ԵՐԵՎԱՆ, 2 մարտի. /Նովոստի-Արմենիա/. Պետդումայում առաջարկել են սահմանել առանց սմարթֆոնի օր «Երկրի ժամ» միջազգային ամենամյա միջոցառման նմանությամբ: Համապատասխան հարցումը Պետական դումայի քաղաքացիական հասարակության զարգացման կոմիտեի նախագահի առաջին տեղակալ Իվան Սուխարևն ուղարկել է թվային զարգացման նախարար Կոնստանտին Նոսկովին, գրում է
Իզվեստիան:
Նրա կարծիքով, ակցիան թույլ կտա ուշադրություն գրավել գաջեթների օգտագործմա նկատմամբ ավելի պատասխանատու վերաբերմունքի խնդրին, ինչպես նաև ազդակ կհաղորդի բջջային հեռախոսներից և սոցցանցերից մարդկանց կախվածության նվազեցման ուղիների քննարկմանը:
Խորհրդարանականը նշել է նաև, որ, ուսումնասիրությունների համաձայն, մեգապոլիսի բնակիչների ավելի քան 80%-ը մշտապես բջջային սարքեր է օգտագործում, մինչդեռ 15 տարի առաջ այդ ցուցանիշը կազմում էր 10-15 տոկոս: Սուխարևն ավելացրել է, որ դրա հետևանքով մարդիկ կորցնում են սոցիալական հմտությունները, ինչպես նաև ստեղծագործական մտածողության ունակությունը, ինչը հանգեցնում է «բարոյահոգեբանական արժեքների և բարքերի քայքայմանը», գրում է «Դաշնային լրատվական ծառայությունը»:
Սուխարևը նաև խոսել է գաջեթների վնասի մասին, որը հասցվում է երեխաների առողջությանը: -0-
