ԵՐԵՎԱՆ, 11 նոյեմբերի. /Նովոստի-Արմենիա/. Գլոբալ հրեական առցանց կենտրոնը
գրել է աշխարհահռչակ շանսոնիե Շառլ Ազնավուրի ընտանիքի մասին, որը հրեաների է փրկել Հոլոքոստի տարիներին:
Փրկվելով Թուրքիայում Հայոց ցեղասպանությունից` Շառլ Ազնավուրի ընտանիքը խոստացել է օգնել ռեպրեսիաներից տուժածներին: Երկրոր համաշխարհային պատերազմի տարիներին նրանք Փարիզում տասնյակ հրեաներ, հայեր, լեհեր ու ռուսներ են փրկել: Իսրայելում հոկտեմբերի վերջին ստանալով Ռաուլ Վալենբերգի մեդալը` Ազնավուրը հայտարարել է. Եթե ողջ աշխարհը ճանաչեր հայոց ցեղասպանությունը, Հոլոքոստ կարող էր չլինել:
Загружается новость ...
"Право"
Չէ, նա հրեա չէ: Եվ հրեական պատմության մեջ հայտնվել է բացառապես շնորհիվ նրա, որ իր ընտանիքը Փարիզի օկուպացման ժամանակ հրեաներին թաքցրել է իր տանը: Ոչ միայն հրեաների, ի դեպ: Իրենք` Ազնավուրները, Ֆրանսիա են եկել 1922 թվականին Թալահաթ փաշայից և նրա համախոհներից երկար և դրամատիկ փախուստից հետո: Հայոց ցեղասպանություն կոչված իրադարձությունը մինչ օրս միանշանակ չի ընկալվում տարբեր երկրների քաղաքական գործիչների և քաղաքացիների կողմից: Բայց հենց իրադարձությունն է ստիպել Ազնավուրին և նրա ընտանիքին ավելի խորը հասկանալ Հոլոքոստը և իր տանը թաքցնել ռեժիմից բոլոր տուժածներին` հրեաներին և հայերին, լեհերին և ռուսներին:
Նրա մորն անվանում էին թրքուհի, թեև նա Թուրքիայում ծնված հայ էր: Նույն կերպ Ազնավուրին անվանում են ֆրանսիացի և նույնիսկ ֆրանսիական երկրի գլխավոր մշակութային խորհրդանիշներից մեկը: Հայրը նույպես հայ էր, բայց Վրաստանից, որտեղ հայերին չէին հալածում: Ցեղասպանությունը նրա ընտանիքում չէր ընկալվում որպես մի ամբողջ ազգի ողբերգությունում: Հարցազրույցներում Ազնավուրը կրկնում է, որ տանն այդ պատմությունը դիտարկվում էր որպես բացառապես իր մոր ընտանիքի ողբերգություն:
Բայց չնայած վերապրածին` մայրն ատելություն չէր սերմանում իր երեխաների մեջ Թուրքիայի նկատմամբ, հակառակը` միշտ հիանում էր թուրք կանանց գեղեցկությամբ, կենցաղն ու խոհանոցը կարգավորելու նրանց կարողությամբ:
«Ես ծնվել եմ դժոխային ուղևորության ավարտին, այնտեղ, ուր սկսվում է արտագաղթ կոչված դրախտը»,- գրել է Ազնավուրն իր ինքնակենսագրական գրքերից մեկում: -0-
