484.51
-0.37
518.72
-3.16
8.61
-0.05
+10
Եղանակը Երևանում
Հայ
Սուրբ Թադեոս և Բարդուղիմեոս Առաքյալների մասունքները կբերվեն Սուրբ Էջմիածնի Մայր տաճար
14:43
30 Նոյեմբերի 2010

ԵՐԵՎԱՆ, 30 նոյեմբերի. /Նովոստի-Արմենիա/. Դեկտեմբերի 4-ին Հայաստանյայց Առաքելական Սուրբ Եկեղեցին տոնախմբում է հայոց առաջին լուսավորիչներ սուրբ Թադեոս և սուրբ Բարդուղիմեոս առաքյալների հիշատակը:

Տոնի առիթով դեկտեմբերի 3-ին, ժամը 1730-ին, հընթացս երեկոյան ժամերգության, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի օրհնությամբ հանդիսավորապես Սուրբ Էջմիածնի Մայր Տաճար կբերվեն Մայր Աթոռի Գանձատանը պահվող սբ. Թադեոս և սբ. Բարդուղիմեոս առաքյալների մասունքները, տեղեկացնում են Մայր Աթոռ Սուրբ Էջմիածնի տեղեկատվական համակարգից։

Նրանց մասունքները պահվում են Մայր Աթոռ Սուրբ Էջմիածնի Գանձարանում։

Դեկտեմբերի 4-ին, ժամը 10։30-ին, Սուրբ Էջմիածնի Մայր Տաճարում, առաքյալների տոնի առիթով, կմատուցվի Սուրբ Պատարագ:

Թադեոս և Բարդուղիմեոս առաքյալները համարվում են Հայաստանի առաջին հոգևոր լուսավորիչները։ Նրանք երկիր են բերել քրիստոնեության լույսը։ Բարդուղիմեոս առաքյալը, հետևելով Քրիստոսի պատգամին, մարերի, պարսիկների և ասորիների երկրներում քարոզելուց ու զորավոր նշաններ գործելուց հետո, եկավ հայոց Գողթն գավառը, որտեղ ևս քարոզեց Քրիստոսի Ավետարանը, ունեցավ բազմաթիվ հետևորդներ, մկրտեց նրանց և այնուհետև այցելեց Աղբակ գավառ: Այստեղ նա հանդիպեց Թադեոս առաքյալին և իրենց հանդիպման վայրում` բլուրի վրա, կանգնեցրեցին Սուրբ Խաչի նշանը, որի հովանու ներքո և օթևանեցին: Այնուհետև այդ խաչը կոչվեց Օթյաց խաչ: Հաջորդ օրը միմյանցից բաժանվեցին: Բարդուղիմեոսը եկավ Աղբակ գավառ, որտեղ և ծավալեց իր քարոզչական հետագա գործունեությունը: Այստեղ առաքյալին ունկնդիր եղավ Սանատրուկ թագավորի քույրը և դարձավ քրիստոնյա: Թագավորը, իմանալով այդ մասին, հազարապետին ուղարկեց, որ սպանի Բարդուղիմեոսին, թագուհուն և բոլոր նրանց, ովքեր դարձել էին քրիստոնյա: Հազարապետը, գալով և հանդիպելով առաքյալին, լսելով նրա քարոզը, ընդունեց Քրիստոսին և մկրտվեց: Եվ քանի որ բորոտ էր, նաև բժշկվեց: Այս իմանալով` Սանատրուկը զայրացավ և հրամայեց սպանել Բարդուղիմեոսին և բոլոր նորադարձ քրիստոնյաներին:

Թադեոս առաքյալը, աստվածային տնօրինության համաձայն, հոգեգալստից հետո եկավ Աբգար թագավորի մոտ և բժշկեց նրան: Եդեսիայում քարոզելուց հետո եկավ Հայաստանի Արտազ գավառ, որտեղ սրբի քարոզներին ունկնդիր եղավ Սանատրուկի դուստրը` Սանդուխտ կույսը, և դարձավ քրիստոնյա: Այս մասին իմանալով` թագավորը հրամայեց դստերը և նորադարձ բոլոր քրիստոնյաներին ձերբակալել: Թադեոսը գաղտնի այցելում էր բանտ` մխիթարելու ձերբակալվածներին: Այցելություններից մեկի ժամանակ Թադեոսն աղոթում էր նորադարձ քրիստոնյաների համար, և հանկարծ նրանց շղթաները հրաշքով քանդվեցին: Բանտապետը, տեսնելով այս, հավատաց Քրիստոսին և մկրտվեց: Թագավորը պատգամավոր ուղարկեց բանտ, որ համոզի դստերը` կրկին հեթանոսություն ընդունելու: Պատգամավորը, գալով բանտ և տեսնելով բանտարկյալների քանդված շղթաները և նրանց ուրախ տրամադրությունը, լսելով Թադեոսի քարոզը, նույնպես ընդունում է Քրիստոսին: Այս իմանալով` թագավորը հրամայում է բոլոր քրիստոնյաներին սպանել`  բացի Թադեոսից և Սանդուխտից: Երկար փորձերից ու տանջանքներից հետո, տեսնելով դստեր անկոտրում կամքը, հրամայում է սպանել նրան: Այնուհետև, թագավորն իր մոտ կանչելով Թադեոսին, հարցնում է, թե ինչու իր դստերը հեռացրեց իրենից: Թադեոսը պատասխանում է. ՙՔեզնից վերցրի և ընծայեցի Աստծուն՚: Բարկացած թագավորը հրամայում է առաքյալին նետել առյուծների վանդակը, բայց կենդանիները, սրբին հոշոտելու փոխարեն, ոտքերն էին լիզում: Հրամայեց այրել, բայց երկնքից անձրև տեղաց և կրակը մարեց: Դահիճը փորձեց սպանել Թադեոս առաքյալին, բայց երբ սուրը պատյանից հանեց, դիպավ եղբորը, և եղբայրը մահացավ: Թադեոսը խղճաց և աղոթելով` հարություն տվեց մեռածին, որից հետո, դիմելով դահճին, ասաց, որ նա կատարի թագավորի հրամանը, և դահիճը կտրեց սրբի գլուխը: -0-

Loading...
Թեմատիկ նյութեր

Բաժնի այլ նյութեր
15:35
24 Ապրիլի 2017
Հաղորդավար Վլադիմիր Սոլովյովը հարգանքի տուրք է մատուցել Հայոց ցեղասպանության զոհերի հիշատակին
Հանրաճանաչ ռուս հաղորդավար Վլադիմիր Սոլովյովը Twitter-ի իր միկրոբլոգում Հայոց ցեղասպանությանը նվիրված գրառում է կատարել:
11:23
24 Ապրիլի 2017
Սերժ Թանկյանը ներկայացրել է «Խոստումը» ֆիլմի սաունդթրեքի ստեղծման պատմությունը
Հայտնի ամերիկահայ ռոք–երաժիշտ, System of a Down խմբի մենակատար Սերժ Թանկյանը ներկայացրել է Հայոց ցեղասպանության մասին պատմող հոլիվուդյան «Խոստումը» ֆիլմի սաունդթրեքի ստեղծման պատմությունը։
11:11
24 Ապրիլի 2017
Հայաստանում ջերմաստիճանի կտրուկ նվազում է սպասվում. կգրանցվի մինչև -5 աստիճան
Օդերևութաբանները կանխատեսում են ջերմաստիճանի նվազում Հայաստանի տարածքում։
19:11
23 Ապրիլի 2017
Սպանախը կարո՞ղ է քաղցկեղ առաջացնել
Սպանախը ամենաառողջարար բանջարեղեններից մեկն է, սակայն սխալ օգտագործման պարագայում այն կարող է քաղցկեղ առաջացնել:
17:51
23 Ապրիլի 2017
Մարդու պորտալարի արյունը ճանաչվել է երիտասարդացման միջոց
Ամերիկացի նեյրոկենսաբանները պարզել են, որ մարդու պորտալարի արյան մեջ պարունակվող սպիտակուցները երիտասարդացման միջոց են ծեր մկների համար:
16:30
23 Ապրիլի 2017
Ցուկերբերգը խոստացել է կանխել Facebook-ում սպանությունների մասին նորությունների հրապարակումը
Ցուկերբերգը խոստացել է անել ամեն ինչ` սոցցանցերում ԱՄՆ-ի Քլիվլենդում սպանության առցանց հեռարձակմանը նմանվող նյութերի հրապարակումը կանխելու համար:
13:46
23 Ապրիլի 2017
Վարդանյան եղբայրների դյուցազնական համարն առավելագույն միավորների է արժանացել «Փառքի րոպե» ռուսական շոուի ժամանակ (ՏԵՍԱՆՅՈՒԹ)
Մոսկվայաբնակ Գևորգ և Անդրանիկ Վարդանյաններն ուժային ակրոբատիկ համար են ցուցադրել:
18:39
22 Ապրիլի 2017
Ինչպե՞ս զգալիորեն նվազեցնել վաղ մահացության վտանգը
Մեծ Բրիտանիայի Գլազգոյի համալսարանի գիտնականները խոսել են հեծանիվ քշելու օգտակարության մասին:
13:47
22 Ապրիլի 2017
Հայ դիզայները կներկայացնի «SONČESS» հավաքածուն Թբիլիսիի նորաձևության շաբաթվա շրջանակում
Հայ դիզայներ Սոնա Հակոբյանը կներկայացնի իր «SONČESS» ապրանքանիշի նոր հավաքածուն Թբիլիսիի նորաձևության շաբաթվա (Tbilisi Fashion Week) շրջանակում։
16:19
21 Ապրիլի 2017
Քիմ Քարդաշյանի` սրբապատկերով թափանցիկ զգեստը (ԼՈւՍԱՆԿԱՐՆԵՐ)
Քիմ Քարդաշյանն իր հագուստով կրկին ցնցել է երկրպագուներին:
20:21
20 Ապրիլի 2017
«Եհովայի վկաները» կհասնեն Ստրասբուրգի դատարան
«Եհովայի վկաները» ՄԻԵԴ–ում կբողոքարկեն իրենց ծայրահեղական կազմակերպության ճանաչելու մասին որոշումը: