ԵՐԵՎԱՆ, 8 սեպտեմբերի. /Նովոստի-Արմենիա/. Շվեդ գիտնականները 4 տասնամյակի ընթացքում փորձել են պարզել, թե տղամարդու և կնոջ միջև վեճերն արդյո՞ք իմաստ ունեն: Այս մասին գրում է The Daily Mail, հաղորդում է
vsem.fun-ը:
Գիտնականներն անցկացրել են 617 ուսումնասիրություններ, որոնք տևել են 1973-ից 2013 թվականները, և դրանց մասնակից է դարձել 1.2 միլիոն մարդ:
Պարզվել է, որ կանայց խոսակցության ժամանակ տղամարդկանցից լավ են հիշում մանր դետալները և վեճի ժամանակ սկսում են դրանք հիշեցնել: Օրինակ, նրանք հիանալի հիշում են, թե ով, ինչ և երբ է ասել: Հետազոտության համաձայն, պարզվել է նաև, որ մարդկության գեղեցիկ կեսն ավելի լավ է հիշում դեմքերն ու հոտերը:
Կանանց մոտ նաև ավելի զարգացած է դրվագային հիշողությունը, և այդ իսկ պատճառով նրանք ավելի լավ են հիշում վաղուց կատարված իրադարձությունները: Այդ իսկ պատճառով գիտնականները եկել են եզրահանգման, որ կանանց հետ վիճելն անիմաստ է: -0-