ԵՐԵՎԱՆ, 4 հունիսի. /Նովոստի–Արմենիա/. Պրահայի քաղաքային դատարանը թույլ է տվել Հայաստանի նախկին նախագահ Սերժ Սարգսյանի եղբորորդու` Նարեկ Սարգսյանի արտահանձնումը Հայաստան, հայտնում է
Пражский экспресс պարբերականը։
Նարեկ Սարգսյանը ձերբակալվել է Պրահայում նախորդ տարվա դեկտեմբերին Ինտերպոլի և չեխական ոստիկանության կողմից։ Փաստաթղթերի ստուգման ժամանակ նա ներկայացրել է Գվատեմալայի կեղծ անձնագիր Ֆրանկլին Գոնսալես անունով։
Загружается новость ... "Лево"
Արտահանձնման վերաբերյալ վերջնական որոշում պետք է ընդունի Չեխիայի արդարադատության նախարար Մարիա Բենեշովան, գրում է Tyden.cz–ը։
Ավելի վաղ հաղորդվել է, որ Հայաստանի ԱԱԾ–ն Նարեկ Սարգսյանին պատկանող տարածքներում և նրա հոր բնակարանում խուզարկության ժամանակ փող և թմրանյութ է հայտնաբերել։ Հայտնաբերվել են նաև Մարտիրոս Սարյանի կտավներ, որոնք, ԱԱԾ–ի հաղորդմամբ, Նարեկ Սարգսյանը ստացել է, չարաշահելով նկարչի ժառանգներից մեկի վստահությունը։ -0-
