ԱՆ. Երևանի մանկական հիվանդանոցներում հոսպիտալացված հիվանդների մեծ մասը 0-2 տարեկան երեխաներ են

20:55

08 Հունվարի 2018

ԵՐԵՎԱՆ, 8 հունվարի. /Նովոստի–Արմենիա/. Հայաստանի ԱՆ մամուլի ծառայությունը հաղորդագրություն է տարածել հանրապետությունում տոնական օրերին ՍՇՎ և գրիպի տարածման վերաբերյալ։

Ինչպես նշվում է հաղորդման մեջ, տոնական օրերին նշված վարակների մշտադիտարկում է իրականացվել, որի արդյունքներով, սուր շնչառական վարակների և գրիպի տարածվածությունը համահունչ է սեզոնին: Նախարարությունից նշում են նաև, որ հիվանդների դիմելիությունը հիմնականում եղել է Երևանում։

«Ներկայում մայրաքաղաքի մանկական հիվանդանոցներում հոսպիտալացված 360 հիվանդների մեծ մասը 0-2 տարեկան երեխաներ են»,– ասվում է հաղորդման մեջ։

Ընդգծվում է, որ անհրաժեշտ բուժման արդյունքում բոլորի մոտ առկա է լավացման դրական շարժընթաց: Նշված օրերին արձանագրվել է շտապօգնության 81 կանչ, գրեթե նույնքան, որքան մեկ տարի առաջ: Կանչերը մեծ մասամբ տրվել է մեծահասակների համար՝ պայմանավորված սուր շնչառական վարակներով: Հանրապետությունում տոնական և հետտոնական օրերի ընթացքում շրջանառել են գրիպի Ա և Բ տեսակները, ինչպես նաև այլ շնչառական վարակների հարուցիչներ (ռինովիրուս, բոկավիրուս, ռեսպիրատոր սինտիցիալ վիրուս, ադենովիրոս):

Загружается новость ... "Лево"

Առողջապահության նախարարությունը գրիպից և դրա բարդություններից խուսափելու նպատակով հորդորում է հիվանդ լինելու դեպքում մնալ տանը,
հրավիրել տեղամասային մանկաբույժին, թերապևտին կամ ընտանեկան բժշկին և չզբաղվել ինքնաբուժմամբ։

ԱՆ–ն խորհուրդ է տալիս չօգտագործել հակաբիոտիկներ, քանի որ դրանք ցուցված չեն գրիպի բուժման համար։ Նաև շատ կարևոր է եղանակին համապատասխան, պահպանել հազի և փռշտալու վարվելակարգը, հնարավորինս շատ հեղուկ (սովորական ջուր, թեյ, ցանկալի է`առանց շաքարի) խմել, հաճախակի օդափոխել փակ տարածքները և հետևել անձնական հիգիենային։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Երևան #գրիպ #հիվանդանոց #սեզոն #երեխաներ

Թեմատիկ նյութեր