ԵՐԵՎԱՆ, 14 հոկտեմբերի. /Նովոստի-Արմենիա/. Արմավը հիանալի պտուղ է, որին զարմանահրաշ հատկություններ են վերագրվում: Ասում են, որ Չինաստանում կան երկարակյացներ, որոնց սննդի հիմքը կազմում են արմավները: Ամեն դեպքում, դա շատ օգտակար պտուղ է, որը մի շարք սննդաբաններ խորհուրդ են տալիս օգտագործել քաղցրի փոխարեն:
Բացի այդ, դրանք օժտված են բուժիչ հատկություններով, գրում է
woman-page.ru-ն:
Այն պարունակում է 23 տեսակի տարբեր ամինաթթուներ, որոնք չկան մի շարք այլ մրգերում: Արմավը հարուստ է տրիպտոֆանով, որը կարևոր է ուղեղի օպտիմալ գործունեության և հոգեկան նորմալ վիճակի համար: Իսկ գլյուտամինային ամինաթթուն, որը նույնպես կա արմավում, չեզոքացնում է ավելորդ ստամոքսաթթուն:
Загружается новость ...
"Право"
Արմավը ցածր կալորիական է, չի պարունակում խոլեստերին, այնպես որ համարձակ օգտագործեք այն քաղցրեղենի փոխարեն` քաշը վերահսկելու նպատակով:
Եվ այսպես, արմավի օգտագործումը ցուցված է հետևյալ դեպքերում.
• մտավոր գերլարվածության ժամանակ
• ֆիզիկական հոգնածության կամ հյուծվածության դեպքում
• շնչուղիների և սիրտ-անոթային հիվանդությունների ժամանակ
• սակավարյունության ժամանակ
Արմավները շատ օգտակար են կանանց առողջության համար` հատկապես ծննդաբերությունից հետո վերականգնվելու տեսանկյունից: Գիտափորձերը ցույց են տվել, որ այդ պտուղները պարունակում են հատուկ խթանից նյութեր, որոնք ամրացնում են արգանդի մկանները հղիության վերջին ամիսներին: Իսկ դա իր հերթին ոչ միայն հեշտացնում է ծննդաբերության ընթացքը, այլ նաև նվազեցնում է հետծննդյան արյունահոսության տևողությունը:
Սակայն այս բոլոր հիանալի հատկություններին զուգընթաց արմավի նկատմամբ զգույշ պետք է լինեն ալերգիաներ ունեցող մարդիկ: Այս պտուղը պետք է սննդակարգից բացառեն նաև շաքարախտով հիվանդները, քանի որ արմավի գլիկեմիկ ինդեքսը բարձր է, ինչը վկայում է արյան մեջ շաքարի մակարդակի վրա հնարավոր ազդեցության մասին:
Պետք է զգուշությամբ վերաբերվել արմավին նաև այն դեպքում, եթե խոց կամ աղիքային հիվանդություններ կան: Բայց լիովին դրանցից հրաժարվել պետք չէ, այլ պարզապես պետք է սահմանափակել քանակը` նախապես խորհրդակցելով բժիշկի հետ: -0-