537.15
7.44
480.03
+28
Եղանակը Երևանում
Հայ

Շեֆ խոհարարը բացահայտել է հայկական ավանդական խոհանոցի գաղտնիքները (ՖՈՏՈ)

12:00
11 Մայիսի 2019

ԵՐԵՎԱՆ, 11 մայիսի./Նովոստի–Արմենիա/. Տարատեսակ ճաշատեսակներով հարուստ ազգային խոհանոցը, թերևս, այն ծանրակշիռ պատճառն է, որի համար արժե այցելել Հայաստան։ Սակայն Հայաստանի համի ու հոտի ողջ խորությունը զգալու համար անհրաժեշտ է այցելել այնտեղ, որտեղ հայկական ավանդական ճաշատեսակները պատրաստվում են` բոլոր ավանդույթների պահպանմամբ, օրինակ` «Երևան Պանդոկ Գետափին»։

Ռեստորանի շեֆ խոհարար Նորայր Մխեյանը բացառիկ գաստրոտուրի ընթացքում լրագրողների համար բացահայտեց հայտնի հայկական ճաշատեսակների պատրաստման գաղտնիքներն ու տվեց մի քանի գործնական խորհուրդ։

Ереван Пандок прибрежье.JPG

Ամենագլխավորը լավաշն է

Հայկական խոհանոցի ամենաճանաչված խորհրդանիշերից մեկը լավաշն է։ Այն հայտնի է ողջ աշխարհում, սակայն լավաշ թխելն այդքան էլ հեշտ չէ։ Ինչպես նշեց «Երևան պանդոկ» ռեստորանի շեֆ խոհարարը, յուրաքանչյուր թոնիր ունի իր բնավորությունն ու տրամադրությունը, որից շատ բան է կախված։

Ереван Пандок прибрежье2.JPG

«Երբեմն մենք անգամ ասում ենք. «Կարծես թոնիրն այսօր վատ տրամադրություն ունի»», – ծիծաղելով ասաց շեֆ խոհարարը։

Սակայն երբ աշխատում է պրոֆեսիոնալը, թոնրի տրամադրությունը չի ազդում լավաշի որակի վրա։ Նրա խոսքով, լավաշ պատրաստելիս կարևոր է հիշել, որ խմորը շատ բարակ է, փափուկ, այդ իսկ պատճառով չի հանդուրժում կոպիտ ու կտրուկ շարժումներ։

Ереван Пандок прибрежье2.JPG

Բուն հայկական տոլմա

Հայկական խոհանոցի ևս մեկ խորհրդանիշերից է, իհարկե, տոլման։ Մխեյանը ևս մեկ անգամ հիշեցրեց, որ այն իսկական հայկական ճաշատեսակ է։

Ереван Пандок прибрежье1.JPG

«Տոլման բուն հայկական ճաշատեսակ է, քանի որ դրա պատրաստումը շատ ժամանակ է պահանջում, ինչը չէին կարող իրենց թույլ տալ քոչվոր ժողովուրդները», – ընդգծեց շեֆ խոհարարը։

Ереван Пандок прибрежье2.JPG

Համեղ տոլմայի գաղտնիքներից է ոչ միայն խճողակի հմուտ պատրաստումը, խաղողի տերևների գրագետ ընտրությունը, այլև այն, որ տոլմաները պետք է ճիշտ տեղադրել կաթսայի մեջ։ Շեֆ խոհարարի խոսքով, կաթսայի տակ պետք է դնել խորը ափսե, իսկ տոլմաները դնել ափսեի վրա, սակայն իրար ոչ շատ մոտ։ Մխեյանը նաև կիսվեց մի գաղտնիքով. պատրաստի տոլման կաթսայից հեշտությամբ հանելու համար այն դնելուց հարկավոր է իրար հաջորդել հորիզոնական և ուղղահայաց շարքերը, իսկ մեջտեղում տոլմաներից «կառուցել» տնակի նման մի բան` դնելով դրանք իրար վրա ու կրկին հաջորդելով հորիզոնական և ուղղահայաց շարքերը։

Խորոված

Ереван Пандок прибрежье2.JPG

Եվ, իհարկե, հայկական խոհանոցը դժվար է պատկերացնել առանց խորովածի։ Այն ևս ունի տարբեր տեսակներ, որոնցից մեկը «Էրեբունի» խորովածն է, որը պատրաստվում է հավի կրծքամսից` մարինացված հատուկ սոուսով, պղպեղով, սունկով և լոլիկով։ Խորովածի այս տեսակը հատկապես հարմար է ամառային շոգ օրերին, քանի որ այն թեթև է և ունի սեզոնային բանջարեղենի թարմ համ։ «Էրեբունի» խորովածը պատրաստվում է 10–15 րոպեի ընթացքում, որպեսզի բանջարեղենը պահպանի իր թարմությունն ու վիտամինները։ Այդ ընթացքում միսը հասցնում է թեթևակի կարմրել ու մնալ հյութալի, իսկ բանջարեղենը պահպանում է թարմությունն ու թեթևակի խրթում է։

Ереван Пандок прибрежье2.JPG

«Օրինակ, երբ Ամերիկայում բարբեքյու են պատրաստում, օգտագործում են հատուկ նյութեր` ծուխ չլինելու համար, իսկ մեզ մոտ ամեն ինչ բնական է։ Հայկական մրգի և բանջարեղենի համը չի կարելի համեմատել արտասահմանյանի հետ», – ասաց Մխեյանը` նշելով, որ մսի համը հիմնականում կախված է նրանից, թե ինչով է սնվել կենդանին։–0–

Թեմատիկ նյութեր
Բաժնի այլ նյութեր
11:07
24 Մայիսի 2019
Լիլի Մորտոն լքում է Women’s Club–ը (ՖՈՏՈ)
Այս մասին նա գրառում է կատարել իր Instagram Stories-ում։
18:57
22 Մայիսի 2019
Կաննի կինոփառատոնում ֆիլմ է ներկայացվել Շառլ Ազնավուրի մասին
Ֆրանսահայ լեգենդար շանսոնիե Շառլ Ազնավուրի կյանքի մասին վավերագրական ֆիլմ է ներկայացվել այս օրերին Ֆրանսիայում անցկացվող Կաննի կինոփառատոնում։
17:11
22 Մայիսի 2019
ՀՀ սոցիալական ապահովության ծառայությունը մեկնաբանել է թոշակառուների փաստաթղթերի հետ կապված խնդիրները
Գերատեսչությունում նշեցին նաև, որ արխիվային փաստաթղթերի բացակայության դեպքում, աշխատանքային ստաժը կարող է հաստատվել դատարանում:
16:03
22 Մայիսի 2019
Հոգևորականները տարակուսանք են հայտնում Երևանի փողոցի անվանափոխության մասին քաղաքապետարանի որոշման կապակցությամբ
Հոգևորականները տարակուսանք են հայտնում Երևանի փողոցի անվանափոխության մասին քաղաքապետարանի որոշման կապակցությամբ:
13:17
22 Մայիսի 2019
Ռուսական պարբերականը ներառել է Գառնու տաճարն աշխարհի ճարտարապետական «փյունիկների» թոփ հնգյակում
Ռուսական պարբերականը ներառել է Գառնու տաճարն աշխարհի ճարտարապետական «փյունիկների» թոփ հնգյակում:
18:57
20 Մայիսի 2019
Փարիզում կնշեն Շառլ Ազնավուրի 95–ամյակը
Փարիզի քաղաքապետարանն «Ազնավուր» հիմնադրամի հետ գործակցությամբ մեծ շանսոնիեի 95–ամյակին ընդառաջ միջոցառումներ կանցկացնի Ֆրանսիայի մայրաքաղաքում:
20:49
19 Մայիսի 2019
Մազաթափությունը կանգնեցնելու արդյունավետ միջոց
Մազաթափության խնդիրը հուզում է տարբեր տարիքի բազմաթիվ մարդկանց:
19:37
19 Մայիսի 2019
7 օգտակար նախաճաշ
Նախաճաշը սննդակարգի կարևորագույն մասն է: Ուստի այն պետք է ճիշտ և օգտակար լինի:
18:23
19 Մայիսի 2019
Ինչո՞վ է վտանգավոր քնի պակասը
Քնի պակասն իսկապես վտանգավոր է։
21:15
18 Մայիսի 2019
Հայտնի են աշխարհում ալկոհոլն առավել չարաշահող երկրները
Global Drug Survey հիմնադրամի փորձագետները վերլուծել են 36 պետությունների բնակիչների ալկոհոլային «մշակույթը»: