ԵՐԵՎԱՆ, 9 նոյեմբերի. /Նովոստի–Արմենիա/. Ամերիկահայ կինոաստղ Քիմ Քարդաշյանը և նրա ամուսինը` ռեփեր Քանյե Ուեսթը, մտադիր են երեխա որդեգրել Հայաստանում և արդեն անուն են ընտրել նրա համար, գրում է
Mirror–ը։
Պարբերականը նշում է, որ նախկինում Քիմի համար շոկային էր ամուսնու` յոթ երեխա ունենալու ցանկությունը, սակայն նա պատրաստ է երեխա որդեգրել Հայաստանից` իր հայր Ռոբերտ Քարդաշյանի պատմական հայրենիքից։
Քարդաշյան–Ուեսթ ընտանիքն արդեն երեք երեխա ունի` հնգամյա Նորթը, 10–ամսյա Չիկագոն և երեք տարեկան Սեինթը։
Загружается новость ...
"Право"
Երկուսին Քիմն է ծննդաբերել, իսկ կրտսեր դուստրը ծնվել է փոխնակ մոր շնորհիվ, նրանից հետո, երբ բժիշկներն արգելել են Քարդաշյանին երեխա ունենալ բժշկական ցուցումներով։
«Երեք տարի առաջ Հայաստան կատարած այցի ժամանակ Քիմն ու Քանյեն այցելել են տեղի մանկատներից մեկը և ծրագրում են կրկին այնտեղ մեկնել առաջիկա մի քանի շաբաթվա ընթացքում»,– հայտնում է թերթը։
Ամուսիններն արդեն անուն են ընտրել իրենց չորրորդ երեխայի համար։ «Նրանք ուզում են նրան Սեմ անվանել Քիմի նախապապի` Սաղաթել Քարդաշովի պատվին, ով Սեմ է դարձել ԱՄՆ տեղափոխվելուց հետո»,– ավելացրել է աղբյուրը։ -0-