480.39
+0.17
536.6
+0.48
8.07
+0.03
+21
Եղանակը Երևանում
Հայ
Հայ հասարակությունը հիմնականում թերահավատորեն է ընկալում ղեկավար կնոջ կերպարը. հետազոտություն
16:38
30 Մարտի 2011

Հայ հասարակությունը դեռ որոշակի կասկածամտություն է ցուցաբերում ղեկավար կնոջ կերպարն ընկալելու հարցում, ինչը խոչընդոտում է կանանց ակտիվության արտահայտմանը, չորեքշաբթի լրագրողներին հայտնեց «Կովկաս» հասարակական գիտահետազոտական կենտրոնի նախագահ, փորձագիտական խմբի ղեկավար Հովհաննես Հովհաննիսյանը՝ ներկայացնելով գենդերային հավասարության հետազոտության արդյունքները։

«Չնայած դրական միտումներին, հայ հասարակությունը դեռևս որոշակի կարծրատիպեր է պահպանում, որոնք խոչընդոտում են կանանց աճել մինչև ղեկավար պաշտոնի»,- ասաց Հովհաննիսյանը:
Ըստ նրա, կանանց մոտ, տղամարդկանց համեմատ, սեփական ուժերի նկատմամբ որոշակի անվստահություն կա հասարակական և քաղաքական կյանքում հիասթափություն ունենալու ֆոնի ներքո:
Ինչպես կարծում է Հովհաննիսյանը, ղեկավար պաշտոններում հայ կանանց ցածր ներկայացվածության էական գործոն է նաև հայ մոր ավանդական ընկալումը. նրա վրա է դրված ընտանեկան օջախի և երեխաների պատասխանատվությունը:

«Արդյունքում կանայք ավելի քիչ են տեղեկացված երկրում տեղի ունեցող գործընթացներից և միտումներից: Ավելին, չնայած հարցվողների 55 տոկոսը նշում է, որ իրազեկված է երկրի քաղաքական կյանքից, ըստ էության, նրանց կեսը տեղյակ չէ իրական իրավիճակից»,- ասաց Հովհաննիսյանը՝ մասնավորապես նշելով, որ հարցման պատասխանողները տեղյակ չեն երկրում գործող պետական համակարգից, խորհրդարանում առկա քաղաքական խմբակցությունների քանակից և այլն: 

Ինչպես նշեց փորձագետը, միաժամանակ Հայաստանում տղամարդիկ կարծում են, որ կինը կարող է բարձր պաշտոններ զբաղեցնել, պատգամավոր լինել, նույնիսկ նախագահ ընտրվել, բայց տարօրինակ է, որ ոչ մի կերպ չեն կարող այդ կարգավիճակում պատկերացնել իրենց կանանց, քույրերին և մայրերին:

Ընդհանուր առմամբ, ինչպես նշում է հետազոտության հեղինակը, Հայաստանում դրական առաջխաղացումներ են նկատվում, բայց նաև հասարակական կարծիքը փոխելու անհրաժեշտություն կա:

Այսօր Հայաստանում ընդամենը ութ կին պատգամավոր կա, երկու կին նախարար, վեց կին փոխնախարար և մի քանի կանայք` տեղական ինքնակառավարման մարմինների ղեկավար պաշտոններում:

Ըստ ՄԱԿ-ի տվյալների, ողջ աշխարհում իշխանության հիմնական երեք ճյուղերում կանայք բոլոր ղեկավար պաշտոնների 17 տոկոսն են զբաղեցնում, ընդ որում 150 երկրից միայն յոթն են նախագահի պաշտոնում ընտրվել, և ողջ աշխարհում առկա 192 նման պաշտոններից միայն 11 կանայք են զբաղեցրել վարչապետի պաշտոնը:
«Հայաստանի հասարակական-քաղաքական կյանքի մասնակցության գենդերային առանձնահատկությունները» հետազոտությունն ու սոցիալական հարցումն անցկացվել է 2010 թվականի ավարտին։ Հարցմանը մասնակցել է 1200 մարդ Երևանից և չորս մարզերից՝ Շիրակից, Արմավիրից, Գեղարքունիքից և Սյունիքից։

Հետազոտությունն անդրադառնում է գենդերային հավասարությանը և կանանց ակտիվությանը տարբեր, այդ թվում՝ քաղաքական կյանքի վերաբերյալ տեղեկացվածության և շահագրգռվածության, ընտրական գործընթացներում ներգրավվածության և տարբեր կառույցներում ներկայացվածության հարցերում, ինչպես նաև ուսումնասիրում է դրան խոչընդոտող գործոնները։ Հետազոտությունը նախատեսված է գենդերային հարցերով և գենդերային  քաղաքականության մշակմամբ զբաղվող վերլուծական կենտրոնների և տարբեր կառույցների համար։ -0-

Loading...
Թեմատիկ նյութեր
Բաժնի այլ նյութեր
20:35
24 Հունիսի 2017
Հայտնի է հոգնածությունից ազատվելու ամենաարդյունավետ միջոցը
Լոնդոնի Մարիա  թագուհու համալսարանի գիտնականները գտել են քրոնիկ հոգնածությունից ազատվելու  ամենաարդյունավետ միջոցը:  
19:45
24 Հունիսի 2017
Ինչպե՞ս ճիշտ կազմակերպել հանգիստը. խորհուրդ է տալիս հոգեբանը
Լավագույն հանգիստը գործունեության փոփոխությունն է:
18:30
24 Հունիսի 2017
Ուզու՞մ եք 5 օրում ազատվել ավելորդ 10 կգ-ից` գինի խմեք
Պարզվում է, որ գինին ոչ միայն համեղ ալկոհոլային ըմպելիք է, այլև կազմվածքը կարգի բերելու հիանալի միջոց:
15:58
24 Հունիսի 2017
Կոստա Ռիկայի նախագահը պատահաբար իշամեղու է կուլ տվել հարցազրույցի ժամանակ (ՎԻԴԵՈ)
Կոստա Ռիկայի նախագահ Լուիս Գիլյերմո Սոլիս Ռիվերան պատահաբար իշամեղու է կուլ տվել հարցազրույցի ժամանակ։
14:35
24 Հունիսի 2017
Ընտանեկան հայհոյանքն օրենքով կպատժվի Ռուսաստանում
Պետդումայի օրենսդրության կոմիտեն հավանություն է տվել ընտանեկան հայհոյությունների համար պատասխանատվությունը խստացնող օրինագծին:
13:10
24 Հունիսի 2017
Սուրենյանը պատմել է բնության «վախենալու գեղեցկության մասին» (ՖՈՏՈ)
Գագիկ Սուրենյանը հրապարակել է եղանակային բացառիկ երևույթի հետաքրքիր լուսանկար։
11:17
24 Հունիսի 2017
Սուրենյան. այսօրվանից անցնում ենք բուն ամառային ռեժիմի
Ամառը կրկին վերադառնում է։
16:19
23 Հունիսի 2017
Քանյե Ուեսթը նշել է, թե քանի երեխա է ուզում ունենալ Քիմ Քարդաշյանից
Հայտնի ռեփեր Քանյե Ուեսթը խոստովանել է, թե քանի երեխա է ուզում ունենալ իր կնոջից` ամերիկահայ հեռուստաաստղ Քիմ Քարդաշյանից:  
14:51
23 Հունիսի 2017
ՀՀ ԿԳՆ–ն պարզում է իսրայելցի շրջանավարտներին հայկական կեղծ դիպլոմներ տալու սկանդալի մանրամասները
Հայաստանի կրթության և գիտության նախարարությունը դիմել է երկրի արտգործնախարարությանը:
10:39
23 Հունիսի 2017
Պարային իմպրովիզացիա Գարիկ Մարտիրոսյանից և նրա կնոջից (ՎԻԴԵՈ)
Ռուսաստանաբնակ հայտնի շոումեն Գարիկ Մարտիրոսյանը կնոջ` Ժաննայի հետ պար են ներկայացրել հայկական ազգային տարազներով։
13:28
22 Հունիսի 2017
Հաշմանդամի սայլակով աղջնակն ուղեկցել է Ռոնալդուին դաշտ դուրս գալիս (ՖՈՏՈ, ՎԻԴԵՈ)
Ռուսաստան–Պորտուգալիա խաղի ժամանակ Ռոնալդուն խաղադաշտ է դուրս եկել 10–ամյա Պոլինայի ուղեկցությամբ:
13:11
22 Հունիսի 2017
Տավուշում քամին արմատախիլ է արել 30-40 տարվա ծառեր, նորատունկ այգիներ, ավերել ջերմոցներ ու բնակելի տներ
Պտղավանում քամին արմատախիլ է արել ծառեր, նորատունկ այգիներ, ավերել ջերմոցներ ու բնակելի տներ: