ԵՐԵՎԱՆ, 17 հունվարի. /Նովոստի Արմենիա/. Երբ Պավել Աչիկյանն ու Վլադիմիր Սեմենյուտան, ովքեր սովոր են աշխատելու մեծ բիզնեսում, ցանկացան փոքր բանի մեջ իրենց ուժերը փորձել, նրանք որոշեցին բացել ֆասթֆուդի ցանց և չվախեցան շուկա բերել «չարտասանվող» անվանումով ուտելիք` հայկական բրդուճ։
Այժմ գործընկերները Մոսկվայում «աշխատացնում են» «Լևոն’ս» կովկասյան խոհանոցի սրճարանների ցանց, գրում է
incrussia.ru–ն։
2016 թվականի հուլիսին առաջին «Լևոն’ս կաֆե»–ի բացմանը հիմնադիրները պատրաստվել են գրեթե մեկ տարի` հավաքել են հանրային սննդի ոլորտի մարդկանց թիմ, երկար ուսումնասիրել են շուկան և խորհրդակցել նրանց հետ, ովքեր արդեն բիզնեսում են։ Արդյունքում նրանք որոշել են փորձել իրենց fast-casual սեգմենտում` ցածր գներով առողջ սննդի հատվածում, որը Մոսկվայում գործնականորեն զբաղված չէր, չնայած ֆասթֆուդ կետերի բազմազանությանը։
Հարմար սննդի տեսակը գտնելու համար Պավելն ու Վլադիմիրը ստիպված եղան մի քիչ չարչարվել, որ գտնեն ինչ–որ օրիգինալ բան, այնպիսի բան, որից շուկայում չկա և որը հնարավոր կլիներ մի քանի րոպեում պատրաստել թարմ մթերքներից։ Այս տեսակետից շատ հարմար է մսով լավաշի՝ բրդուճի ձևաչափը: Աչիկյանը կիսով չափ հայ է: Նա տատիկից ժառանգած հայկական բաղադրատոմսերի հին գրքում գտավ այն:
– Անվանումն անմիջապես հավանեցինք. այն կարճ է, միևնույն ժամանակ հնչեղ: Միգուցեև այն սխալներով արտասանեն, սակայն հաստատ չեն մոռանա,– հիշում է Պավելը։
Պրոդուկտն ավելի հետաքրքիր դարձնելու համար մտածել են լցոնների մի քանի տեսակ և սոուս են ավելացրել։ Բաղադրատոմսերը մշակել են տեխնոլոգների և խոհարարների հետ միասին։
Պատրաստի պրոդուկտը համտեսել են հիմնադիրների կանայք և երեխաները, իսկ իրենք ամբողջովին ընկղմվել են տեխնոլոգիական գործընթացի մեջ, հիշում է Վլադիմիր Սեմենյուտան։
Загружается новость ...
"Право"
– Մեր հիմնական մեսիջը համեղ և առողջ սնունդն է։ Բայց առաջին տեղում հենց համեղն է,– բացատրում է Պավելը։
Այժմ «Լևոն’ս» սրճարանի հիմնադիրները կամաց–կամաց սկսել են վերանվանել իրենց սրճարանները «Բրդուճանոցների»` հաճախորդին այդ անվանմանը սովորեցնելու համար։ 2018 թվականին նրանք մտադիր են ծավալուն գովազդային արշավ կազմակերպել և ֆրանշիզ գործարկել։
– Մենք հայտեր ենք ստանում, բայց նոր ֆրանշիզային կետեր բացելուց առաջ ուզում ենք ամբողջովին կարգավորել համակարգն առկա բոլոր երեք կետերում,– ասում է Պավել Աչիկյանը։ -0-