ԵՐԵՎԱՆ, 10 հուլիսի. /Նովոստի-Արմենիա/. Բրիտանական բյուջետային Jet2.com ավիաընկերության ինքնաթիռն արտակարգ վայրէջք է կատարել Պորտուգալիայում ամուսինների ծեծկռտուքի պատճառով: Այս մասին գրել է
Lenta.ru-ն , հղում անելով Daily Star–ին։
Միջադեպը տեղի է ունեցել հինգշաբթի`հուլիսի 6-ին, Լոնդոնից իսպանական Գրան Կանարիա կղզիներ թռիչքի ընթացքում: Պոլինա Գորդոնն ու Ռոնալդ Վիլլը սկսել են վիճել` միմյանց հասցեին անպարկեշտ հայհոյանքներ բղավել: Ապա վեճը վերածվել է ծեծկռտուքի:
Արդյունքում, ուղեկցորդները ստիպված են եղել ուժ գործադրել` կռվարարներին հանգստացնելու համար: Նրանց օգնության է եկել ինքնաթիռում գտնվող ոստիկանը, ով այդ պահին ծառայության մեջ չէր, բայց նախկինում աշխատել է իրավապահ մարմիններում:
Ինքնաթիռը ստիպված է եղել վայրէջք կատարել Պորտուգալիայի Ֆարու օդանավակայանում, որտեղ ամուսիններին հանձնել են իրավապահ մարմիններին: Դրանից հետո ինքնաթիռը թռել է Իսպանիա: Արտակարգ իրավիճակի պատճառով չվերթը հետաձգվել է մոտ 1.5 ժամ:
Загружается новость ...
"Право"
Jet2.com-ը Գորդոնին և Վիլեին ուղևորների սև ցուցակ են մտցրել` այդ լոուքոսթերի չվերթերից օգտվելու ցմահ արգելքով: Բացի այդ, ավիաընկերությունը մտադիր է դատարանով փոխհատուցում պահանջել զույգից` նրանց պատճառով կրած կորուստների համար:
Այս տարվա ապրիլին հաղորդվել էր, որ Չինաստանում ներքին չվերթը կես ժամով հետաձգվել էր`երկրի հարավում գտնվող օդանավակայանում ամուսինների կռվի պատճառով: -0-