Շվեդական սեղանի հետևանքները. ինչպե՞ս նիհարել արձակուրդից հետո

ԵՐԵՎԱՆ, 10 սեպտեմբերի. /Նովոստի-Արմենիա/. Ամառային արձակուրդներից հետո ստիպված ենք լինում ոչ միայն հարմարվել աշխատանքային ռեժիմին, այլ նաև՝ նիհարել:

Հանգստավայրերում շատերը մոռանում են առողջ սննդի մասին: Եվ իսկապես, էլ ի՞նչ հանգիստ առանց խորովածի կամ խորոված բանջարեղենի: Աշնանն ընդառաջ ավելորդ կիլոգրամները ի հայտ են գալիս՝ ստիպելով զղջումով հիշել համեղ ուտեստները:

Շատ հեղուկ և ժպիտ

Կոսմետոլոգ Սվետլանա Կվաշնինուն Չելյաբինսկից համոզված է, որ աշնանը, ինչպես և ցանկացած շրջանում, գեղեցիկ կազմվածքի բաղադրատոմսը շատ պարզ է՝ առողջ սնունդ և ակտիվ կենսակերպ: «Նախևառաջ, արձակուրդից հետո պետք է անմիջապես վերականգնել խմելու ռեժիմը, քանի որ հեղուկը արագացնում է նյութափոխանակությունը:

Օրական հարկավոր է խմել մինչև երկու լիտր հեղուկ, իսկ երեկոյան թեյը խմել 17-ից ոչ ուշ՝ երիկամները չծանրաբեռնելու համար: Երկրորդ, պետք է բջջանյութ պարունակող սնունդ օգտագործել: Մասնավորապես, ուտել բանջարեղեն և ամբողջահատիկ պարունակող շիլաներ: Եվ վերջին, պետք է գրանցվել ֆիտնեսի և բեռնաթափման օրեր կազմակերպել», - նշել է կոսմետոլոգը, գրում է aif.ru-ն:



Աշունը բանջարեղենի շրջան է, ուստի դրանք պետք է ներկա լինեն սննդակարգում: Բացի այդ, նիհարելուն կարող են նպաստել որոշակի մարզումներ և պրոցեդուրներ: Օրինակ, կոսմետոլոգիական կենտրոններում կամ սպա-կենտրոններում կարելի է գրանցվել էլեկտրապրոցեդուրների, ինրպիսիք են բիոստիմուլյացիան (պասիվ մարմնամարզություն) և պրեսի թերապիա (լիմֆոդրենաժ մերսում): Բժիշկները խորհուրդ են տալիսնիհարել աստիճանաբար՝ ամիսը 2-4 կգ, որոնք կհեռացնեն օրգանիզմից ավելորդ հեղուկը: Նիհարելուն կարող է նպաստել նաև մարմնի փաթեթումը, որից առաջ պարդաիր է աղային սկռաբը:



Հարկ է նշել, որ արձակուրդից հետո նիհարելու ամենակարևոր կետը մարդու լավ տրամադրությունն է: Պետք չէ զղջալ ավելորդ կիլոգրամների համար, այլ թողնել միայն դրական հիշողությունները հանգստի մասին: Չէ՞ որ լավ տրամադրությունը և դրական տրամադրվածությունն իդեալական կազմվածք ձեռ բերելու կարևոր գրավական են: -0-