483.66
-1.12
567.24
-4.56
8.15
-0.04
+9
Եղանակը Երևանում
Հայ
Ավարտվել է Քաջարանում «հեպատիտ C»-ով վարակվելու դեպքով նախաքննությունը
18:07
19 Նոյեմբերի 2015
ԵՐԵՎԱՆ, 19 նոյեմբերի. /Նովոստի–Արմենիա/. ՀՀ քննչական կոմիտեի ՀԿԳ քննության գլխավոր վարչությունում ավարտվել է Քաջարանի բժշկական կենտրոնում բուժվող հիվանդների՝ «հեպատիտ C»-ով վարակվելու դեպքի առթիվ հարուցված քրեական գործի նախաքննությունը, հայտնում է ՀՀ քննչական կոմիտեի կայքը:

«Քննությամբ պարզվել են վարակի տարածման եղանակը, առերևույթ հանցագործություն կատարած անձանց շրջանակը և, ձեռք բերված ապացույցների հիման վրա, 5 անձի մեղադրանք է առաջադրվել»,-ասված է հաղորդագրությունում։

2015 թվականի հունվարին տեղեկություն էր ստացվել, որ «Քաջարանի բժշկական կենտրոն» բուժօգնության դիմած մի քանի քաղաքացիների մոտ նշված կենտրոնում բժշկական միջամտության, վիրահատության ենթարկվելուց հետո ախտորոշվել է «հեպատիտ c» հիվանդություն:

Դեպքի առթիվ հարուցվել է քրեական գործ, որի շրջանակներում իրականացվել են տարբեր քննչական գործողություններ, նշանակվել են շուրջ 5 տասնյակ փորձաքննություններ՝ քրեական գործի համար էական նշանակություն ունեցող հանգամանքների պարզաբանման համար:

Համապատասխան հետազոտություններ է անցել 2014 թվականի ընթացքում Քաջարանի բժշկական կենտրոնում վիրահատված շուրջ 200 քաղաքացի։ Կատարված քննությամբ հիմնավորվել է, որ 14 քաղաքացի «հեպատիտ C»-ով վարակվել է նշված բժշկական  կենտրոնում համապատասխան բժշկական օգնություն ստանալուց հետո, և որոշում է կայացվել` նրանց տուժող ճանաչելու մասին։

«Նախնական քննությամբ պարզվել է, որ Քաջարանի բժշկական կենտրոնում 2014 թվականի ընթացքում ընդհանուր անզգայացմամբ իրականացված վիրահատությունների ժամանակ միանգամյա օգտագործման համար նախատեսված ներշնչափողային խողովակները, արտածծիչ սարքի խողովակը և ծայրադիրներն օգտագործվել են բազմակի, նշված բժշկական գործիքները և ընդհանուր անզգայացման ժամանակ օգտագործված «լարինգոսկոպն» ախտահանվել են ՀՀ առողջապահության նախարարի մի շարք հրամանների պահանջների խախտումներով: Արձանագրվել են նաև սանիտարահամաճարակային ոլորտի այլ խախտումներ, որի արդյունքում 2014 թվականի ընթացքում բժշկական կենտրոնում վիրահատված 14 քաղաքացի հիվանդացել է «հեպատիտ C» հիվանդությամբ»-հաղորդում է կայքը:

Քրեական գործով իրականացված մեծածավալ քննչական և դատավարական գործողությունների արդյունքում պարզվել է սանիտարահամաճարակային կանոնների պահպանման համար պատասխանատու, առերևույթ հանցագործություն կատարած անձանց շրջանակը:

Քննությամբ ձեռք բերված բավարար ապացույցների հիման վրա՝ «Քաջարանի բժշկական կենտրոն» փակ բաժնետիրական ընկերության նախկին տնօրեն Վարդան Ավագյանին, տնօրենի տեղակալ Վիրաբ Մանասյանին, գլխավոր բուժքույր Արմեդա Վանեսյանին, ավագ բուժքույր Նորա Կարապետյանին, բժիշկ-անեսթեզիոլոգ Երվանդ Ավագյանին մեղադրանք է առաջադրվել՝ ՀՀ քրեական օրենսգրքի 277-րդ հոդված 2-րդ մասով, այն է` սանիտարահակահամաճարակային կանոնները խախտելը, որն անզգուշությամբ առաջացրել է մարդկանց զանգվածային հիվանդացում` նրանց առողջությանը պատճառելով ծանր վնաս։

Քրեական գործը՝ մեղադրական եզրակացությամբ, ուղարկվել է նախաքննության օրինականության նկատմամբ հսկողություն իրականացնող դատախազին:-0-

Loading...
Թեմատիկ նյութեր
Բաժնի այլ նյութեր
10:15
21 Նոյեմբերի 2017
Հրապարակվել է տիեզերքից արված Սևանա լճի բացառիկ լուսանկարը (ՖՈՏՈ)
Տիեզերքից արված Սևանա լճի բացառիկ լուսանկար է հրապարակվել։
13:15
20 Նոյեմբերի 2017
Ֆրանսիայի նախկին արտգործնախարար Քուշները կընտրի «Ավրորա» մրցանակի հավակնորդներին և դափնեկրին
«Բժիշկներ առանց սահմանների» կազմակերպության համահիմնադիրը միանում է «Ավրորա» մրցանակի Ընտրող հանձնաժողովին։
21:00
19 Նոյեմբերի 2017
Dolce & Gabbana–ն կսկսի մակարոն վաճառել
Իտալական Dolce & Gabbana նորաձևության տունը պաստա արտադրող Pastificio Di Martino ընկերության հետ համատեղ կթողարկի պաստայի կապսուլային հավաքածու։
17:58
19 Նոյեմբերի 2017
Chevrolet–ը ներկայացրել է հզորագույն Corvette–ը (ՖՈՏՈ)
Chevrolet ընկերությունը ներկայացրել է Corvette–ի ամենահզոր մոդիֆիկացիան։
16:41
19 Նոյեմբերի 2017
Օգտակար է արդյո՞ք նախաճաշից հրաժարվելը
Մեծ Բրիտանիայի, Լոբորոյի և Բեդֆորդշիրի երկու համալսարանների գիտնականները հետազոտություն են անցկացրել նախաճաշի օգտակարության վերաբերյալ:
13:52
19 Նոյեմբերի 2017
«Միսս աշխարհ 2017»-ի ժյուրին հայտարարել է մոլորակի ամենագեղեցիկ աղջկա անունը (ՖՈՏՈ)
Հայտնի է դարձել, թե ով է արժանացել «Միսս աշխարհ 2017» մրցույթի հաղթողի կոչմանը:
11:00
19 Նոյեմբերի 2017
Դիանա Շալժիյանը կատարել է Մակարևիչի հայտնի երգը «Ձայնը» ռուսական շոուի ժամանակ (ՎԻԴԵՈ)
Դիանա Շալժիյանը ՌԴ Առաջին ալիքով հեռարձակվող «Ձայնը» շոուի «Նոկաուտ» փուլում կատարել է Անդրեյ Մակարևիչի հայտնի երգը։
21:05
18 Նոյեմբերի 2017
Պարզվել է, որ գիշերը ստացած վնասվածքը երկու անգամ ավելի դանդաղ է լավանում, քան ցերեկվանը
Պարզվել է, որ գիշերային ժամերին ստացած վերքերը երկու անգամ ավելի դանդաղ են լավանում, քան ցերեկվա ժամերի վերքերը։
15:49
18 Նոյեմբերի 2017
Երիտասարդանալու ժամանակն է. պիլինգ տան պայմաններում
WomanHit.ru–ն տեղեկացել է կոսմետելոգից, թե ինչպես ինքնուրույն անցկացնել մաշկի թարմացման ամենաարդյունավետ պրոցեդուրդներից մեկը:
14:11
18 Նոյեմբերի 2017
Անհավանական դիետա. - 4,5կգ 5 օրում
Ներկայացնում ենք ամենաարդյունավետ դիետաներից մեկը վերջին մի քանի տարում։
12:59
18 Նոյեմբերի 2017
Ռուսաստանում նախագահի թափուր աշխատատեղ է հայտնվել
Ռուսական Superjob թափուր աշխատատեղերի կայքը հայտարարություն է տեղադրել երկրի նախագահի թափուր աշխատատեղի առկայության մասին։
20:56
17 Նոյեմբերի 2017
ԱՄՆ–ն սկսել է հաճախ մերժել հայերին վիզայի տրամադրման հարցում. Պետդեպի զեկույց
ԱՄՆ–ն մերժում է հայերի ավելի քան 50%–ին։