ԵՐԵՎԱՆ, 7 ապրիլի. /Նովոստի–Արմենիա/. Միլանի համալսարանի գիտնականները պարզել են, որ ցավազրկողների լայն կիրառումը կապված է սրտային անբավարարության պատճառով հոսպիտալացման դեպքերի թվի ավելացման հետ։
Ցավազրկողներում պարունակվող նյութերը ոչ ստերոիդային հակաբորբոքային դեղամիջոցներ են։
Ինչպես գրում է Lenta.ru–ն, հղում անելով Medicalxpress հրատարակությանը, գիտնականները վերլուծել են ցավազրկողներ ընդունող 10 մլն հիվանդների տվյալները Գերմանիայում, Մեծ Բրիտանիայում, Նիդեռլանդներում և Իտալիայում։
Загружается новость ... "Лево"
Նրանք բացահայտել են հոսպիտալացման ավելի քան 92 հազար դեպք և ստուգել, թե հիվանդանոցում հայտնված մարդկանցից յուրաքանչյուրը ինչ դեղորայք է ընդունել և ինչ չափաբաժնով։
Պարզվել է, որ դիկլոֆենակը, իբուպրոֆենը, ինդոմետացինը, կետորոլակը, նապրոկսենը, նիմեսուլիդը, պիրոկսիկամը և նման դեղամիջոցները բարձր չափաբաժիններով կրկնակի ավելացնում են սրտի անբավարարության ռիսկը։ Չնայած այդ արդյունքները ստացվել են օբսերվացիոն ուսումնասիրությունների արդյունքում և այդ պատճառով չեն նշում պատճահետևանքային կապը, փորձագետները խորհուրդ են տալիս զգուշությամբ օգտագործել ցավազրկողները։
Սրտաբանության եվրոպական միությունը, օրինակ, նախազգուշացնում է, որ դիկլոֆենակի ցանկացած չափաբաժին վնասակար է օրգանիզմի համար։ Մասնագետները նաև նշում են, որ պակաս ռիսկային է իբուպրոֆենի օգտագործումը։–0–