Ճիշտ սննդակարգի անցնելու 5 պարզ միջոց

ԵՐԵՎԱՆ, 6 հուլիսի. /Նովոստի-Արմենիա/. Ամերիկացի մասնագետները մշակել են իրենց խորհուրդների ցանկը, որոնք կօգնեն անցնել ճիշտ սննդակարգի, հայտնում է Medicalxpress-ը, գրում է medikforum-ը:

1. Խնայել վերամշակված մսամթերքի հաշվին: Բժիշկների կարծիքով, պետք է դադարել գումար ծախսել վերամշակված մսամթերք` նրբերշիկ, երշիկ, ապուխտ գնել: Շաբաթը գոնե մեկ-երկու անգամ միսը պետք է փոխարինել լոբիով, նշում են փորձագետները: Դրանք սպիտակուցի, վիտամինների և միկրոտարրերի պարունակությամբ նման են մսին, բայց օգուտը մի քանի անգամ ավելի է:

2.Նվազեցնել աղի գործածումը: Սննդակարգը վերանայելու ևս մեկ պարզ միջոց է: Աղի օգտագործումը նվազեցնելու համար պետք է նվազեցնել պահածոների և պատրաստի ապուրների օգտագործումը, աղի ընկուզեղենի փոխարեն սնվել ոչ աղի անալոգներով:

3. Ուտել ավելի մեծ թվով առողջ ճարպեր: Ճիշտ սննդակարգի տեսանկյունից պետք է ավելացնել չհագեցած ճարպերի քանակը սննդակարգում և միաժամանակ նվազեցնել հագեցածները: Մանսագետները խորհուրդ են տալիս սերուցքային կարագը փոխարինել ձիթապտղի ձեթով կամ այլ չռաֆինացված բուսայուղերով, ինչպես նաև պակասեցնել մայոնեզի օգտագործումը:


4. Հրաժարվել սպիտակ հացից: Սննդաբանների կարծիքով, սպիտակ հացը խորհուրդ է տրվում փոխարինել տարեկանի, ամբողջահատիկի հացով:

5. Ձգտել կալորիականության կրճատման: Պետք է փորձել կերակրատեսակներն ավելի թեթև դարձնել, չբեռնել մարսողությունը: Օրինակ, պիցցա սիրողներին խորհուրդ է տրվում փոխարինել այն դրա բանջարեղենային տարբերակով:

«Պետք է միշտ փորձել հնարավորության դեպքում ոչ մեծ փոփոխություններ կատարել սննդակարգում, որոնք այն ավելի թեթև կդարձնեն: Դա պետք է անել ամեն անգամ` բացելով սառնարանը, խանութ գնալիս կամ ռեստորանում սնունդ պատվիրելիս»,- ասում են մասնագետները: -0-