ԵՐԵՎԱՆ, 7 մարտի. /Նովոստի Արմենիա/. Նորաձևության հայտնի հայ բլոգեր Մարիաննա Քաբաբյանը «Նովոստի–Արմենիա»–ի հետ զրույցում պատմել է 2018 թ.-ի գարուն-ամառ սեզոնի նորաձև թրենդերի մասին, որոնք կօգնեն ամենօրյա ակտուալ կերպարներ ստեղծել:
«Նովոստի –Արմենիա». Գարնանային տոների նախաշեմին կցանկանայինք նվիրել մեր գեղեցիկ կանանց ավելի շատ դրական լիցքեր, որ նրանք իրենց ամենագեղեցիկը և անզուգականը զգան: Խնդրում եմ` պատմեք, ինչպիսի՞ կերպարներն ակտուալ կլինեն 2018 թ.-ի գարուն-ամառ սեզոնում
Մ. Քաբաբյան. Առաջին հերթին գարուն-ամառ սեզոնում նոր թրենդ կդառնա միագույն հագուստը: Այսինքն, զգեստը, վերարկուն, տաբատը, պայուսակը, կոշիկները` ամեն ինչ պետք է լինի մեկ գույնի մեջ։
Նախընտրելի է, որ դրանք լինեն գունամատիտային երանգներ, ինչն այս սեզոնի երկրորդ թրենդն է: Դա բաց կապույտը, բայց փիրուզագույնը, բաց վարդագույնն է և այլ: Գարուն-ամառ սեզոնի մյուս շատ ակտուալ թրենդը թեթև տափանցիկ կտորներից պատրաստված հագուստն է: Խոսքը թիկնոցների, զգեստների մասին է:
Տղամարդու ոճի կանանց զգեստներն արդեն մի քանի սեզոն դուրս չեն գալիս նորաձևությունից: Դրանք տղամարդու պարագաներ են, զինվորական տիպի կոշիկներ, ռոքերական, բայքերական տարրեր հագուստում: Դրանց ավելանում է թափանցիկ թիկնոցների թրենդը, ինչը կանացիություն է հաղորդում կերպարին:
«Նովոստի Արմենիա». Ո՞ր գույները կգերակշռեն այս սեզոնում
Մ. Քաբաբյան. Այս սեզոնի գլխավոր գույնը վառ մանուշակագույնն է: Այդ գույնն ակտուալ կլինի ինչպես դիմահարմարդման մեջ, այնպես էլ հագուստում:
«Նովոստի Արմենիա». Ինչպիսի՞ կոշիկներ նորաձև կլինեն այս սեզոնում
Մ. Քաբաբյան. Այս սեզոնում նորաձև կլինեն սուր քթով ցածր կոշիկներ: Դուք գիտեք, որ վերջին մի քանի սեզոններին նորաձև էին աշխատող կանայք, ովքեր ակտիվ կյանքով են ապրում, այդ իսկ պատճառով նրանց ավելի հարմար է ցածր ներբանով կամ ցածրակրունկ կոշիկներ հագնել:
«Նովոստի Արմենիա». Ի՞նչ կասեք դիմահարդարման նորաձև թրենդների մասին։
Загружается новость ...
"Право"
Մ. Քաբաբյան. Նորաձև է մաշկի առողջ փայլը: Փայլատությունը մղվում է երկրորդ պլան, իսկ հայլայթերների օգտագործումը դառնում է ամենամոդայիկը: Այս սեզոնին դիմահարդարման մեջ կարելի է օգտագործել վարդագույնի երանգներ` գունամատիտայինից մինչև հագեցած:
«Նովոստի Արմենիա». Ինչպես պնդում են շատ մասնագետներ, այսօր մոդայիկ է բնական լինելը: Ի՞նչ եք խորհուրդ տալիս աղջիկներին ու կանանց, ովքեր ցանկանում են բնական, բայց միաժամանակ վառ տեսք ունենալ։
Մ. Քաբաբյան. Խոհրուրդ կտամ շեշտադրումն անել շրթունքների վրա: Եթե ըստ վերջին միտումների մաշկն առողջ, խնամված ու փայլուն լինի, ապա, մի փոքր ընդգծելով շրթունքները, կարելի է վառ տեսք ունենալ: Դա կբարձրացնի շրջապատողների տրամադրությունը:
«Նովոստի Արմենիա». Որո՞նք են այսօր Հայաստանի գեղեցկության չափանիշները և, արդյո՞ք, դրանք փոխվել են։
Մ. Քաբաբյան. Ցավոք սրտի, շատերի համար «գեղեցիկ» հասկացությունը ոչ միշտ է էսթետիկ տեսանկյունից հաճելի: Այսօր Հայաստանում գեղեցիկ է համարվում արևելյան տեսակը և պլաստիկ վիրահատությունները: Անձամբ ինձ համար գեղեցիկն առավելագույն բնականն է, քանի որ բնականն ասում է մարդու մասին ավելի շատ, քան շաբլոնային արտաքինը, ինչը շատ տարածված է:
«Նովոստի Արմենիա». Ի՞նչ կմաղթեք կանանց միջազգային օրվա առթիվ:
Մ. Քաբաբյան. Մաղթում եմ նրանց միշտ մնալ հավատարիմ իրենց, չվախենալ բնական լինելուց, ընդունել, սիրել և գնահատել իրենք իրենց այնպիսին, ինչպիսին որ կան: Այսօր կանանց դերը շատ կարևոր է ինչպես ընտանիքում, այնպես էլ ընտանիքից դուրս: Այս ամենը կարելի է համատեղել, մեկը մյուսին չպետք է խանգարի, և ես շատ կցանկանայի, որ յուրաքանչուր կին զբաղվի ինքնազարգացմամբ, քանի որ միայն դա կօգնի փոխել այս աշխարհը դեպի լավը:-0-
