478.57
+0.37
561.79
+1.96
8.05
+0.02
+29
Եղանակը Երևանում
Հայ
Հայ իրավապաշտպանները մտահոգված են բանտերի գերբեռնվածությամբ և բուժօգնության որակով
15:16
02 Հունիսի 2011

Հայաստանի իրավապաշտպանները մտահոգված են բանտերի գերբեռնվածությամբ և բանտարկյալներին ոչ ժամանակին ցուցաբերվող բուժօգնության որակով: 

«Հայաստանում առկա է քրեակատարողական հիմնարկների բեռնվածության խնդիրը, մարդիկ այնտեղ ավելի մեծ թիվ են կազմում, քան սահմանված է նորմայով, և Մարդու իրավունքների եվրոպական դատարանի նախադեպային որոշման համաձայն, դա կոչվում է մարդու արժանապատվությունը նվաստացնող անմարդկային պայմանների ստեղծում»,- ասաց Հելսինկյան քաղաքացիական ասամբլեայի Վանաձորի գրասենյակի ղեկավար, ՔԿՀ-ներում իրավիճակի վերահսկողության դիտորդական խմբի ղեկավար Արթուր Սաքունցը:

Մասնավորապես, նա հայտնեց, որ «Նուբարաշեն» ՔԿՀ-ն գերբեռնված է 200 մարդով, ինչի արդյունքում հիմնարկի բանտարկյալների ընդհանուր թիվը հասնում է 1200 մարդու, և, հենց բանտարկյալների հավաստմամբ, ստիպված են հերթով քնել:

Նա նշեց, որ բանտերի բեռնվածությունը հանգեցնում է նաև մահվան թվի աճի, քանի որ խցերը չեն օդափոխվում, և առողջական խնդիրներ են առաջանում: Սաքունցի խոսքով, եթե 2009 թվականին ՔԿՀ-ում մահացել է յոթ մարդ, ապա արդեն 2010 թվականին այդ ցուցանիշը հասել է 35 մարդու ողջ հանրապետությունում:

Նա կարծում է, որ որոշ մահերից կարելի էր խուսափել ժամանակին տրամադրած բուժօգնության դեպքում: Այս կապակցությամբ իրավապաշտպանը նշեց բանտարկյալների մահվան պատճառների պաշտոնական ներկայացման անհրաժեշտությունը ոչ միայն հարազատներին, այլ նաև հանրությանը:
«Սա նաև կոռուպցիայի ռիսկ է ստեղծում, քանի որ ռեսուրսների պակասը պարտադիր կոռուպցիա է ենթադրում»,- ասաց նա՝ ավելացնելով, որ բանտերի բեռնվածության հետևանքով բանտարկյալներ բախվում են արտաքին աշխարհի հետ շփման և հանգստի անցկացման խնդրին:

Սաքունցը նշեց նաև, որ դիտորդական խումբն Արդարադատության նախարարին է ներկայացրել մի շարք առաջարկներ: Դրանք, մասնավորապես, վերաբերում են պայմանական վաղաժամկետ ազատմանը: «Հանձնաժողովի որոշումն ազատման վերաբերյալ անհասկանալի են, խելամիտ տեսանկյունից անհիմն և կողմնակալության տարր են պարունակում»,- ասաց նա:

Հայաստանի արդարադատության նախարարության Քրեակատարողական վարչության մամուլի քարտուղար Արսեն Բաբայանն ասաց, որ քրեակատարողական հիմնարկների գերբեռնվածության խնդիրն առկա է, բայց չարժե այն չափազանցնել, հավելելով, որ բանտարկյալները բոլորովին էլ հերթով չեն քնում:

Նա նշեց նաև, որ արտաքին աշխարհի հետ շփման խնդիրն էլ գերբեռնվածության պատճառով կա, բայց Արմավիրում իրականացվում է նոր ՔԿՀ-ի կառուցումը, որը ֆինանսների բացակայության պատճառով դադարեցվել էր, բայց այժմ աշխատանքները վերսկսվել են:

«Դա թույլ կտա բեռնաթափել բանտերը, մասնավորապես, այնտեղ կպահվեն ցմահ բանտարկյալները (100 մարդ), բացի այդ, «Գորիս» ՔԿՀ-ն պետք է տեղափոխվի նոր շենք»,- ասաց Բաբայանը:

Նրա խոսքով, քրեակատարողական հաստատությունները համագործակցում են Առողջապահության նախարարության և Կարմիր Խաչի հետ, առավել ևս, որ բանտարկյալները բուժում են անցնում ոչ միայն «Բանտարկյալների հիվանդանոցում», այլ նաև քաղաքացիական հիվանդանոցներում: Բաբայանը նշեց, որ բանտարկյալների մահվան դեպքերի պատճառներն ամենատարբեր են, և կան ինքնասպանության դեպքեր, որոնց մասին հասարակայնությունը տեղեկացված չի եղել:

Վերջին տվյալների համաձայն, այժմ բանտերում են գտնվում 5100 դատապարտյալներ, նրանց թվում` 140 կին, 17 անչափահասներ, ևս 20 մարդ նախնական կալանքի փուլում են: Մինչև երեք տարեկան երեք երեխա ապրում են բանտարկյալ մայրերի հետ: -0-

Loading...
Թեմատիկ նյութեր
Բաժնի այլ նյութեր
16:30
18 Օգոստոսի 2017
Գերմանիայում ավանդական հայկական լավաշ կթխվի
Գերմանիայում հանդիսավորապես կբացվի լավաշի առաջին թոնիրը:
13:00
18 Օգոստոսի 2017
Արոնյանի սիրո խոստովանությունը` Աստվածաշնչի ամենագեղեցիկ տողերով (ՖՈՏՈ)
Հայ գրոսմայստեր Լևոն Արոնյանը Facebook–ի իր էջում իր հարսնացուի` Արիանա Կաոիլիի հետ լուսանկարների շարք է հրապարակել։
21:08
17 Օգոստոսի 2017
Քլոե Քարդաշյանի ընկերը նրան Հայաստանի ոսկե զինանշան է նվիրել (ՎԻԴԵՈ)
Քիմ Քարդաշյանի կրտսեր քույրը` Քլոե Քարդաշյանը, յուրօրինակ նվեր է ստացել։
16:40
17 Օգոստոսի 2017
Ռուսաստանում վերջնականապես արգելվեց «Եհովայի վկաներ»–ի գործունեությունը
ՌԴ արդարադատության նախարարությունը «Եհովայի վկաներ» կազմակերպությունն ընդգրկել է արգելված կազմակերպությունների ցանկում:
17:04
16 Օգոստոսի 2017
Սիթիբանկում պատանդներ պահած գործարար Արամ Պետրոսյանին 50 հազ.ռուբլու հայց է ներկայացվել
Արամ Պետրոսյանի նկատմամբ գործի տուժած կողմը նրան 50 հազար ռուբլու քաղաքացիական հայց է ներկայացրել։
16:26
15 Օգոստոսի 2017
Հեռախոսային «ալո» ողջույնը 140 տարեկան է
«Ալո» հեռախոսային դիմելաձևը նշում է 140–ամյակը։
17:24
11 Օգոստոսի 2017
Երևանում երթուղային «Գազելները» կարող են մնալ անցյալում
Անդրադառնալով  տրանսպորտային գների աճին, Նիկոյանը նշեց, որ բոլոր ջանքերը գործադրվում են՝ դրանից խուսափելու համար:
20:04
10 Օգոստոսի 2017
Հայ սոցիոլոգը նշել է, թե օրական քանի ծխախոտն է անվտանգ
Հայաստանի բնակիչներն օրական ավելի պակաս ծխախոտ են սկսել օգտագործել:
18:31
09 Օգոստոսի 2017
Փորձագետը նշել է Հայաստանում զբոսաշրջիկների թվի ավելացման ամենաարդյունավետ տարբերակը
Փառատոները սեփական ներուժը ցույց տալի արդյունավետ ձև է, ինչպես ներքին, այնպես էլ արտաքին շուկաներում:
20:26
08 Օգոստոսի 2017
Թուրքիայի իշխանություններն առգրավել են Սևան Նշանյանի բանկային խնայողությունները
«Պետությունն առգրավել է այն,, քանի որ այլ ելք չեն գտել իմ դեմ», - գրել է Նշանյանը:
17:53
08 Օգոստոսի 2017
ՍԱՊԾ-ն դաբաղի վերաբերյալ ահազանգ չի ստացել
Հիվանդությունն առանց լաբորատոր փորձաքննության հնարավոր չէ ախտորոշել
16:49
08 Օգոստոսի 2017
Թուրքիայում հանգստացողներին խորհուրդ է տրվում զգուշանալ կոկսակի վիրուսից. ՀՀ ԱՆ
Հարևան երկրներում, մասնավորապես՝ Թուրքիայում վերջին ամիսների ընթացքում շարունակվում է էնտերովիրուսային վարակներով պայմանավորված (Կոկսակի վիրուս) համաճարակային լարված իրավիճակը: