ԵՐԵՎԱՆ, 20 հունվարի. /Նովոստի-Արմենիա/. Առողջության համաշխարհային կազմակերպությունը հրապարակել է մարդկությանը սպառնացող տասը գլոբալ վտանգների ամենամյա տասնյակը: Ցուցակում առաջին անգամ ներառվել է պատվաստումից գիտակցաբար հրաժարվելը, գրում է
Meduza.io-ն:
ԱՀԿ-ն նշում է, որ այդ թրենդը վտանգի առաջ է կանգնեցնում պատվաստումների միջոցով հիվանդությունների համաճարակների դեմ պայքարի բազմամյա հաջողությունները: Հաշվետվությունում նշվում է, օրինակ, կարմրուկի հիվանդացության դեպքերի աճը, ինչը հիմնականում պայմանավորված է պատվաստվելուց հրաժարվելով:
Загружается новость ... "Лево"
Մարդկության գլոբալ վտանգների թվում ԱՀԿ-ն նշում է նաև օդի աղտոտվածությունը, գրիպի նոր պանդեմիան, հակաբիոտիկների նկատմամբ կայուն նոր վարակները, զարգացող երկրների բուժօգնության թույլ համակարգերը:
Կազմակերպության տվյալներով, զարգացման ժամանակակից փուլում պատվաստումը թույլ է տալիս կանխել տարեկան 2-3 միլիոն վաղաժամ մահեր: -0-