483.99
+0.93
563.46
+1.42
8.32
+0.02
+2
Եղանակը Երևանում
Հայ
Հայ ժողովուրդը պետք է պահպանի իր ազգային դիմագիծն ու լեզուն՝ ուժեղացնելով սեփական մրցունակությունը. խոսնակ
22:57
21 Դեկտեմբերի 2010

Հայ ժողովուրդը պետք է պահպանի իր ազգային դիմագիծը, լեզուն, սակայն միաժամանակ պետք է ուժեղացնի սեփական մրցունակությունն աշխարհում, երեքշաբթի ՀՀ ԱԺ-ում «Լեզվի մասին» օրինագծի քննարկման ժամանակ ասել է ՀՀ ԱԺ խոսնակ Հովիկ Աբրահամյանը:

ՀՀ խորհրդարանը արտահերթ նիստում քննարկում է «Լեզվի մասին» և «Հանրակրթության մասին» օրենքներում նախատեսված ուղղումները, որոնք որոշ դեպքերում դպրոցներում օտարալեզու ուսուցում են նախատեսում: Օրենքի համաձայն, կառավարության թույլտվությամբ Հայաստանում թույլատրվում է այլընտրանքային, հեղինակային, փորձարարական և միջազգային ծրագրերի իրականացումը օտար լեզվով: Միաժամանակ օրինագծում նշվում է, որ օտար լեզուներով ծրագրերը կարող են իրագործվել ոչ պետական ուսումնական հաստատություններում, ինչպես նաև միջպետական և միջգերատեսչական պայմանագրերով ստեղծված ուսումնական հաստատություններում:

«Այս օրինագիծը թույլ կտա պահպանել մեր ազգային դիմագիծը, լեզուն, ազգային լեզվամտածողությունը, խուսափել ձուլումից և միաժամանակ պահպանել սեփական հմտություններն ու մրցունակությունը աշխարհում», - հայտարարել է Աբրահամյանը:

ԱԺ նախագահի խոսքով՝ օրինագիծը քննարկումների մեծ ուղի է անցել և բազմակողմանի դիտարկում է պահանջում: ՀՀ ԱԺ խոսնակը հիշեցրել է, որ սեպտեմբերին օրիագծի կապակցությամբ կազմակերպված խորհրդարանական լսումների ժամանակ նա անձամբ է առաջարկել բարեփոխել փաստաթուղթը՝ օրենսդրական փաթեթից հանել «Լեզվի մասին» օրենքն ու հարցը լուծել միայն «Հանրակրթության մասին» օրենքի շրջանակներում, սահմանել այլընտրանքային, փորձարարական, հեղինակային և միջազգային ծրագրերը, պահպանել այն ուսումնական հաստատությունների սահմանափակումներն ու քվոտավորումը, որտեղ կարող են իրականացվել այդ ծրագրերը:

«Այս բոլորը առաջարկները հաշվի են առնվել», - հայտարարել է նա:

Աբրահամյանը կարծում է, որ նման բարեփոխումը օրինագիծը դարձնում է անխոցելի և իրավաբանորեն գրագետ: Միաժամանակ նա հիշեցրել է, որ Հայաստանի քաղաքացիների համար պահպանվում է օրենքով ամրագրված հայագիտական խմբի առարկաների պարտադիր ուսուցումը հայերեն լեզվով:

ՀՀ ԱԺ խոսնակը կարևորել է նաև այն, որ պետությունը չի կարող ուսումնական հաստատություններ հիմնել, որտեղ օտար լեզվով այլընտրանքային, հեղինակային, փորձարարական և միջազգային ծրագրեր կիրագործվեն, ինչպես նաև չի կարող միջոցներ հատկացնել այդ ծրագրերի ֆինանսավորման համար:

ՀՀ Ազգային ժողովը հունիսի 24-ին առաջին ընթերցմամբ ընդունել է «Լեզվի մասին» և «Հանրակրթության մասին» օրենքներում փոփոխություններ և լրացումների կատարելու օրինագիծը, որը դպրոցներում օտար լեզվով ուսուցում է նախատեսում: Օրինագծին կողմ է քվեարկել 71, դեմ՝ 13, ձեռնպահ՝ մեկ պատգամավոր: «Լեզվի մասին» և «Հանրակրթության մասին» օրենքներում փոփոխություններ և լրացումների կատարելու մասին կառավարության օրինագծի նախնական տարբերակը մեծ արձագանք ստացավ հասարակությունում: Մի շարք քաղաքական և հասարակական ուժեր դեմ էին օրինագծին՝ պատճառաբանելով, որ այն կարող է վնասել ազգային ինքնությանը: Այս ամենի արդյունքում կառավարությունը զգալի փոփոխություններ է մտցրել օրինագծի մեջ:

Նոր փոփոխություններով նախատեսվում է երկրում օտարալեզու ուսուցմամբ 11 դպրոց ստեղծել նախկին 15-ի փոխարեն, որոնցից 9-ը կստեղծվեն պետական և միջկառավարական համագործակցության շրջանակներում, իսկ երկու դպրոց կլինի մասնավոր:

Մասնավոր դպրոցներում օտար լեզվով ուսուցումը կիրականացվի 7-րդ դասարանից, իսկ միջպետական համագործակցության շրջանակներում ստեղծված դպրոցներում՝ միայն ավագ դասարաններում, այսինքն՝ 10-12 դասարաններում: Միաժամանակ նման դպրոցներում պահպանվում է հանրապետության քաղաքացիների համար հայերենով հայագիտական խմբի առարկաների ուսուցումը:-0-

Loading...
Թեմատիկ նյութեր
Բաժնի այլ նյութեր
17:35
02 Նոյեմբերի 2017
Disneyland և Universal–ի խորհրդատուները կօգնեն Հայաստանին Noyland կառուցել
Նախատեսվում է ստեղծել լուրջ ծրագիր, որը հետաքրքիր զարգացում կունենա։
13:56
02 Նոյեմբերի 2017
Հնդկաստանում հազվագյուտ սիամական երկվորյակներ են ծնվել (ՎԻԴԵՈ)
Հնդկաստանում հազվագյուտ սիամական երկվորյակներ են ծնվել` ընդհանուր մարմնով և վերջույթներով, սակայն երկու գլխով։
11:29
02 Նոյեմբերի 2017
Հոլիվուդում իսկական համաճարակ է. Դասթին Հոֆմանին մեղադրել են սեքսուալ ոտնձգությունների մեջ
Բլոգեր Աննա Գրեմ Հանթերը հայտարարել է, որ նա սեքսուալ բնույթի ոտնձգությունների է ենթարկվել դերասան Դասթին Հոֆմանի կողմից:
03:34
02 Նոյեմբերի 2017
«Մահացու ինքնավար զենքի» կիրառման հետ կապված հայկական հրատապ բանաձևն ընդունվել է Եվրանեսթ ԽՎ-ում. Արմեն Աշոտյան
Բանաձևին դեմ է քվեարկել ադրբեջանական պատվիրակությունը:
19:59
31 Հոկտեմբերի 2017
Քիմ Քարդաշյանին մեղադրել են ռասիզմի մեջ (ՎԻԴԵՈ)
Հեռուստաաստղ Քիմ Քարդաշյանը բացասական մեկնաբանությունների տարափի է արժանացել:
22:56
30 Հոկտեմբերի 2017
Ծառայությունից խուսափած հայեր են ձերբակալվել Ռուսաստանում
/. Ռուսաստանում երկու հայ է ձերբակալվել, ովքեր գտնվում են հետախուզման մեջ զինվորական ծառայությունից խուսափելու կասկածանքով։
21:49
30 Հոկտեմբերի 2017
Իսլամիստները սպառնում են սպանել Մեսսիին և Նեյմարին աշխարհի առաջնության ժամանակ (ՖՈՏՈ)
Իսլամիստական խմբավորումները սպառնում են սպանել Լիոնել Մեսսիին և Նեյմարին, ինչպես նաև մարզիչ Դիդիե Դեշամին։
20:34
30 Հոկտեմբերի 2017
Վիկտորիա Բոնյան սիրավեպ է սկսել «Մանչեսթեր Յունայթեդի» ֆուտբոլիստներից մեկի հետ (ՖՈՏՈ)
Օգոստոսին Վիկտորիա Բոնյա գաղտնի դաջվածք էր արել իր նոր սիրեցյալի անվան սկզբնատառերով։
04:48
30 Հոկտեմբերի 2017
Հայտնի է ծերության դեմ պայքարի միջոցը
Գիտնականները պարզել են ծերության դեմ պայքարի միջոցը։
03:21
30 Հոկտեմբերի 2017
Ինչպե՞ս բացահայտել կնոջ սուտը
Ինչպե՞ս պարզել, որ կինը ստում է։
01:58
30 Հոկտեմբերի 2017
Արագ և հուսալի դիետա. ազատվեք 3–5 կգ ավելորդ քաշից
Ներկայացնում ենք արագ և հուսալի դիետա, որի միջոցով կարելի է արագորեն ազատվել 3–5 կգ ավելորդ քաշից։
00:43
30 Հոկտեմբերի 2017
Հայտնի են հիվանդությունները, որոնցից կարող է պաշտպանել շունը
Պարզվել է, որ շները կարող են պաշտպանել մի շարք հիվանդություններից։