ԵՐԵՎԱՆ, 18 մարտի./Նովոստի–Արմենիա/. Հայաստանում կենդանիների նկատմամբ դաժան վերաբերմունքի համար քրեական պատասխանատվության բացակայությունը հանգեցնում է նրանց խոշտանգման և հաշվեհարդարի դեպքերի աճի, երկուշաբթի մամուլի ասուլիսում ասաց «Դինգո Թիմ» անտուն կենդանիների պաշտպանութան կազմակերպության հիմնադիր և ղեկավար Օվսաննա Հովսեփյանը:
Վերջին ժամանակներում սոցցանցերի հայկական տիրույթում հայտնվել են թափառող շների և վայրի ֆաունայի ներկայացուցիչների նկատմամբ դաժան վերաբերմունքի լուսանկարներ: Մասնավորապես, հրապարակվել են շների նկատմամբ հաշվեհարդարի, ինչպես նաև Կարմիր գրքում գրանցված սպիտակ անգղի և բեզոարյան այծի անօրինական որսի լուսանկարներ:
«Կենդանիների հետ դաժան վերաբերմունքի համարա նախատեսվում է պատասխանատվություն Վարչական օրենսգրքի 92-րդ հոդվածին համապատասխան, սակայն փաստացի չկա մարմին, որը կենթարկեր պատասխանատվության: Համապատասխանաբար, չեն իրագործվում նաև տվյալ հոդվածի պահանջները, ինչը և հանգեցնում է կենդանիների, հատկապես, թափառող շների և կատուների հետ դաժան վերաբերմունքի դեպքերի աճի»,- ասաց Հովսեփյանը:
Загружается новость ...
"Право"
Ինչպես նշեց բնապահպանը, հաճախ կենդանիների նկատմամբ դաժանությունը որոշ քաղաքացիներ արդարացնում են ինքնապաշտպանության անհրաժեշտությամբ կամ թափառող շների կտրուկ աճով:
«Այդ հայտարարություններն ըստ էութան անհիմն են, քանի որ սադիզմն արտահայտվում է անպաշտպան կենդանիների` ձագերի, փոքր կամ հաշմանդամ կենդանիների նկատմամբ: Տվյալ դեպքում ինքնապաշտպանության մասին խոսք լինել չի կարող: Սա ակնհայտ սադիզմ է»,- ասաց Հովսեփյանը:
Նա անհրաժեշտ համարեց օրենսդրական լրացումների ընդունումը կենդանիների նկատմամբ դաժան վերաբերմունքի համար քրեական պատասխանատվություն սահմանելու համար:
«Թռչնասերների կենտրոն» հասարակական կազմակերպության նախագահ Սիլվա Ադամյանն ընդգծեց, որ Հայաստանում կենդանիների պաշտպանության հետ կապված իրավիճակը վատթարանում է նաև նրանց հետ վարվելու մշակույթի բացակայությամբ:
«Շատ դեպքերում կենդանիների անօրինական որսը և դաժանությունը նրանց նկատմամբ պատշաճ պատասխանի չեն արժանանում պետական մարմինների կողմից մշտադիտարկման և տարրական մշակույթի բացակայության պատճառով»,- ասաց նա: -0-
