485.25
-0.08
569.44
-2.72
8.18
-0.02
-2
Եղանակը Երևանում
Հայ
Բոտուլիզմից կարելի է խուսափել՝ փոխարինելով տնային պահածոները սառեցված և չորացրած բանջարեղենով. փորձագետ
14:34
09 Օգոստոսի 2011

ԵՐԵՎԱՆ, 9 օգոստոսի.  /Նովոստի-Արմենիա/. Ինքներս մեզ և մեր հարազատներին բոտուլիզմից զերծ պահելու համար տնային տնտեսուհիները պետք է կտրականապես հրաժարվեն տնային պայմաններում բանջարեղեն պահածոյացնելուց, հայտարարեց ՀՀ առողջապահության նախարարության պետական հիգիենիկ հակահամաճարակային տեսչության սնուցման բաժնի պետ Մարգարիտա Բաբայանը:

2011 թվականի սկզբից Հայաստանում արձանագրվել է բոտուլիզմի 16 դեպք, տուժել է 27 մարդ, ընդ որում՝ նրանցից երեքը մահացել են։ Միաժամանակ 2010 թվականին արձանագրվել է 12 դեպք՝ 12 տուժածներով, որոնցից մահացել է միայն մեկը։

«Այսօր հանրապետությունում քիչ չեն բավականին անվտանգ պահածոներ արտադրող կազմակերպությունները, և կարելի է օգտվել դրանց արտադրանքից»,- երեքշաբթի մամուլի ասուլիսի ժամանակ ասաց Բաբայանը։

Փորձագետը խորհուրդ տվեց առհասարակ հրաժարվել տան պայմաններում պահածոյացումից, քանի որ տնային պայմաններում անհնար է պահպանել բոտուլիզմի՝  հողից բանջարեղենի մեջ անցնող և վակուումի պայմաններում թույն արտադրող հարուցիչ սպորների չեզոքացման և ոչնչացման անհրաժեշտ բոլոր պայմանները։

Բաբայանը նշեց, որ եթե տնային պահածոները, այնուամենայնիվ, պատրաստվել են, օգտագործումից առաջ դրանք պետք է պարտադիր եռացնել 20-25 րոպե՝ սկսած եռ գալու պահից։ «Սակայն ձմեռվա համար բանջարեղենի և մրգի պահպանման լավագույն տարբերակը սառեցումն է և պահումը սառնարանում կամ չորացումը»,- ընդգծեց նա։

Առավել վտանգավոր են բոտուլիզմի տեսանկյունից, մասնավորապես, պահածոյացված սմբուկի խավիարը, բուլղարական կարմիր պղպեղը, գազարով լցոնած պղպեղը և, հատկապես, լոլիկի և վարունգի մարինադները։

Այս առիթով Բաբայանն ավելացրեց, որ բոտուլիզմը չի սպառնում մուրաբայի կամ ջեմերի սիրահարներին, քանի որ բոտուլինտոքսիններ չեն առաջանում, եթե մուրաբայում շաքարի պարունակությունը գերազանցում է 60 տոկոսը։

Նա խորհուրդ տվեց նաև չզբաղվել ինքնաբուժությամբ և անցանկալի հետևանքները ու բարդությունները ժամանակին կանխելու համար անհապաղ դիմել բժշկի հիվանդության առաջին իսկ հատկանիշների ի հայտ գալու դեպքում։  Դրանց թվում են՝ գլխացավ, գլխապտույտ, սրտխառնոց, փսխում, փորլուծություն, ցավեր որովայնային հատվածում։ Հնարավոր է նաև, որ հիվանդի մոտ երկտեսություն, ձայնի խռպոտություն, բերանի չորություն նկատվի։  

«Տնային պայմաններում ցուցաբերված առաջին օգնությունը բարդացնում է հետագայում բուժման ընթացքը, բացի այդ, տանը անհնար է հակաբոտուլինային պատվաստում կատարել»,- ասաց նա՝ ավելացնելով, որ պրոֆեսիոնալ բժշկական օգնությունից առաջ տուժածին կարելի է մեծ քանակությամբ հեղուկ տալ։

ՀՀ առողջապահության նախարարության պետական հիգիենիկ հակահամաճարակային տեսչության սնուցման բաժնի գլխավոր մասնագետ Լևոն Թուխիկյանն իր հերթին նշեց, որ բոտուլիզմը վտանգավոր է նաև նրանով, որ բանջարեղենի ոչ արտաքին տեսքով, ոչ էլ համային որակներով հնարավոր չէ բացահայտել բոտուլիզմի սպորների առկայությունը։

«Բոտուլիզմն անհնար է ամբողջովին կանխել հիգիենայի նորմերի պահպանմամբ պահածոների նույնիսկ ամենապատշաճ պատրաստման դեպքում»,- ընդգծեց նա։

Բոտուլիզմի դեպքերի առավելագույն թիվն արձանագրվում է Հայաստանի մարզերում, հատկապես, Տավուշի, Լոռու և Շիրակի մարզերում։ Լաբորատոր հետազոտությունները վկայում են, որ բոլոր դեպքերում թունավորման պատճառը տնային պահածոների օգտագործումն է։ -0-

Loading...
Թեմատիկ նյութեր
Բաժնի այլ նյութեր
19:25
10 Դեկտեմբերի 2017
Ցավազրկողները դարձել են ճարպակալման պատճառ
Ցավազրկողները հանգեցնում են մարմնի քաշի կտրուկ ավելացման։
16:38
10 Դեկտեմբերի 2017
Հայտնի են YouTube–ի տարվա ամենահայտնի տեսահոլովակները
YouTube–ը հրապարակել է տարվա ամենահայտնի երաժշտական տեսահոլովակների ցանկը:
15:15
10 Դեկտեմբերի 2017
Ընտրվել են տարվա վատագույն ֆիլմերը
Rolling Stone պարբերակը ընտրել է տարվա ամենավատ ֆիլմերը։
12:41
10 Դեկտեմբերի 2017
Հոֆմանը պատմել է, թե ինչպես է նրան ուղղորդել Վիլյամ Սարոյանը (ՎԻԴԵՈ)
Օսկարակիր դերասան Դասթին Հոֆմանը պատմել է իր ստեղծագործական ուղու մասին:
20:47
09 Դեկտեմբերի 2017
Աշխարհի առաջին SMS հաղորդագրության հեղինակը պատմել է դրա բովանդակության մասին
Պատմության մեջ առաջին SMS հաղորդագրությունն ուղարկվել է 25 տարի առաջ։
19:37
09 Դեկտեմբերի 2017
Ճարպն այրող արդյունավետ ըմպելիք
Այս ըմպելիքի մեկ բաժակը կթարմացնի և միաժամանակ կօգնի ազատվել ավելորդ կիլոգրամներից։
18:12
09 Դեկտեմբերի 2017
Սմարթֆոնից կախվածությունը հանգեցնում է փոփոխությունների գլխուղեղում
Հետազոտության ընթացքում հարցված երիտասարդների 46 տոկոսը նշել է, որ կյանքը չի պատկերացնում առանց սմարթֆոնի։
17:00
09 Դեկտեմբերի 2017
18 երկրների գեղեցկուհիներ ժամանել են Երևան` «Թոփ մոդել ԱՊՀ-2017» գեղեցկության մրցույթին մասնակցելու համար (ՖՈՏՈ)
«Թոփ մոդել ԱՊՀ- 2017» գեղեցկության մրցույթը կանցկացվի դեկտեմբերի 10-ին Երևանում:
15:48
09 Դեկտեմբերի 2017
4 ռուսերեն բառեր, որոնք փոխառված են հայերենից
Հայերենը հնդեվրոպական լեզվաընտանիքի առանձին ճյուղ է։ Այն աշխարհի հնագույն լեզուներից մեկն է, այդ իսկ պատճառով հայերեն արմատներով բառերը ռուսերենի հնագույն բառերից են։
14:25
09 Դեկտեմբերի 2017
Վիտամինային ռումբ. արքայանարնջի 6 օգտակար հատկությունները
Տարվա ցուրտ ժամանակ մեր օրգանիզմը վիտամինների և օգտակար նյութերի կարիք ունի:
11:37
09 Դեկտեմբերի 2017
«Հայր մեր» աղոթքի տողերից մեկի թարգմանությունը կարող է փոխվել
Հռոմեակաթոլիկ եկեղեցին պետք է փոխի Տերունական աղոթքի «... և մի տանիր մեզ փորձության» տողի թարգմանությունը հին հունարենից։
11:34
09 Դեկտեմբերի 2017
Մահացել է Լեոնիդ Բրոնևոյը
Կյանքի 89-րդ տարում մահացել է արտիստ Լեոնիդ Բրոնևոյը: