478.73
-0.03
561.07
+4.18
8.06
+0.07
+25
Եղանակը Երևանում
Հայ
Երեխաների իրավունքները խախտվում են Հայաստանի բոլոր մարզերում. փորձագետ
19:08
11 Մայիսի 2011

Երեխաների իրավունքների խախտումների փաստեր են արձանագրվել Հայաստանի բոլոր մարզերում, լրագրողներին ասաց «Միավորվենք հանուն երեխաների, փրկենք ապագան» ծրագրի ղեկավար Աննա Հարությունյանը։

«Ծրագրի իրականացման առաջին տարվա ընթացքում անցկացվել են Հայաստանում երեխայի պաշտպանվածության աստիճանի գնահատման ուսումնասիրություններ, որոնց արդյունքում պարզվել է, որ երեխայի նկատմամբ բռնություն է արձանագրվել ինչպես մայրաքաղաքում, այնպես էլ հանրապետության բոլոր մարզերում»,- չորեքշաբթի «Միավորվենք հանուն երեխաների, փրկենք ապագան» ծրագրի տարեկան հաշվետվությանը նվիրված մամուլի ասուլիսի ընթացքում ասաց Հարությունյանը։

Նրա խոսքով՝ հայ երեխաները բռնության են ենթարկվում թե տանը, թե դպրոցում։ Հարությունյանը հատուկ նշեց մանկական աշխատանքային ուժի շահագործումը, որը նկատվում է մարզերում գյուղատնտեսական աշխատանքների ժամանակաշրջանում, երբ երեխաները նույնիսկ դպրոց չեն հաճախում։

Նա նշեց, որ բռնության ձև է նաև երեխաների ֆիզիկական պատիժը իբր դաստիարակման նպատակով, որն ակտիվորեն կիրառվում է հայկական ընտանիքներում։ «Հոգեբանական բռնություն՝ վիրավորական խոսքեր, երեխայի մարդկային արժանապատվության նվաստացում, սրանք էլ են համարվում բռնության ակտեր և երեխայի իրավունքների խախտում»,- ընդգծեց նա։

Հարությունյանի խոսքով՝ արդեն իրագործվել են տանը և կրթական հաստատություններում երեխաների դաստիարակության մեթոդների փոփոխմանն ուղղված մի շարք ծրագրեր։ Մասնավորապես, առողջապահության և սոցիալական ապահովման փորձագետների մասնակցությամբ անցկացվել են սեմինարներ երեխաներին բռնությունից պաշտպանելու թեմայով։

Հարությունյանը հայտնեց նաև, որ շուտով Հայաստանում կհրապարակվի երեխաների դաստիարակության մեթոդիկայի հատուկ ձեռնարկ, որում նշված են երեխայի իրավունքների պաշտպանության ՄԱԿ-ի կոնվենցիայի հիմնական սկզբունքները։ Հանդեսի տպաքանակը կկազմի մոտ 15 հազար օրինակ։


Ծրագրերի թվում նա նշեց «Երեխան երեխայի համար» և «Դու անվտանգ ես, անվտանգ եմ ես» հանդեսների հիման վրա երեխաների համար ստեղծված կրթական ծրագիրը, որոնցում հստակեցվում են տարբեր տարիքի երեխաների իրավունքներն ու պարտավորությունները։ Այդ ծրագիրը կընդգրկի մոտ 3100 երեխա։
«Մեր կազմակերպությունն իր առջև դրած նպատակներին հասնելու համար սերտորեն համագործակցում է ինչպես պետական կառույցների և տեղական ինքնակառավարման մարմինների, այնպես էլ հասարակական կազմակերպությունների հետ»,- ասաց Հարությունյանը։

Հայաստանում Եվրահանձնաժողովի պատվիրակության ղեկավար, դեսպան Ռաուլ դը Լյուցենբերգերն էլ իր հերթին ավելացրեց, որ ԵՄ համագործակցությունը Հայաստանի հետ երեխաների իրավունքների պաշտպանության հարցում իրականացվում է, սկսած 2001 թվականից։ Ըստ նրա, միջազգային կազմակերպությունները, հնարավոր է, կավելացնեն Հայաստանում երեխայի իրավունքների պաշտպանության ծրագրերի ֆինանսավորումը։ -0-

Loading...
Թեմատիկ նյութեր
Բաժնի այլ նյութեր
20:26
27 Հուլիսի 2017
Երևանում կանցկացվի առաջին Food Fest–ը
Food Fest սննդի փառատոնն առաջին անգամ կանցկացվի Երևանում:
17:58
27 Հուլիսի 2017
Ջորջ Քլունիի դեմքն ամենագեղեցիկն է ճանաչվել հայտնի տղամարդկանց շարքում
Ամերիկացի դերասան Ջորջ Քլունիի դեմքը ճանաչվել է աշխարհում ամենագեղեցիկը հայտնի տղամարդկանց շարքում։
12:34
26 Հուլիսի 2017
«Ռուկի վվերխ» խմբի երևանյան համերգը չի կայանա
«Ռուկի վվերխ» ռուսական խմբի երևանյան համերգը չեղարկվել է։
10:25
26 Հուլիսի 2017
Հայկական ազգային խոհանոցը կներկայացվի միջազգային մրցույթի շրջանակում
Ռուս զինվորական խոհարարները կպատրաստեն հայկական, եգիպտական, հնդկական, ղազախական, տաջիկական և ուզբեկական ազգային կերակրատեսակներ։
21:05
25 Հուլիսի 2017
Դաշնային խորհրդի խոսնակը հիմարություն է անվանել ինքնաթիռում հեռախոսի և վերնազգեստի վճարովի տեղափոխումը
Վալենտինա Մատվիենկոն հիմարություն է անվանել ինքնաթիռում հեռախոսի և վերնազգեստի վճարովի տեղափոխումը։
19:37
25 Հուլիսի 2017
ՌԴ–ում կարող է վճարովի դառնալ ինքնաթիռում հեռախոսի և վերնազգեստի տեղափոխումը
Ռուսաստանում բջջային հեռախոսների և վերնազգեստի տեղափոխումը ինքնաթիռով  կարող են վճարովի դառնալ:
18:38
25 Հուլիսի 2017
Ռեժիսոր Արիկ Մանուկյանին սպառնում է տուգանք և ազատազրկում մզկիթ նկարահանելու համար
Ռուսաստանաբնակ  ռեժիսոր Արիկ Մանուկյանին կալանավորել են Աբու Դաբիում շեյխ Զայդայի մզկիթի հարևանությամբ դրոնով նկարահանում կատարելու համար։
17:21
25 Հուլիսի 2017
Արջերը «զբոսնում են» Երևանի Ազատության հրապարակում (ՖՈՏՈ)
Երևանի քաղաքապետարանի նախաձեռնությամբ հերթական անակնկալն է մատուցվել մայրաքաղաքի բնակիչներին և հյուրերին:
14:05
25 Հուլիսի 2017
Հայազգի դիզայները ստեղծել է հավաքածու` ոգեշնչված Փարաջանովի արվեստից (ՖՈՏՈ, ՎԻԴԵՈ)
Ռուսաստանաբնակ հայազգի դիզայներ Վարդուհի Նազարյանը տպավորվել է Երևանի Սերգեյ Փարաւջանովի տուն–թանգարան այցելուցունից։
21:00
24 Հուլիսի 2017
Forbes–ը պատմել է Ջորջիո Արմանիի հայկական արմատների մասին
Forbes Woman նորաձևության հայտնի ամսագիրը պատմել է Ջորջիո Արմանիի հայկական արմատների և հաջողության պատմությունը։
20:07
24 Հուլիսի 2017
Հայերենը հնչել է Օդեսայի առաջին գրական ֆլեշմոբում (ՎԻԴԵՈ)
Հուլիսի կեսերին Օդեսայում անցկացվել է «Օդեսան կարդում է. Օդեսային կարդում են» առաջին գրական ֆլեշմոբը:
16:45
24 Հուլիսի 2017
Թուրքիայում Հայոց Ցեղասպանության մասին եզակի փաստաթուղթ է հրապարակվել (ՖՈՏՈ)
Հրապարակվել է իրաքյան Մոսուլ քաղաքում Հայոց Ցեղասպամության մասին եզակի փաստաթուղթ։