ԵՐԵՎԱՆ, 21 ապրիլի./Նովոստ–Արմենիա/. Ցանկացած կին ցանկանում է ունենալ երկար և փարթամ վարսեր, սակայն դրան ոչ միշտ է հաջողվում հասնել։ Ներկայացնում ենք մթերքներ, որոնց օգտագործումը, մասնագետների խոսքերով, լավացնում է մազերի վիճակն ու արագացնում դրանց աճը, գրում է medikforum.ru–ն։
Եվ այսպես...
Սաղմոն
Ձկան այս տեսակը հարուստ է Օմեգա 3–ով, երկաթով և В12 վիտամինով։ Փորձարկումները ցունց են տվել, որ նման համալիրի կանոնավոր օգտագործումը կօգնի կանխել մազաթափությունը, ինչպես նաև կխթանի մազերի աճը։
Հավի ձու
Ձուն հարուստ է լեյցինով։ Այս նյութն ազդում է բջիջների մասնատման պրոցեսի վրա, ինչն իր հերթին ազդում է մազերի աճի վրա` թույլ տալով արագացնել դրանց աճը։
Նուշ
Նուշը պարունակում է В խմբի վիտամիններ և ճարպաթթուներ։ Բացի այդ, նուշը պարունակում է մեծ քանակի Е վիտամին։ Միկրոտարրերի նման բազմազանության շնորհիվ ամրանում է մազարմատների կառուցվածքը։
Ոսպ
Ոսպը պարունակում է մեծ քանակի երկաթ, որը հիմնականում պատասխանատու է առողջ մազերի համար։ Ոսպը նաև պարունակում է մեծ քանակի սպիտակուց, որը կարևոր դերակատարություն ունի մազերի աճի հարցում։
Հավի, հնդկահավի միս
Գիտնականների խոսքերով, մազերը 80%–ով բաղկացած են կերատինից, և մազաթափությանը նպաստում է հենց կերատինի պակասը։ Սպիտակուցով հարուստ հավի կամ հնդկահավի մսի օգտագործումը նպաստում է կերատինի արտադրությանը։
Դդմի կորիզներ
Դմի յուղը В խմբի վիտամինների հիանալի աղբյուր է, որոնց շնորհիվ մազերը դառնում են ավելի ամուր, լավանում է նաև գլխամաշկի վիճակը:–0–
