ԵՐԵՎԱՆ, 23 փետրվարի. /Նովոստի-Արմենիա/. Հետազոտությունը ցույց է տվել, որ լիարժեք ճաշի ընդմիջումը ոչ միայն դրական ազդեցություն կարող է ունենալ առողջության, այլ նաև աշխատանքի որակի վրա:
Աշխատանքային սեղանի մոտ սնվելը կամ ընդհանրապես ընդմիջման անտեսելը կարող է հանգեցնել օրգանիզմի համար տխուր հետևանքների` քնի, մարսողության, ուշադրության խանգարումների և այլն: Այս մասին հայտնում է
life.ru-ն` հղում անելով The Guardian-ին:
Գիտական հետազոտությունները ցույց են տվել, որ այն մարդիկ, ովքեր աշխատանքային օրվա ընթացքում դադար չեն առնում իրենց պարտավորություններից, արդյունավետության ավելի ցածր ցուցանիշներ են ունենում, քան նրանք, ովքեր երբեմն հանգստանում են աշխատանքից օրվա ընթացքում:
Загружается новость ... "Лево"
Միաժամանակ, կարճ դադարի ընթացքում ընդմիջում անող մարդիկ ավելի լավ են քնում, նրանց մոտ էմոցիոնալ գերլարվածության ռիսկերն ավելի ցածր են և այդքան էլ չեն ենթարկվում սթրեսների: Բացի այդ, ճաշից հաճախ հրաժարվելը կարող է հանգեցնել ստամոքսի հիվանդությունների:
Նշվում է, որ դրական արդյունք են ունենում բացառապես այն ընդմիջումները, որոնք կապված են սննդի ընդունման հետ: Եթե ճաշի համար նախատեսված ժամանակն անցկացվի գործընկերների և ընկերների հետ սոցցանցերում շփվելով, ուժերն այդ կերպ չեն վերականգնվի: -0-