ԵՐԵՎԱՆ, 8 նոյեմբերի. /Նովոստի–Արմենիա/. Դուդուկի վարպետ, լեգենդար հայ երաժիշտ Ջիվան Գասպարյանը տեսաուղերձ է հղել «Արարատ» մոսկովյան ֆուտբոլային ակումբի երկրպագուներին։
«Արարատ» ակումբի երկրպագուներին խորհուրդ եմ տալիս գալ ֆուտբոլի, դիտել խաղը։ Չէ՞ որ, «Արարատը» խորհրդային ժամանակներում էլ լավ թիմ էր»,– ասել է Գասպարյանը։
«Արարատի» Instagram–ի պաշտոնական էջը հայտնում է, որ հայ ականավոր երաժիշտ և կոմպոզիտոր Ջիվան Գասպարյանը դարձել է «Ուրարտու» միջազգային երաժշտական մրցանակի հյուր։ Աստղային հյուրին նվիրել են «Արարատի» ակումբային շարֆ և ավելի մանրամասն պատմել ֆուտբոլային ակումբի նպատակների և խնդիրների մասին։
«Արարատ» ֆուտբոլային ակումբը ստեղծվել է դեռ 2017 թվականի մարտի վերջին Մոսկվայի հայկական երիտասարդական ասոցիացիայի օժանդակությամբ։
«Արարատն» այժմ շարունակում է վստահ գլխավորել մրցանակային աղյուսակը։ ՊՖԼ–ում 16 խաղերից հետո «առյուծները» 42 միավորով գլխավորում են աղյուսակը «Կենտրոն» գոտում։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում