ԵՐԵՎԱՆ, 25 փետրվարի. /Նովոստի-Արմենիա/. Չեխական խորհրդարանի պատգամավորներն ընդունել են օրենսդրության փոփոխությունը երեխայի ծնունդից հետո հայրերի համար արձակուրդ սահմանելու վերաբերյալ, հայտնում է հանրապետական հեռուստատեսությունը:
Երիտասարդ հայրերը կարող են օգտվել մեկշաբաթյա արձակուրդից երեխայի ծնունդից հետո վեց շաբաթվա ընթացքում: Միաժամանակ, ինչպես մայրերի դեպքում, պահպանվում է նրանց աշխատավարձի 70 տոկոսը, ասվում է հաղորդման մեջ:
Փոփոխության նպատակը հայրերին նորածինների մասին հոգ տանելու հարցում մոտիվացնելն է, հայտնում է ՌԻԱ Նովոստին:
Օրինագիծը դեռ պետք է քննարկում անցնի խորհրդարանի վերին պալատում, սենատում, իսկ այնուհետև կուղղվի հանրապետության նախագահի ստորագրմանը: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում