485.16
+0.79
562.93
-1.22
8.23
-0.05
+9
Եղանակը Երևանում
Հայ
ՀՀ գլխավոր դատախազն ԱՄՆ պետքարտուղարի փոխտեղակալին է ներկայացրել «մարտի 1-ի» գործի քննության ընթացքը
11:09
14 Հունիսի 2011

ԵՐԵՎԱՆ, 14 հունիսի. /Նովոստի-Արմենիա/. ՀՀ գլխավոր դատախազ Աղվան Հովսեփյանն ԱՄՆ-ի ժողովրդավարության, մարդու իրավունքների և աշխատանքի հարցերով պետքարտուղարի փոխտեղակալ Թոմաս Մելիայի (Thomas Melia) հետ հանդիպման ընթացքում ներկայացրել է 2008թ.-ի մարտի 1-ի անկարգությունների վերաբերյալ նախաքննության ընթացքը։

2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվեցին անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվեց տասը և վիրավորվեց ավելի քան 200 քաղաքացի:

Ինչպես հաղորդում է գլխավոր դատախազության մամուլի ծառայությունը, Հովսեփյանը հանգամանորեն ներկայացրել է նախաքննական մարմնի կատարած աշխատանքները` քննչական գործողությունները, փորձաքննությունների արդյունքները, եզրակացությունները, ՀՀ գլխավոր դատախազի կողմից ՀՀ ԿԱ ազգային անվտանգության ծառայությանը և ոստիկանությանը ուղարկված հանձնարարականները, միջնորդագրերը` օպերատիվ-հետախուզական աշխատանքներ կատարելու վերաբերյալ, միջազգային բազում կազմակերպությունների` այդ թվում նաև Հայաստանում ԱՄՆ դեսպանատանը, մարդու իրավունքների գլխավոր հանձնակատար Թ. Համմարբերգին   փորձագիտական և մասնագիտական աջակցության համար ուղղված դիմումները, նամակները:

Աղվան Հովսեփյանը շեշտել է, որ այս պահին ևս պատրաստ են ընդունելու միջազգային փորձագետի, մասնագետի, ով կարող է օգնել, օժանդակել նախաքննական մարմնին:
«Քրեական գործով կազմվել է ավելի քան 300 հատոր, ուսումնասիրվել են բազում տեսաձայնագրություններ, վերարտադրվել է զանգվածային անկարգությունների ընդգրկման գրեթե ողջ տարածքը»,- ընդգծել է նա։ Ըստ Հովսեփյանի,  հստակեցվել են մահացած անձանց դեպքերի վայրերը, փորձաքննության են ուղարկվել  բոլոր այն հատուկ միջոցները, զենքերը։

Հովսեփյանը նշել է նաև, որ  նկատի ունենալով հանրության հետաքրքրվածությունը մարտի 1-ի դեպքերի քննության ընթացքի վերաբերյալ, ինչպես նաև` հանրության հետ ակտիվ շփումներ ձևավորելու արդյունքում նոր հանգամանքների, նոր ապացույցների, նոր վկաների ի հայտ գալու նկատառումով, հանձնարարվել է քննչական խմբի ղեկավարին և դատավարական ղեկավարում իրականացնող դատախազին ամիսը 2 անգամ հանդիպել զանգվածային լրատվության միջոցների ներկայացուցիչների հետ, կազմակերպել «Բաց դռների օր»:

ՀՀ գլխավոր դատախազը նշել է, որ կատարված աշխատանքով հանդերձ դեռ չի հաջողվել ամբողջությամբ բացահայտել 10 անձանց մահվան հանգամանքները:

«Այդ առումով  օբյեկտիվ են հասարակական, քաղաքական  շրջանակների, տուժողների իրավահաջորդների կողմից հնչող  հարցադրումները։ Սակայն օբյեկտիվ են նաև այն խոչընդոտները, այն հանգամանքները, որոնք դժվարություններ են ստեղծում նախաքննական մարմնին. իրադարձությունները տեղի են ունեցել գիշերով, բազմահազար անձանց մասնակցությամբ, մի քանի հազար քառակուսի մետր տարածք ընդգրկող բնակելի հատվածում»,- ասել է գլխավոր դատախազը։

Նա հայտնել է, որ նախաքննական մարմինն իր լիազորությունները, իր գործառույթները իրականացնում է քրեաիրավական հարթությունում, մեղավոր անձանց ի հայտ բերելու, նրանց պատասխանատվություն սահմանող մեղադրանքը անհատականացնելու համար անհրաժեշտ է բավարար ապացուցողական բազա, որպեսզի դատարանում հնարավոր լինի ապացուցել այն:

Թոմաս Մելիան նշել է, որ իրոք կատարվել է հսկայական աշխատանք, շնորհակալություն է հայտնել Հովսեփյանին` մանրամասն իրազեկելու համար։Նա նաև հետաքրքրվել է 2008 թվականի մարտի 1-ին Երևանում տեղի ունեցած զանգվածային անկարգությունների և սպանությունների դեպքերի առթիվ հարուցված քրեական գործի նախաքննության ընթացքի` մասնավորապես 10 անձանց մահվան հանգամանքների բացահայտման ուղղությամբ կատարված աշխատանքների մասին:

Տվյալ գործով քննչական խմբի ղեկավար Վահագն Հարությունյանն ի պատասխան տեղեկացրել է, որ քննչական աշխատանքները երբեք չեն դադարեցվել։ -0-

Loading...
Թեմատիկ նյութեր
Բաժնի այլ նյութեր
15:22
06 Նոյեմբերի 2017
Վյաչեսլավ Դոբրինին. հայրս հայ է, բայց ես նրան երբեք չեմ տեսել (ՎԻԴԵՈ)
Վյաչեսլավ Դոբրինինը պատմել է իր հայկական արմատների մասին։

19:38
05 Նոյեմբերի 2017
Ինչպե՞ս ակտիվացնել երեխաների ուղեղի աշխատանքը քննությունից առաջ
Հայտնի է այն մթերքը, որը կօգնի ակտիվացնել երեխաների ուղեղի աշխատանքը քննությունից առաջ։
18:05
05 Նոյեմբերի 2017
Հայտնի է աշխարհի ամենաէլեգանտ քաղաքը
Հայտնի է աշխարհի ամենաէլեգանտ քաղաքը:
16:58
05 Նոյեմբերի 2017
Կյանք մահից հետո. մտքեր և զգացողություններ
Պարզվել է, որ կլինիկական մահվան վիճակում մարդկանց գիտակցությունը շարունակում է աշխատել։
15:37
05 Նոյեմբերի 2017
Պարզվել է գազավորված ըմպելիքի գլխավոր վտանգը
Բացահայտվել է գազավորված ըմպելիքի մահացու վտանգը։
11:00
05 Նոյեմբերի 2017
Ռուսական «Գոլոս» նախագծի ժյուրիի անդամները ոտնկայս ծափահարել են հղի Անահիտ Պողոսյանին (ՎԻԴԵՈ)
Ռուսական Առաջին ալիքով հեռարձակվող «Գոլոս» շոուի ժյուրիի անդաները ոտնկայս ծափահարել են հղի Անահիտ Պողոսյանին:
21:00
04 Նոյեմբերի 2017
Պարզվել է iPhone X–ի գլխավոր խոցելի կողմը (ՎԻԴԵՈ)
Հայտնի է դարձել  iPhone X–ի գլխավոր խոցելի կողմը։
19:58
04 Նոյեմբերի 2017
Հայտնի են աշխարհի ամենավտանգավոր քաղաքները
Հրապարակվել են աշխարհի ամենավտանգավոր քաղաքները։
18:50
04 Նոյեմբերի 2017
Ասպիրինն օգնում է կանխել լյարդի քաղցկեղը
Ասպիրինը դրական է ազդում իմունոթերապիայի վրա։
17:25
04 Նոյեմբերի 2017
Ստեղծվել է ապագայի մեքենա (ՎԻԴԵՈ)
Ապագայի մեքենան ապակե գնդի տեսք ունի` առանց անիվների:
14:11
04 Նոյեմբերի 2017
Անջելինա Ջոլին գաղտնի ամուսնանում է
Անջելինա Ջոլին կրկին պատրաստվում է ամուսնանալ։
12:59
04 Նոյեմբերի 2017
Գրող Զապել Եսայանն աշխարհի ամենախիզախ կանանց հնգյակում է
Ինչպես կարծում էր Եսայանը, գրականությունը զարդ չէ, այլ հզոր զենք և անարդարության դեմ պայքարի միջոցով։