Հայաստանն այդքան էլ չի սիրում բարեգործությամբ զբաղվել (ՎԱՐԿԱՆԻՇ)

ԵՐԵՎԱՆ, 8 սեպտեմբերի. /Նովոստի–Արմենիա/. Հայաստանը, Վրաստանը և Ադրբեջանն այդքան էլ հակված չեն բարեգործության։

Այդ մասին են վկայում Charities Aid Foundation (CAF) բրիտանական բարեգործական հիմնադրամի 2017 թվականի World Giving Index բարեգործության վարկանիշի տվյալները։

World Giving Index 2017 վարկանիշը կազմելիս հարցման է ենթարկվել աշխարհի 139 երկրների 146 հազար մարդ։


Վարկանիշում հաշվի են առնվել տարբեր երկրների քաղաքացիների` բարեգործական նպատակներով գումար հատկացնելու, կամավորության կամ անծանոթներին օգնելու հակվածությունը։

Կատարած հարցումների արդյունքների համաձայն, Հայստանը հայտնվել է 122–րդ հորիզոնականում, Վրաստանը` 135–րդ, իսկ Ադրբեջանը` 126–րդ։ Ռուսաստանը 124–րդ տեղում է։

Հարցման տվյալները ցույց են տվել, որ Հայաստանում անծանոթների օգնել են հարցված բնակիչների 44 տոկոսը, փող են զոհաբերել 12 տոկոսը, միաժամանակ, կամավորական աշխատանքով զբաղվել է բնակչության 4 տոկոսը։

Վարկանիշի առաջին հորիզոնականում Մյանման է։ Այստեղ, հետազոտության համաձայն, զոհաբերություն է կատարել բնակչության 91 տոկոսը։ Վարկանիշի երկրորդ տեղում Ինդոնեզիան է, երրորդում` Քենիան։ -0-