությունը հայտարարությամբ կդիմի հանրապետության բոլոր այն բնակիչներին (որոնց հոկտեմբերի 12-21-ն ընկած ժամանակահատվածում չեն այցելել հաշվարարները), որպեսզի նրանք մինչև հոկտեմբերի 31-ը այդ մասին հայտնեն ԱՎԾ տեղամասային գործակալություններ կամ Ազգային վիճակագրական ծառայության մարդահամարի վարչություն»,- ասաց նա:

Կույումջյանը նշեց, որ օրենքով հաստատված ընթացակարգերի համաձայն` մարդահամարի գործընթացն իրականացվում է նաև քրեակատարողական հաստատություններում, մանկապարտեզներում, ծերերի կամ հաշմանդամների խնամքի հաստատություններում, ինչպես նաև Հայաստանում հավատարմագրված օտարերկրյա դիվանագիտական ներկայացուցչություններում, և ստացված տվյալները նաև տրամադրվելու են ԱՎԾ մարդահամարի վարչություն և հրապարակվելու են:

«Ժամկետային զինծառայողների մարդահամարն իրականացվել է իրենց տներում, իսկ զորամասերում հաշվի են առնվել միայն այն սպայական կազմի ներկայացուցիչները, ովքեր իրենց ընտանիքներով բնակվում են այդ զորամասերի տարածքում»,- պարզաբանեց նա:
Վարչության պետը նաև նշեց, որ տեղամասային գործակալություններ և անմիջապես վարչություն բազմաթիվ զանգեր են ստացվել հանրապետության բնակիչների կողմից՝ պարզաբանվող հարցերով կամ բողոքներով, ի պատասխան որոնց կամ անհրաժեշտ տեղեկատվություն է տրվել մարդահամարի ներմուծման ընթացակարգի և նպատակների մասին, կամ համապատասխան որոշումներ են տրվել «տաք հետքերով»:

Խոսելով հաշվարարների ընտրության մասին՝ Կույումջյանը տեղեկացրեց, որ նրանք ընտրվել են համայնքների ղեկավարների կողմից ներկայացված թեկնածություններով, իսկ Երևանում նրանց կազմը ձևավորվել է հիմնականում այն անձանց թվից, ովքեր մասնակցություն են ունեցել անցած մարդահամարներին:

«Հաշվարարների աշխատավարձը կազմում է 45 հազար դրամ (մոտ 120 դոլար), որը տրվում է նաև կրթական դասընթացների, ատեստավորմանը մասնակցելու, անմիջապես մարդահամարն անցկացնելու, ինչպես նաև վերահսկիչ միջոցառումներին մասնակցելու և արված աշխատանքը հաշվարար- հրահանգիչներին փոխանցելու համար»,- պարզաբանեց նա:

Նա տեղեկացրեց, որ հարցաթերթիկում ներառված է տարբեր սոցիալական և քաղաքական կարգավիճակներում և տարիքային կատեգորիայում գտնվող անձանց ուղղված 33 անհատական հարց, 15 հարցը վերաբերում է տնային տնտեսությունների կենսամակարդակին, չորսը՝ գյուղատնտեսական գործունեություն իրականացնելու և հողի կամ տնային կենդանիների սեփականության մանրամասներին, ինչպես նաև ընդհանուր տնտեսական բնույթի երեք հարց:

«Ընդունված միջազգային չափանիշների համապատասխան, ազգության, մայրենի լեզվի և կրոնի վերաբերյալ հարցերին մարդիկ իրավունք ունեն պատասխանել կամ հրաժարվել պատասխանից, քանի որ դրանք հարցվողի կյանքի խիստ անձնական ասպեկտներն են շոշափում»,- ասաց նա:
Առաջին անգամ ՀՀ մարդահամարն անցկացվել է 2001թ.-ին: -0-

Loading...
Թեմատիկ նյութեր
Բաժնի այլ նյութեր
21:16
17 Հունվարի 2017
Գիտնականներ. հայհոյախոսությունը կապված է ազնվության հետ
Հոգեբանների միջազգային խումբը պարզել է, որ հաճախ հայհոյող մարդիկ ավելի ազնիվ են։
18:04
17 Հունվարի 2017
Մառա Բաղդասարյանի հայրը նախատել է դստերը դատարանում
Սավյոլովի դատարանի նիստի ժամանակ Մառա Բաղդասարյանի հայրը նախատել է աղջկան:
11:48
17 Հունվարի 2017
«Հոնկոնգ» վիրուսն արդեն Հայաստանում է, սակայն «խոզի գրիպի» նման ագրեսիվ չէ
Եթե նախորդ տարի Հայաստանում մեծ մասամբ շրջանառվում էր գրիպի A տեսակի H1N1 ենթատեսակը կամ, այսպես կոչված, «խոզի գրիպը», ապա այս տարի Հայաստան է ներթափանցել A տեսակի H3N2 ենթատեսակը, որն էլ «Հոնկոնգ» անվանումն ունի:
20:26
16 Հունվարի 2017
Հայտնի բռնցքամարտիկ Նիկոլայ Վալուևը պատմել է Հայաստանի լեռներում արջի հետ սարսափելի հանդիպման մասին
Հայտնի բռնցքամարտիկ, ՌԴ Պետդումայի պատգամավոր Նիկոլայ Վալուևը նշել է, որ իր կյանքի ամենամեծ էքստրիմը եղել է Հայաստանի լեռներում արջի հետ հանդիպումը։
18:49
16 Հունվարի 2017
Ստեփանակերտի թիմը «ԿիՎիՆ–2017»-ում. Fact check «Նովոստի-Արմենիայից»
Ստեփանակերտի «Աղ ու հացով» ՈւՀԱ–ի թիմի մասնակցությունը Սոչիում հունվարի 10–23–ն անցկացվող «ԿիՎիՆ–2017» 28–րդ միջազգային փառատոնին արժանացավ Բաքվի բուռն բացասական արձագանքին։ Այս կապակցությամբ ադրբեջանական ԶԼՄ–ները սկսեցին ակտիվ տեղեկատվական քարոզարշավ։
17:43
16 Հունվարի 2017
Կրասնոդարցի երկրպագու Միշա պապիկը սուպերմոդելից 1 մլն ռուբլի է ստացել
Կանացի ներքնազգեստի վաճառքով զբաղվող ընկերության մոդել Քսենյա Դելին 1 մլն ռուբլի է նվիրաբերել կրասնոդարցի մարզական երկրպագու Միխայիլ Գարիյանի համար տուն գնելու ակցիայի շրջանակում։
11:54
16 Հունվարի 2017
Facebook պրոֆիլը հաքերներից պաշտպանելու խորհուրդներ
Մեդիափորձագետ Սամվել Մարտիրոսյանն իր բլոգում նշել է մի քանի կետ Facebook պրոֆիլը հաքերներից պաշտպանելու վերաբերյալ։
20:15
15 Հունվարի 2017
Գարիկ Մարտիրոսյանը խոսել է «ՊրոժեկտորՓերիսՀիլթոն» նախագծի վերսկսման մասին
Ռուսաստանցի շոումեն, «Comedy Club»–ի ռեզիդենտ Գարիկ Մարտիրոսյանը Instagram–ում տեսանյութ է հրապարակել` ակնարկելով, որ շուտով կվերսկսվի «ՊրոժեկտորՓերիսՀիլթոն» նախագիծը։
19:12
15 Հունվարի 2017
Քիմ Քարդաշյանի կողոպուտի գործով վեց մարդու մեղադրանք է առաջադրվել
Ամերիկացի հեռուստաաստղ Քիմ Քարդաշյանի կողոպուտի գործով վեց կասկածյալի մեղադրանք է առաջադրվել:
18:32
15 Հունվարի 2017
«Յանդեքս»–ի նոր բլուզների գրպանում կարելի է նոութբուք տեղավորել
«Յանդեքս. Առարկաներ» առցանց խանութի կայքում նոր բլուզներ են հայտնվել։
20:20
14 Հունվարի 2017
20–ամյա բրիտանացին երկրի առաջին հղի տղամարդն է
20-ամյա բրիտանացին Գլոչեսթերից առաջինն է Բրիտանիայում, ով հայտարարում  է իր հղիության մասին:
19:35
14 Հունվարի 2017
Չելյաբինսկի բնակիչը փչացրել է ալկոտեստերը սեփական շնչառությամբ երեք լիտր օղի խմելուց հետո (ՏԵՍԱՆՅՈւԹ)
Չելյաբինսկի բնակիչներից մեկը դարձել է ոչ միայն շրջանի առաջին սթափարանի այցելուն, այլ նաև կարողացել է փչացնել ալկոտեստերը: