ԵՐԵՎԱՆ, 29 մարտի. /Նովոստի Արմենիա/. Ռուսաստանի Դաշնության «Ճանապարհային անվտանգության» հարցերով ազգային համակարգող, «Road safety Russia» ՀԿ նախագահ Նատալիա Ագրեն ՀՀ առողջապահության նախարար Լևոն Ալթունյանին ներկայացրել է ճանապարհային անվտանգությանը վերաբերող հարցեր։
Ինչպես հայտնում է Հայաստանի առողջապահության նախարարության մամուլի ծառայությունը, ՄԱԿ-ի գլխավոր ասամբլեայի կողմից 2011-2020 թվականները հայտարարված է «Ճանապարհային անվտանգության ապահովման» գործողությունների տասնամյակ, որի նպատակն է ամբողջ աշխարհում զսպել ճանապարհատրանսպորտային պատահարների (ՃՏՊ) աճը և նվազեցնել դրանցով պայմանավորված մահացության ցուցանիշները։
Загружается новость ...
"Право"
Այդ համատեքստում Նատալիա Ագրեն ներկայացրել է Ռուսաստանի Դաշնությունում «Road safety Russia» ՀԿ կողմից երեխաների համար տրանսպորտային միջոցներում նախատեսվող նստարանների և դրանց հավելյալ բարձիկների օգտագործման վերաբերյալ օրենսդրական նախաձեռնությունները և հանրային իրազեկման աշխատանքները:
Լևոն Ալթունյանը նշել է որ այս ուղղությամբ կհամագործակցի ինչպես Ռուսաստանի Դաշնության կառույցների և փորձագետների, այնպես էլ Հայաստանի Հանրապետության շահագրգիռ գերատեսչությունների հետ։ -0-