486.21
-0.98
517.62
-1.72
8.15
+0.04
-8
Եղանակը Երևանում
Հայ
Եվրամիությունը հետևում է ջավախահայ քաղաքական ակտիվիստ Վահագն Չախալյանի դատավարությանը
12:09
28 Հոկտեմբերի 2009

ԵՐԵՎԱՆ, 28 հոկտեմբերի. /Նովոստի-Արմենիա/. Եվրամիությունը հետևում է ջավախահայ քաղաքական ակտիվիստ Վահագն Չախալյանի դատավարությանը,  ասվում է Եվրամիության Արտաքին հարաբերությունների հանձնակատար Բենիտա Ֆեռերո-Վալդների հայտարարության մեջ:

 

Ինչպես չորեքշաբթի «Նովոստի-Արմենիա» գործակալության տեղեկացրեցին Հայրենադարձության և հիմնավորման «Երկիր» հասարակական կազմակերպությունների միությունից, Եվրոպայի խորհրդարանի պատգամավոր Սիլվի Գիյոմը սեպտեմբերի 15-ին նամակով դիմել էր Եվրամիության Արտաքին հարաբերությունների և Եվրոպական հարևանության քաղաքականության հարցերով հանձնակատար Բենիտա Ֆեռերո-Վալդներին` Եվրամիության համապատասխան մարմինների ուշադրությունը հրավիրելով ջավախահայ քաղաքական ակտիվիստ Վահագն Չախալյանի գործի շուրջ ընթացող զարգացումներին:

 

Ֆեռերո-Վալդներն իր պատասխան նամակում նշել է, որ Եվրամիությունը Վրաստանում իր ներկայացչության միջոցով հետևում է Չախալյանի դատավարությանը:

«Թբիլիսիում մեր ներկայացչության փութաջան աշխատանքի շնորհիվ մենք հետևում ենք դրա շուրջ ընթացող բոլոր զարգացումներին: Ներկայացչությունը օպերատիվ կերպով հետևում է այդ դատավարությանը` նախագահող երկրի և Եվրամիության անդամ-երկրների դեսպանությունների հետ սերտ համագործակցությամբ», - ասել է Ֆեռերո-Վալդները:

Ֆեռերո-Վալդների նամակում, մասնավորապես, նշվում է, որ հավակնոտ նպատակներ են համաձայնեցված Եվրամիության և Վրաստանի` որպես Եվրամիության հարևանության ծրագրի մասնակից-պետության միջև, որոնք հիմնված են կիսվող արժեքների վրա: Նրա խոսքերով՝ այդ նպատակները ձևակերպված են Գործողության ծրագրի շրջանակներում Վրաստանի կողմից ստանձնած հատուկ պարտավորությունների տեսքով, որոնք ներառում են ժողովրդավարական հաստատությունների գործելը, օրենքի գերակայության հաստատումը և մարդու իրավունքների նկատմամբ հարգանքը: Գործողության ծրագրում անդրադարձ կա նաև փոքրամասնությունների կացությանը:

«Վրաստանի կողմից նշված բնագավառում ստանձնած պարտավորությունները ներառում են էթնիկ փոքրամասնությունների իրավունքներին և անվտանգության, նրանց ունեցվածքի վերադարձմանն առնչվող հարցերը, նաև Տարածաշրջանային կամ փոքրամասնության  լեզուների եվրոպական խարտիայի ստորագրումն ու վավերացումը: Այս բոլոր թեմաները քննարկվում են Վրաստանի հետ մեր կանոնավոր քաղաքական երկխոսության ընթացքում և ենթակա են պարբերական վերստուգման տարեկան ընթացիկ զեկույցներում, որոնք մենք հրատարակում ենք Եվրամիության հարևանության ծրագրին մասնակից յուրաքանչյուր երկրի վերաբերյալ», - ասվում է Ֆեռերո-Վալդների նամակում:

Բացի այդ, ինչպես նշել է Եվրահանձնակատարը, վերջերս Արևելյան հարևանության ծրագրի ուժի մեջ մտնելը ինչպես բազմակողմանի, այնպես էլ երկկողմանի հարթություններում` էլ ավելի մեծ կարևորորություն է տալու Վրաստանի հետ քաղաքական երկխոսությանը:

«Մենք բաց չենք թողնում որևէ հնարավորություն հիշեցնելու վրացական իշխանություններին այս ծարգրի և բազմակարծության, ժողովրդավարության և փոքրամասնությունների իրավունքների նկատմամբ հարգանքի բնագավառներում հետագա առաջընթացի միջև գոյություն ունեցող ուղղակի կապի մասին: Ավելին, Եվրամիության հետ հարաբերություններում Վրաստանի հավակնությունների մակարդակը կախված է լինելու իր համապատասխան քաղաքականության և գործելակերպի մեջ այդ արժեքների ներմուծումից», - ասել է Ֆեռերո-Վալդները:

 

Միաժամանակ նա ընդգծել է, որ 2008-2010 թթ. Վրաստանին հատկացված համապատասխան ֆինանսական օգնությունը ուղեկցվում է վրացական կառավարության կողմից ժողովրդավարության, օրենքի գերակայության և արդարադատության անկախության բնագավառում նորացված պարտավորությունների ստանձմամբ:

 

Ինչ վերաբերում է իրավական համակարգին, ապա ԵՄ-ն կարևորություն է տալիս ծրագրին, որն իրականացվում է Եվրամիության ֆինանսական աջակցությամբ:

 

«Այն նպատակ ունի առավել թափանցիկ դարձնել արդարադատությունը՝ ներառյալ քրեական իրավունքի բնագավառում բարեփոխումների իրականացման և Հանրային պաշտպանի գրասենյակի ամրապնդման միջոցով», - ասել է Ֆեռերո-Վալդները:-0-

Loading...
Թեմատիկ նյութեր
Բաժնի այլ նյութեր
19:25
21 Հունվարի 2017
ԱՄՆ-ում շունը փրկել է տիրոջը ցրտահարությունից` շուրջ 20 ժամ նրա վրա պառկելով (ԼՈՒՍԱՆԿԱՐՆԵՐ)
ԱՄՆ-ում ոսկեգույն ռետրիվեր ցեղատեսակի շունը կարողացել է փրկել իր տիրոջ կյանքը` շուրջ 24 ժամ նրա վրա պառկելով։
18:10
21 Հունվարի 2017
Իտալիայում կարապների պատկերով «կենդանի» որմնանկար է ստեղծվել (ՏԵՍԱՆՅՈՒԹ)
Էրոն մականվամբ իտալացի գրաֆիտի նկարիչը Իտալիայի Սան Կլեմենտե քաղաքում ստեղծել է «կենդանի» որմնանկար, որտեղ պատկերել է կարապների երամ:
17:03
21 Հունվարի 2017
Մեծ Բրիտանիայում բորտուղեկցորդուհուն հեռացրել են աշխատանքից բուտերբրոդ ուտելու համար
EasyJet ընկերության բորտուղեկցորդուհին հեռացվել է աշխատանքից բեկոնով բուտերբրոդ գողանալու մասին ծառայողական քննության ավարտից հետո։
16:35
21 Հունվարի 2017
Սախալինում կինը գտել է կես մլն եվրո և ողջ գումարը վերադարձրել տիրոջը
Սախալինում կինը գտել է կես մլն եվրո, 15 հազար դոլար և 1,5 մլն ռուբլի ու ողջ գումարը վերադարձրել է տիրոջը։
14:56
19 Հունվարի 2017
Զգուշացում. այս օրերին հարկավոր է ավելի զգուշավոր լինել, քանի որ ադրբեջանցի հաքերներն առավել ակտիվ կլինեն
Տեղեկատվության անվտանգության փորձագետ Սամվել Մարտիրոսյանը զգուշացնում է, որ այսօր և վաղը հարկավոր է ավելի զգուշավոր լինել, քանի որ ադրբեջանցի հաքերներն առավել ակտիվ կլինեն:
11:23
19 Հունվարի 2017
Մոսկվայաբնակ հայ գործարարի առևանգված դստերը գտել են Հայաստանում
Իրավապահները պարզել են Մոսկվայաբնակ հայ գործարարի 16–ամյա դստեր գտնվելու վայրը։
20:11
18 Հունվարի 2017
Երևանում նախօրեին եռյակ է ծնվել
Նախօրեին` հունվարի 17-ին, Երևանում եռյակ է ծնվել։
14:34
18 Հունվարի 2017
ՌԴ Կենտրոնական բանկը հայկական թեմայով հուշադրամներ կթողարկի
Ռուսաստանի Կենտրոնական բանկը 2017 թվականին հայկական թեմայով հուշադրամներ կթողարկի։
14:24
18 Հունվարի 2017
Մառա Բաղդասարյանն արժանի է բանտի. Ժիրինովսկի
ՌԱԴԿ առաջնորդ Վլադիմիր Ժիրինովսկին լրագրողների հետ զրույցում ասել է, որ ավտոմրցավազորդ Մառա Բաղդասարյանն արժանի է պատժի:
13:50
18 Հունվարի 2017
Մերձմոսկվայի հայ գործարարի դստերը կարող էին առևանգել կոլեկտորները կամ նախկին գործընկերը
Մերձմոսկովյան Սոլնեչնոգորսկի շրջանի հայ գործարարի տասնվեցամյա դստերը կարող էին առևանգել կոլեկտորները կամ հոր նախկին գործընկերը:
21:16
17 Հունվարի 2017
Գիտնականներ. հայհոյախոսությունը կապված է ազնվության հետ
Հոգեբանների միջազգային խումբը պարզել է, որ հաճախ հայհոյող մարդիկ ավելի ազնիվ են։
18:04
17 Հունվարի 2017
Մառա Բաղդասարյանի հայրը նախատել է դստերը դատարանում
Սավյոլովի դատարանի նիստի ժամանակ Մառա Բաղդասարյանի հայրը նախատել է աղջկան: