ԵՐԵՎԱՆ, 16 նոյեմբերի. /Նովոստի Արմենիա/. ՀՀ վարչապետ Կարեն Կարապետյանը հանձնարարել է խստացնել անչափահասներին ծխախոտը և ալկոհոլային խմիչքները վաճառելու վերահսկողությունը։
«Իրականացված ուսումնասիրությունները վկայում են այն մասին, որ անչափահասներին ծխախոտի և ալկոհոլային խմիչքների, ինչպես նաև գիշերային ակումբներ և այլ ժամանցային վայրեր հաճախելու դեպքերի վերահսկողությունը բավարար չէ», – նշել է Կարապետյանը հինգշաբթի կառավարության նիստում։
Նրա խոսքով, ոչ բավարար են համարվում նաև գործող օրենսդրությամբ նախատեսված պատասխանատվության միջոցները։
Загружается новость ... "Лево"
«Ավելին, նախատեսված չէ կոնկրետ մարմին, որը կզբաղվի նման դեպքերի հետազոտմամբ։ Փոխարենը մի քանի մարմին է գործում, որոնց գործառույթները հստակեցված չեն», – հավելել է Կարապետյանը։
Այս առումով վարչապետը հանձնարարել է արդարադատության, տնտեսական զարգացման և ներդրումների, առողջապահության, տարածքային զարգացման և կառավարման նախարարներին և մի շարք այլ կառույցների հեկավարներին երկու ամսվա ընթացքում մշակել և կառավարությանը ներկայացնել անչափահասներին ծխախոտ և ալկոհոլային խմիչքներ վաճարման, ինչպես նաև արգելված զվարճանքի վայրեր մուտք գործելու դեպքերի համար պատասխանատվության միջոցների խստացման առաջարկություններ ։ –0–