Հենրիխ Մխիթարյանն իր հայրիկի հիշատակին գրառում է կատարել (ՖՈՏՈ)

ԵՐԵՎԱՆ, 18 հունիսի. /Նովոստի-Արմենիա/. Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանն իր հայրիկին` Համլետ Մխիթարյանին, Հայրերի օրվա կապակցությամբ գրառում է նվիրել Facebook-ում:

Հենրիխ Մխիթարյանը նշել է, թե որոնք են «Մանչեսթեր Յունայթեդում» իր խփած երկու ամենասիրելի գոլերը (ՎԻԴԵՈ)>>

«Ամենամեծ նվերներից մեկը, որ ես երբևէ ստացել եմ, քո պես հայր ունենալն է: Իմ հիշողությունները կմնան ընդմիշտ: Բոլոր հիանալի հայրերի օրը շնորհավոր»,- գրել է ֆուտբոլիստը` հոր հետ լուսանկարի վերաբերյալ:



Խորհրդային տաղանդավոր ֆուտբոլիստ Համլետ Մխիթարյանը, ով խաղում էր «Արարատում» և ֆրանսիական «Վալանսում», մահացել է 33 տարեկանում ծանր հիվանդությունից, երբ Հենրիխն ընդամենը վեց տարեկան էր: Այնուամենայնիվ, հոր օրինակը և նրա մասին հիշողությունները մեծ դեր են խաղացել Մխիթարյանի կյանքում: -0-