ԵՐԵՎԱՆ, 17 հունվարի. /Նովոստի–Արմենիա/. Մեքսիկայից «Ռոսիա» ավիաընկերության չարթերային չվերթը հետաձգվել է երկրի իշխանությունների` նույն օդանավով Հայաստանի չորս քաղաքացիներին արտաքսելու պահանջի կապակցությամբ։ Այդ մասին հայտնում է
РБК–ն` հղում անելով փոխադրողի պաշտոնական ներկայացուցչին։
Ըստ ժամանակացույցի Կանկունից FV5882 չվերթը պետք է Վնուկովայում վայրէջք կատարեր հունվարի 17–ին Մոսկվայի ժամանակով 5։40–ին, սակայն ժամը 10։00–ի դրությամբ այն դեռ չէր թռել։
Այն մասին, որ ուղևորներն ուղեբեռով դուրս են բերվել ինքնաթիռից ութ ժամ սպասելուց հետո, ավելի վաղ պատմել է Քինթանա Ռոո նահանգում Ռուսաստանի պատվավոր հյուպատոս Արմինա Վոլպերտը։
Նրա խոսքով, չվերթն ուշացել է օդանավակայանի առջև սպասարկման համար ավիաընկերության ունեցած պարտքի պատճառով։
Միաժամանակ փոխադրողի պաշտոնական ներկայացուցիչը հայտնել է РБК–ին, որ ««Ռոսիա» ավիաընկերությունը պարտք չունի Կանկունի օդանավակայանի առջև օդանավերի մնալու կամ այլ վճարումների կապակցությամբ»։
Նրա խոսքով, չվերթի հետաձգման պատճառը Մեքսիկայի իմիգրացիոն իշխանությունների` այդ չվերթում Հայաստանի չորս քաղաքացիներին արտաքսելու պահանջը։ Այդ պահանջի պատճառով օդանավակայանն ինքնաթիռի թռիչքի թույլտվություն չի տվել։ «Այս կարգի ուղևորների սպասելը չորս ժամ է տևել, և ինքնաթիռը պատրաստ է եղել թռչել հունվարի 16–ին ժամը 22։00–ին։
Загружается новость ...
"Право"
Մոսկվայի ժամանակով ժամը 22։15–ից մինչև 0։25 ինքնաթիռը սպասել է թռիչքի թույլտվության, որը մեքսիկական իշխանությունները չեն տվել»,– պարզաբանել է РБК–ի զրուցակիցը։
Դրանից հետո օդանավի անձնակազմի աշխատանքային ժամն ավարտվել է, և ռուսաստանյան օրենքներով, այն իրավունք չի ունեցել չվերթը սկսելու։ Թռիչքը տեղափոխվել է հունվարի 17–ին։
Ընդ որում, «Ռոսիա»–ում պարզաբանել են, որ թռիչքի թույլտվությունը փոխադրողը կարող է ստանալ նրանից հետո, երբ կսկսվի Մեքսիկայի ավիացիոն իշխանությունների աշխտակիցների աշխատանքային օրը` ոչ ավելի շուտ, քան հունվարի 17–ի ժամը 20։00–ն (Մոսկվայի ժամանակով)։
Ուղևորների բնակեցմամբ, ինչպես նշել է «Ռոսիա»–ի ներկայացուցիչը, զբաղվում է մեկ այլ տուրիստական կազմակերպություն։
Կանկունում ռուսաստանցի զբոսաշրջիկ Եվա Ավեևան РБК–ին հայտնել է, որ «ամեն ինչ սկսվել է չորս մարդուց բաղկացած հայ ընտանիքից, ովքեր ապաստան են խնդրել Ամերիկայում, ինչի համար նրանց արտաքսել են Մեքսիկայից։ 10 ժամ սպասելուց հետո ընտանիքին դուրս են բերել ինքնաթիռից։ Դրանից հետո տեղական իշխանություններն արգելել են թռիչքը։ Սկսել են խոսել պարտքի մասին։ Եվս չորս ժամ դրսում սպասել են, և ոչ մի տեղեկություն։ Ռուսական հյուպատոսությունը դեռ լռում է այն մասին, թե երբ կարող ենք հասնել Ռուսաստան»,– պատմել է նա։
РБК–ն հարցում է ուղարկել Մոսկվայում և Մեխիկոյում Հայաստանի դեսպանատուն, ինչպես նաև Հայաստանի ԱԳՆ մամուլի ծառայություն։ -0-