ԵՐԵՎԱՆ, 18 նոյեմբերի. /Նովոստի Արմենիա/. Ռուսական Superjob թափուր աշխատատեղերի կայքը հայտարարություն է տեղադրել երկրի նախագահի թափուր աշխատատեղի առկայության մասին։ Հայտարարությունում նշված է, որ «աշխատանքային փորձը պարտադիր չէ», սակայն «գործատուն ըմբռնումով կմոտենա, եթե այն լինի»։
Հայցորդից պահանջվում է ակտիվ կենսական դիրքորոշում և հայրենասիրություն, գրում է
lenta.ru-ն:
Պարտականությունների շարքում նշվում է Պետդումայի ընտրությունների նշանակումը, դաշնային օրենքների ստորագրումը, ներում շնորհելը, ռազմական համագործակցության բանակցություններ վարելը և այլ։
Загружается новость ...
"Право"
«Ընտրվելու դեպքում գործատուն տրամադրում է` սեփական ինքնափիռ, պետական բնակարան, պետական ամառանոց։ Նախագահին և նրա ընտանիքի անդամներին տրամադրվում է ամբողջական կացություն պետության հաշվին` բժշկական օգնություն, ուտելիք, տրանսպորտ, սպորտով զբաղվելու հնարավորություն, ուսում, հանգիստ, ինչպես նաև գրասենյակ դեպի դեպի Կրեմլ բացվող տեսարանով։ Առանց խցանումների երթևեկություն տնից մինչև գործի վայր», – նշված է տեղադրված հայտարարությունում։
Ռուսաստանի նախագահի ընտրությունները կկայանան 2018 թվականի մարտի 18–ին։ Ըստ երկրի Սահմանադրության, նախագահ կարող է դառնալ ՌԴ յուրաքանչյուր քաղաքացի, 35 տարեկանից և բարձր, ով վերջին 10 տարվա ընթացքում ապրում է երկրի տարածքում։
Superjob–ը Ռուսաստանի և հետխորհրդային երկրների թափուր աշխատատեղերի խոշորագույն կայքն է։ Այն գործում է 2000 թվականից։ –0–
