ԵՐԵՎԱՆ, 28 նոյեմբերի. /Նովոստի–Արմենիա/. Facebook–ի ավելի քան 1000 հայ օգտատերերի գաղտնաբառեր են հայտնվել ցանցում, իր էջում գրել է հակ մեդիափորձագետ, տեղեկատվական անվտանգության փորձագետ Սամվել Մարտիրոսյանը։
Նա ներկայացրել է վերջին 1-2 ամիսների ընթացքում ադրբեջանցի հաքերների կողմից գրոհի ենթարկված հայ ֆեյսբուքյան օգտատերերի էլեկտրոնային փոստերի և հեռախոսահամարների
ցուցակը, ընդգծելով, որ, հավանաբար, նրանք կարողացել են գողանալ գաղտնաբառերը։
«Հարևանները հայտարարում են, որ կոտրել են 4 հազար հոգու։ Իրականում, մոտ հազար երեք հարյուր մարդու տվյալ է։ Շատերին, հավանաբար, չեն էլ կարողացել կոտրել, քանի որ ներկայացված գաղտնաբառերը, օրինակ, կրկնում են լոգինը, կամ շատ կարճ են ինչը ֆեյսբուքը պարզապես թույլ չի տալիս։ Սակայն, ես մի շարք լոգին-գաղտնաբառ զույքեր ստուգել եմ, և դրանք աշխատում են։ Ավելին, այդ մարդիկ տեղյակ էլ չեն, որ իրենց կոտրել են, քանի որ հաքերները դեռ ձեռք չեն տվել այդ պրոֆիլները»,– գրել է Մարտիրոսյանը։
Загружается новость ... "Лево"
Փորձագետն առաջարկել է անպայման ստուգել սեփական օգտանվան, էլեկտրոնային փոստի կամ հեռախոսահամարի առկայությունը տվյալ ցուցակում և հայտնաբերման դեպքում փոխել գաղտնաբառը։
Նա միաժամանակ հիշեցրեց, որ հաքերները հիմնականում մի ձև են գողանում գաղտնաբառեր`
Facebook-ի անունից նամակ կամ գրառում են կատարում եւ առաջարկում լոգին լինել իրենց կողմից ստեղծված կեղծ, Facebook-ը նմանակող էջերում։
«Հաքերների ձեռքը չընկնելու համար պետք է ուշադիր կարդալ ուղարկողի հասցեն` սեփական օգտանունը և գաղտնաբառը մուտքագրելուց առաջ»,– գրել է Մարտիրոսյանը։ -0-