478.3
+0.07
574.1
-0.3
8.31
+0.05
+18
Եղանակը Երևանում
Հայ
Երևանցիները կվայելեն Եվգենի Պլյուշչենկոյի սառցե գունեղ շոուն
17:37
20 Հոկտեմբերի 2015
ԵՐԵՎԱՆ, 20 հոկտեմբերի. /Նովոստի-Արմենիա/. «Սառույցի թագավորները» համաշխարհային մակարդակի ծավալուն շոուն կկայանա նոյեմբերի 20-ին Երևանում, երեքշաբթի լրագրողներին ասել է նախօրեին Երևան ժամանած օլիմպիական բազմակի չեմպիոն Եվգենի Պլյուշչենկոն:

«Սառույցի թագավորները» թագավորական շոուում

«Նոյեմբերի 20-ին ես հանդես կգամ Երևանում նոր ծրագրով, նույնիսկ հնարավոր է` երկու նոր ծրագրով, եթե հասցնեմ: Ինձ հետաքրքիր է` արդյո՞ք, այն դուր կգա հայ հանդիսատեսին: Այժմ լավ մարզավիճակում եմ, աշխատանքը եռում է: Այդ պատճառով էլ պատրաստվում եմ ուրախացնել ձեզ և զարգացնել գեղասահքը»,- ասաց Պլյուշչենկոն:
Հայտնի գեղասահորդն ասաց, որ այժմ «սպորտում դադար է վերցրել» և համաշխարհային շրջագայության շրջանակում շուրջ 100 շոու կներկայացնի:

«Հիմնական շեշտադրումը հայկական երաժշտությունն է: Շոուի շրջանակում բազմաթիվ համատեղ համարներ կլինեն: Ելույթ կունենան «Ձյունե արքա» շոուի իմ պարողները, օդային ակրոբատները, ովքեր գմբեթում առանց պահող պարանների են աշխատում, Սերգեյ Յակիմենկոն` աշխարհի միակ մարզիկը, ով սառույցի վրա սալդո է լատարում, թռնում է մեքենայի վրայով»,- ասաց նա:

Պրոդյուսեր Արի Զաքարյանն իր հերթին ասաց, որ շոուին կմասնակցեն համաշխարհային մակարդակի գեղասահորդներ, այդ թվում` աշխարհահռչակ հայեր, որոնց մասին այդքան էլ չգիտեն Հայաստանում: «Մասնավորապես, ելույթ կունենա վոլգոգրաբնակ 13-ամյա հայ գեղասահորդ, հնարավոր է` գեղասահքի ապագա աստղ»,- ասաց նա:

«Սա կարելի է անվանել հայկական թեքումով սառցե շոու: Դրա ընթացքում կհնչի կենդանի երաժշտություն, ելույթ կունենա հայտնի ջութակահար Էդգար Հակոբյանը: Եվ, իհարկե, «սառույցի արքա» Եվգենի Պլյուշչենկոն, գեղասահորդներ Իրինա Սլուցկայան, Տոմաշ Վերները, Ջեյսոն Գրատցը, Հակոբ Մանուկյանը, Այդաս Ռեկլիսը, Գև Մանուկյանը»,- ընդգծեց պրոդյուսերը:

Евгений Плющенко

Ըստ նրա, շոուում մեծ աշխատանք է ներդրվել, իսկ նախագիծը ստեղծվել է նրա համար, որ Հայաստանում մարդիկ կարողանան բարձրակարգ գեղասահք տեսնել: «Մեր շոուից հետո հայերը կկարողանան հպարտանալ, որ գեղասահքում այդքան տաղանդավոր հայրենակիցներ ունեն»,- ասաց Զաքարյանը:

Վարպետության դաս չեմպիոնից

 Ինքը` լեգենդար գեղասահորդը, լրագրողներին գեղեցիկ շոու ստեղծելու մի քանի մասնագիտական բաղադրատոմս ներկայացրեց:

«Երբ ես աշխատում եմ նոր ծրագրի վրա, մեկնարկային կետս երաժշտությունն է: Այնուհետև խորեոգրաֆները կերպարներ են գտնում: Այնուհետև շարժումները մանրահատակից տեղափոխվում են սառույցի վրա: Երաժշտության ընտրությունը կապված է հոգեվիճակի հետ: Եթե զգում եմ երաժշտությունը, ուրեմն ամեն ինչ կստացվի»,- ասաց Պլյուշչենկոն:

Евгений Плющенко

Նա հիշեց, թե ինչպես 2008 թվականին ելույթ էր ունեցել Երևանում իր սիրած «Армения моя» երգի ներքո: Եվ շատ զգացված էր, երբ արցունքներ էր նկատել երկու հանդիսատեսի աչքերին: «Հուսով եմ` նրանք հիասթափությունից չէին լացում»,- կատակեց Պլյուշչենկոն:

«Ձյունե թագուհու» ռեբրենդինգը «սառույցի արքայի» համար

 «Կնոջս` Յանա Ռուդկովսկայայի հետ նախաձեռնել ենք «Ձյունե արքա» շոուին, որը «Ձյունե թագուհու» յուրօրինակ ռեբրենդինգ է: Շոուում մոտ 4 միլիոն դոլար է ներդրվել, ներգրավված է մոտ երկու հարյուր մարդ, որոնց թվում` հայտնի մարզիկներ: Ռուս հայտնի երգիչ Դիմա Բիլանը հատուկ շոուի համար երգ է գրել և կատարել»,- ասաց Պլյուշչենկոն իր մյուս նախագծերի մասին:

Նա խոստովանեց, որ իր համար դա և արվեստ է, և բիզնես: «Մենք նաև բարեգործությամբ ենք զբաղվում: Օգնում ենք հիվանդ երեխաների և սահմանափակ կարողություններով մարդկանց: Իսկ ես պարապում եմ երեխաների հետ, վարպետության դասեր եմ տալիս»,- ասաց Պլյուշչենկոն:
Ըստ նրա, ոչ մի ուրիշ զբաղմունքի, նույնիսկ ընտանիքի համար ժամանակը չի բավարարում: Բայց ավելացրեց, որ հետագայում պատրաստվում է Ռուսաստանում գեղասահքի դպրոց բացել:

Գաղտնիքները բացահայտում է հայտնի մարզիկը

Պլյուշչենկոն նաև պատասխանեց այն հարցերին, թե ինչպես է պահպանում հիանալի ֆիզիկական վիճակը և ինչով է զբաղվում ազատ ժամանակ: «Լավ տեսք ունենալու համար պետք է ավելի շատ քնել և շատ աշխատել: Ես նաև զբաղվում եմ գոլֆով, ձկնորսությամբ, որսով, ֆուտբոլով, հոկեյով, թենիսով, սթրայքբոլով և այլ մարզաձևերով»,- ասաց Պլյուշչենկոն:

Евгений Плющенко

Նա կատակեց, ասելով, որ այնքան ժամանակ է անցկացրել սառույցի վրա, որ արդեն «սառեցված» է:

Թագավորը մահացավ, թագավորն ապրած կենա

Պատասխանելով այն հարցին, թե չի վախենում, արդյոք, որ «սառույցի թագավորի» տիտղոսը կարող է անցնել մրցակիցներին` Պլյուշչենկոն ասաց, որ ինքը չէ իրեն տիտղոս շնորհել:
«Վախենալու ոչինչ չունեմ: Եթե ավելի տիտղոսային մարզիկի գտնեք, ապա չորրորդ թռիչքը կկատարեմ: Պարզապես պետք է առաջ ընթանալ: Երբ կգա իմ ժամանակը, ես հանգիստ կասեմ. «Մինչ նոր հանդիպում մեկ այլ ասպարեզում»: Ինչու՞ ես ապրում, եթե ինչ-որ բանից վախենում ես»,- կարծում է Պլյուշչենկոն:

Նա պատմեց, որ կան մարզիկներ, ում անվանում են «մարզումների չեմպիոններ», բայց նրանք վախենում են ելույթ ունենալ` փայլուն արդյունքներ ցույց տալով միայն մարզումներում:

«Եթե զբաղվում ես սպորտով և ուզում ես սուպերչեմպիոն լինել, ապա վախենալ պետք չէ: Մեծ մարզիկը նա է, ով անընդհատ արդյունք է ցույց տալիս»,- ասաց Պլյուշչենկոն:

Եվ, այնուամենայնիվ, նա խոստովանեց, որ ցանկացած մարդու պես վախեր ունի` ամենից շատ վախենում է իր ընտանիքի համար:

Չեմպիոնը կպատմի ամեն ինչ

«Ես առայժմ վերջակետ չեմ դրել իմ մարզական կարիերայում: Բայց և կարիերայի, և ընտանիքի մասին պատմելու բան ունեմ: Կարծում եմ` առաջիկայում կենսագրություն կգրեմ»,- ասաց նա:
Նա խոստովանեց, որ առաջիկայում աստղային ընտանիքը կհամալրվի: «Չորս որդի ունեմ: Մեկը` առաջին ամուսնությունից, երկրորդը` երկրորդից: Բայց Յանայի որդիներին էլ եմ իմը համարում: Նրանք բոլորը սպորտով են զբաղվում: Իսկ փոքրիկն արդեն սահում է»,- ասաց Պլյուշչենկոն: -0-
Loading...
Թեմատիկ նյութեր
Բաժնի այլ նյութեր
20:58
22 Սեպտեմբերի 2017
Ալեքսիս Օհանյանը շնորհավորել է հայերին Անկախության օրվա առթիվ և խոստացել դստերը բերել Հայաստան (ՖՈՏՈ)
Նա ավելացրել է, որ իր նորածին դուստրը ևս մի օր կայցելի Հայաստան։
20:38
22 Սեպտեմբերի 2017
«Հակախորհրդայինները». Երևանում ցուցահանդես է բացվել ստալինյան ռեպրեսիաների մասին (ՖՈՏՈ)
Հայաստանի ազգային գրադարանում բացվել է ատալինյան ռեպրեսիաների 80–ամյակին նվիրված «Հակախորհրդայինները» ցուցահանդեսը:
20:28
20 Սեպտեմբերի 2017
Ալեքսիս Օհանյանի դստեր Instagram–ի էջը ռեկորդներ է սահմանում (ՖՈՏՈ)
Reddit կայքի համահիմնադիր Ալեքսիս Օհանյանի և հայտնի թենիսիստուհի Սերենա Ուիլյամսի նորածին դստեր` Օլիմպիայի էջն Instagram–ում մեծ ճանաչում է սկսում վայելել։
19:40
20 Սեպտեմբերի 2017
Ուշադրություն` կեղծիք. ադրբեջանցիները Facebook-ում ստեղծել են Արման Աբովյանի ֆեյքը (ՖՈՏՈ)
Քաղաքական մեկնաբան Արման Աբովյանը զգուշացնում է Facebook–ում իր կեղծ էջի ստեղծման մասին։
15:42
20 Սեպտեմբերի 2017
Ինչպե՞ս դիմակայել վիրուսին. խորհուրդ է տալիս փորձագետը
Սուր–շնչառական վարակները կարող են տարբեր կերպ արտահայտվել։ Կա սուր–շնչառական վարակների աղիքային ձև, որը հայտնի է գիտությանը։
12:31
20 Սեպտեմբերի 2017
Անդրեյ Մալախովն ու Քսենիա Սոբչակը պարում են Արմենչիկի երգի ներքո (ՎԻԴԵՈ)
Մոսկվայում նախորդ հանգստյան օրերին տեղի է ունեցել Սամվել Կարապետյանի կրտսեր որդու` Կարենի և հայազգի Լիլիթի հարսանեկան արարողությունը։
11:28
20 Սեպտեմբերի 2017
Սամվել Կարապետյանի հարսը` Լիլիթը, ցուցադրել է հարսանեկան երկրորդ զգեստը (ՖՈՏՈ)
Հարսի շքեղ զգեստների հեղինակը լիբանանցի աշխարհահռչակ դիզայներ Zuhair Murad–ն է։–
18:37
19 Սեպտեմբերի 2017
Հայտնի է Երևանում Մորուքի առաջին փառատոնի անցկացման ամսաթիվը
Հայտնի է Երևանում Մորուքի առաջին փառատոնի` Մորուք fest–ի անցկացման ամսաթիվը։
17:16
19 Սեպտեմբերի 2017
Առաջինը «Yerevan Food Fest»–ը կհամախմբի իսկական գուրմանների
Ռեստորանային ուտեստների առաջին «Yerevan Food Fest» (by «Hartak») փառատոնը կանցկացվի սեպտեմբերի 21–23–ը։
17:04
18 Սեպտեմբերի 2017
Դերասան Նիկոլայ Կարաչենցովը շտապ հոսպիտալացվել է
Ռուսաստանցի դերասան Նիկոլայ Կարաչենցովը տեղափոխվել է Սկլիֆոսովսկու անվան ԳՀԻ նյարդավիրաբուժության բաժանամունք:
13:35
18 Սեպտեմբերի 2017
Zuhair Murad-ը` Սամվել Կարապետյանի հարսի մասին. «Չեմ կարողանում հագենալ մեր հիասքանչ արքայադստերը նայելուց» (ՖՈՏՈ, ՎԻԴԵՈ)
Հարսի շքեղ զգեստի հեղինակը լիբանանցի աշխարհահռչակ դիզայներ Zuhair Murad–ն է:
20:43
17 Սեպտեմբերի 2017
5 հիվանդություններ, որոնք վախենում են սուրճից
Դուք նույնիսկ չեք պատկերացնում, թե ինչ է ընդունակ անել ձեր օրգանիզմի հետ օրական 3 գավաթ սուրճը: