ԵՐԵՎԱՆ, 26 հունիսի. /նովոստի-Արմենիա/. Ռուսաստանում հազվագյուտ ալմաստն անվանակոչվել է ի պատիվ խորհրդային լեգենդար հետախույզներ Գևորգ և Գոհար Վարդանյանների:
«Вести.Ру»-ի հաղորդմամբ` բնական հազվագյուտ հատկանիշներով 3 ալմաստները, որոնք պահվում են Ռուսաստանի Պետական գանձարանում, ֆինանսների նախարարության նախաձեռնությամբ, անվանակոչվել են ի պատիվ խորհրդային լեգենդար հետախույզներ Ալեքսեյ Կոզլովի, Ալեքսեյ Բոտյանի և Գևորգ ու Գոհար Վարդանյան ամուսինների:
«Բացառիկ տեսքով թանկարժեք քար, որը բաղկացած է երկու ներաճած ալմաստներից: Բնության մեջ հանդիպող հազվադեպ երևույթ: Այս ալմաստն անվանակոչվել է ի պատիվ հետախույզ ամուսինների: Նա Խորհրդային Միության հերոս, ներկայում` հանգուցյալ Գևորգ Վարդանյանն է, և նրա կինը` Գոհարը: Նրանք «Թեհրան-43»-ի իրական հերոսներ են»,- գրում է թերթը:
Հունիսի 25-ին «Россия-1» ռուսական հեռուստաալիքով կայացել է խորհրդային հետախուզության հայազգի լեգենդի մասին պատմող ««Anita» ծածկանվամբ» հեռուստատեսային ֆիլմի պրեմիերան:
Загружается новость ...
"Право"
Գոհար Լևոնի Վարդանյանն ընդհատակյա հետախույզ է, Կարմիր դրոշի շքանշանակիր և շատ այլ մրցանակների դափնեկիր, ինչպես նաև խորհրդային լեգենդար ընդհատակյա հետախույզ, Խորհրդային Միության հերոս Գևորգ Անդրեյի Վարդանյանի կինն ու համախոհը: Վերջինն իր կյանքը խորհրդային հետախուզության հետ կապել է 16 տարեկանում, երբ 1940 թ-ի փետրվարին կապ է հաստատել Թեհրանի Ներքին գործերի ժողովրդական կոմիսարիատի նստավայրի հետ: Նա ղեկավարում էր Թեհրանում և այլ քաղաքներում ֆաշիստական գործակալների և գերմանացի հետատխույզների բացահայտմամբ զբաղվող խմբի աշխատանքները։ Միայն 2 տարվա ընթացքում նրա խումբը բացահայտել է 400 անձանց, ովքեր այս կամ այլ կերպ կապված են եղել գերմանական հետախուզության հետ:
«Ամիրը» (օպերատիվ ծածկանունը) 1943 թ նոյեմբեր-դեկտեմբերին ակտիվորեն ներգրավված է եղել Թեհրանի «Մեծ եռյակի» ղեկավարների կոնֆերանսի անվտանգության ապահովմանը: 1951 թ.-ին նա տեղափոխվել է ԽՍՀՄ, որտեղ ավարտել է Երևանի պետական համալսարանի օտար լեզուների ֆակուլտետը:
Դրան հաջորդել է էքստրեմալ պայմաններում և տարբեր երկրներում դժվարին իրավիճակներում երկարամյա աշխատանքը ընդհատակյա հետախուզությունում:
Վարդանյան ամուսինների օտարերկրյա գործուղումը տևել է ավելի քան 30 տարի: -0-