Baby boom Քարդաշյանների ընտանիքում. 33–ամյա Քլոեն հղի է

ԵՐԵՎԱՆ, 27 սեպտեմբերի. /Նովոստի Արմենիա/. Քարդաշյան–Ջեններ ընտանիքում եռակի ավելացում է սպասվում։

Ինչպես հայտնում է hellomagazine.com–ը, հղում անելով People–ին, 33–ամյա Քլոե Քարդաշյանը երեխա է սպասում։ Այս մասին հայտնի դարձավ Քարդաշյանի կրտսեր քրոջ` Քայլի Ջենների հղիության մասին լուրի հաստատումից մի քանի օր անց։ Ի դեպ, Քիմը ևս պատրաստվում է մայրանալ, այդ մասին հայտնի էր դարձել մի քանի ամիս առաջ։


Նշվում է որ Քլոեն վաղուց էր ուզում հղիանալ, սակայն նրա երազանքը չէր կատարվում։ Նա երկար և սկանդալային հարաբերությունների մեջ էր բասկետբոլիստ Լամար Օդոմի հետ, և միայն անցյալ տարի վերջապես ավարտվեց նրանց ամուսնալուծության գործընթացը։ 2016 թ.–ի սեպտեմբերին Քլոեն իր երջանկությունը գտավ «Քլիվլենդ Քավալերս» թիմի 26–ամյա բասկետբոլիստ Թրիսթան Թոմփսոնի հետ։ Հենց նա է երեխայի հայրը։

Սա Քլոե է առաջին երեխան է, և երկրորդը Թրիսթանի համար, ով առաջին անգամ հայր է դարձել 2016 թվականի դեկտեմբերին`Քլոեի հետ հարաբերությունների ամենաթեժ ժամանակ։

«Այո, Քլոեն և Թրիսթանը փոքրիկի են սպասում, և նրանք շատ հուզված են։ Նրանք չէին շտապում հայտնել այդ մասին ամբողջ աշխարհին, նրանց հաճելի էր իմանալ, որ այդ մասին գիտեն մայն ամենամտերիմները», – պարբերականը մեջբերում է զույգին մոտ կանգնած աղբյուրի խոսքերը։

Այսպիսով, 6 թոռնիկի տատիկ Քրիս Ջենները շուտով ևս երեք ժառանգ կունենա։ Քրիսի նախաձեռնությամբ ստեղծված «Keeping Up with the Kardashians» հաղորդումն այս տարի տոնում է իր 10 ամյակը, և հիմա կարելի է վստահ ասել` show must go on։ –0–