Coca-Cola կսկսի ակտիվացված ածխի համով գազավորված ըմպելիք արտադրել

ԵՐԵՎԱՆ, 2 ապրիլի. /Նովոստի Արմենիա/. Coca-Cola ընկերությունը սկսում է Zero Sugar ըմպելիքի արտադրությունը, որը կունենա երեք նոր համ՝ ավոկադոյի, խմորիչի ու ակտիվացված ածխի: Բրենդի սեփականատերերը վստահ են, որ դա կներգրավի «Instagram»-ի սերնդին, հայտնում է Lenta.ru-ն՝ հղում անելով Daily Mirror-ին:

«Այդ ըմպելիքը ոչ միայն լավ համ կունենա և միևնույն ժամանակ չի պարունակի շաքար, այլ նաև կլրացնի սոցիալական կայքերում հրապարակված ցանկացած լուսանկար», - նշվում է ընկերության տարածած հաղորդագրությունում:


Ավոկադոյի համով գազավորված ըմպելիքը նկարագրվում է որպես «համեղ ու սննդարար», «ածխով» ըմպելիքը խոստանում է մաքրել ու թարմացնել օրգանիզմը, իսկ խմորիչի համով ըմպեիքը կզարմացնի թթվահամով: Ի սկզբանե արտադրողները մտածում էիր բալի, վանիլի ու կիտրոնի համերի մասին, սակայն, ի վերջո, որոշել են կանգ առնել ավելի ծայրահեղ տարբերակների վրա:

Ինչպես նշում է պարբերականը, Zero Sugar-ի արտադրությունը սկսվել է ավելի քան 10 տարի առաջ ու Diet և Coca-Cola Life-ի հետ մեկտեղ մեծ ճանաչում է ձեռք բերել՝ այն կազմում է ամբողջ վաճառքի 43 տոկոսը:-0-