484.04
+0.53
523.1
+1.64
8.44
+0.03
+1
Եղանակը Երևանում
Հայ
ԱՄՆ դեսպանատունը $ 132.000 արժողությամբ սարքավորումներ է նվիրաբերել ՀՀ քննչական կոմիտեին
10:32
21 Հոկտեմբերի 2015
ԵՐԵՎԱՆ, 21 հոկտեմբերի. /Նովոստի-Արմենիա/.ԱՄՆ դեսպանատունը $ 132.000 արժողությամբ սարքավորումներ է նվիրաբերել ՀՀ քննչական կոմիտեին, հաղորդում են գերատեսչության մամուլի ծառայությունից:

Հայաստանում ԱՄՆ դեսպան Ռիչարդ Միլսը նախօրեին հանդիպել է ՀՀ ՔԿ նախագահ Աղվան Հովսեփյանին և նվիրաբերել մոտ 132.000 ԱՄՆ դոլար արժողությամբ սարքավորումներ և համակարգչային ծրագիր:

Այս նվիրաբերությունը, որը ներառում է 72 սկաներ, 4 համակարգիչ, 4 CISCO ցանցային սարք, և Acrobat Adobe Pro ծրագրի լիցենզիաներ, կօգնի ստեղծել քրեական գործերի վարման նոր համակարգ Հայաստանում՝ թույլ տալով թվայնացնել քրեական գործերը նպաստել քննչական գործողությունների արդյունավետությանը և բարելավել փաստաթղթաշրջանառությունը տարբեր ստորաբաժանումների միջև: Բացի այդ, նվիրաբերված սարքավորումները թույլ կտան բարելավել կապը ոստիկանության տվյալների բազաների հետ:

Աջակցելով քրեական գործերի թվայնացմանը՝ ԱՄՆ դեսպանությունը սատարում է Քննչական կոմիտեին քննությունների թափանցիկության ու հաշվետվողականության ամրապնդման հարցում՝ արհեստավարժության և անկախության մեծացման միջոցով:

«Դեռևս 2015թ. փետրվար-մարտ ամիսներից քրեական գործերի թվայնացումը՝ որպես փորձարարական ծրագիր, ներդրվել է քննչական կոմիտեի երկու ստորաբաժանումներում՝ Արաբկիր, Աջափնյակ և Դավթաշեն վարչական շրջանների քննչական բաժիններում: Թվայնացվել է 458 քրեական գործ, դատավարության մասնակիցներին քրեական գործերի նյութերը տրամադրվել են լազերային սկավառակով, որոնց ընդհանուր քանակը կազմել է 35.108 թերթ, ինչը նաև զգալի ֆինանսական խնայողություն է՝ տարեկան շուրջ 60-70 մլն դրամի չափով։

Բացի ֆինանսական կողմից, քրեական գործերի թվայնացումը նախաքննության ընթացքում հնարավորություն կտա արդյունավետ օգտագործել մարդկային, ժամանակային և այլ ռեսուրսները, լրջորեն կկրճատի կոռուպցիոն ռիսկերը»,- նշել է ՀՀ ՔԿ նախագահը՝ ավելացնելով, որ «դեսպանատան աջակցությամբ, կոմիտեի մինչդատական վարույթ իրականացնող բոլոր մարմիններում և ստորաբաժանումներում արդեն 2016 թվականից նախատեսվում է ներդնել քրեական գործերի թվայնացման ծրագիրը, և մոտ ապագայում կունենանք Կոմիտեի կենտրոնական մարմինը տարածքային մարմինների ու ստորաբաժանումների հետ կապող ներքին ցանց»:

«Գործերի թվայնացմամբ ձևավորվում է կայուն գործավարություն, դա օգնում է իրավապահներին ապահովել տվյալների ճշգրտությունը, թույլ է տալիս, որ գործերը հեշտությամբ հասանելի լինեն դատախազների ու փաստաբանների համար, - ասել է դեսպան Միլսը, - կարճ ասած, գործերի թվայնացմամբ Քննչական կոմիտեն ձևավորում է առավել թափանցիկ համակարգ և մեծացնում է հանրային վստահությունը իրավապահ համակարգի հանդեպ: Ես ողջունում են հաշվետվողականության մեծացման ու կոռուպցիայի դեմ պայքարելու նպատակով իրավապահ համակարգի արդիականացմանն ուղղված Քննչական կոմիտեի նախաձեռնությունը»:

Այս նվիրատվությունը մաս է կազմում ԱՄՆ կառավարության կողմից իրավապահ մարմիններին ցուցաբերվող աջակցության ծրագրի, որն ուղղված է Հայաստանի իրավապահ կառույցների ու պաշտոնյաների կարողությունների հզորացման և առավել արդարացի ու թափանցիկ քրեական արդարադատության համակարգի կայացմանը:

ՀՀ քննչական կոմիտեի համար իրականացված օժանդակության այլ ծրագրերից նշենք վերջերս կայացած ճանաչողական այցը դեպի ԱՄՆ, որի շրջանակում մի խումբ քննիչներ ծանոթացան իրավապահ մարմինների կողմից իրականացվող ընտանեկան բռնության գործերի քննության հարցերին: Բացի այդ, Դեսպանության աջակցությամբ իրականացվում է անգլերենի ուսուցման դասընթացը, որին մասնակցում է մոտ 50 քննիչ:

ԱՄՆ կառավարությունը Հայաստանում իրավապահ մարմիններին և արդարադատության համակարգին աջակցելու նպատակով տարեկան տրամադրում է մոտավորապես 1,5 միլիոն ԱՄՆ դոլար:

«Միացյալ Նահանգներն աշխատում է հայ գործընկերների հետ անվտանգ, բարեկեցիկ ու ժողովրդավար պետություն կերտելու հարցում: Վստահ եմ՝ բոլորդ կհամաձայնեք, որ սա հնարավոր չի լինի առանց ամուր արդարադատության համակարգի, որն ապահովում է իրավունքի գերակայությունը և արդարադատության թափանցիկ հասանելիությունը բոլոր քաղաքացիների համար, - ասել է դեսպան Միլսը, - Միացյալ Նահանգները կշարունակի գործակցել ՀՀ կառավարության հետ ձևավորելու արդարադատության ամուր, թափանցիկ և հաշվետու համակարգ»:

ԱՄՆ դեսպանատան կողմից ՀՀ քննչական կոմիտեին ցուցաբերած աջակցության համար ՀՀ քննչական կոմիտեի նախագահի հրամանով դեսպան Միլսը պարգևատրվել է «Համագործակցության մեդալ»-ով, իսկ դեսպանատան աշխատակիցները՝ հուշանվերներով:-0-

Loading...
Թեմատիկ նյութեր

Բաժնի այլ նյութեր
15:08
23 Մարտի 2017
Հենրիխ Մխիթարյան. երբեք ոչնչից մի ընկճվեք, լավատես եղեք և պայքարեք ձեր նպատակների համար
Մխիթարյանը հանդիպել է Մանկական արյունաբանական կլինիկական բաժանմունքի՝ լեյկոզով, լիմֆոգրանուլեմատոզով, լիմֆոմայով և այլ հիվանդություններով տառապող բոլոր երեխաների հետ։
13:25
23 Մարտի 2017
Սուրենյան. գարունը բուռն կերպով վերադառնում է Հայաստան
Ջերմաստիճանը կբարձրանա 5-6 աստիճանով։
19:52
22 Մարտի 2017
Լապշինի կինը հայտնել է, որ Լապշինի առողջական վիճակը վատացել է
Բլոգեր Ալեքսանդր Լապշինի առողջական վիճակը լուրջ մտահոգության տեղիք է տալիս։
10:30
22 Մարտի 2017
Օդերևութաբանները կանխատեսում են Հայաստանում տեղումների դադարում և եղանակի տաքացում
Հայաստանում մարտի 24-25 սպասվում է առանց տեղումների եղանակ:
15:17
21 Մարտի 2017
Անտոնիո Բանդերասը կրկին հոսպիտալացվել է
Հունվարի վերջին Անտոնիո Բանդերասը շտապ տեղափոխվել էր հիվանդանոց սրտի սուր ցավերի պատճառով։
14:32
21 Մարտի 2017
Հայաստանում ավելի քան 600 մարդ է հոսպիտալացվել գրիպով և ՍՇՎ–ով. ԱՆ
Մարտի 20–ի դրությամբ Հայաստանում հոսպիտալացվել է շուրջ 630 մարդ գրիպի և ՍՇՎ–ի ախտանիշներով։
11:09
21 Մարտի 2017
Երեք հայ գործարար ներառվել է աշխարհի ամենահարուստ մարդկանց ցուցակում` ըստ Forbes–ի
Forbes հեղինակավոր ամսագիրը երկուշաբթի հրապարակել է դոլարային միլիարդատերերի ամենամյա համաշխարհային վարկանիշը։
20:05
20 Մարտի 2017
Հանրապետության մի շարք ճանապարհներին ձյուն է տեղում. փակ է Բերդ-Ճամբարակ ճանապարհը
Բքի պատճառով փակ է Բերդ-Ճամբարակ ճանապարհը:
18:58
20 Մարտի 2017
Հայաստանի տարածքին ցուրտ ճակատ է մոտենում. հնարավոր է ձյուն տեղա նաև Երևանում. Սուրենյան
Հանրապետության տարածքով անցնելու է հյուսիս-արևմտյան ցուրտ ճակատ, ինչի հետևանքով ջերմաստիճանը կնվազի։
18:34
20 Մարտի 2017
«Արենա Շապիտո» միջազգային կրկեսը կուրախացնի երևանցիներին իր ներկայացումներով
Մայրաքաղաքում հյուրընկալվել է «Արենա Շապիտո» միջազգային կրկեսը:
13:35
20 Մարտի 2017
Աստղային դիետա կամ ինչպես է Քիմ Քարդաշյանը նիհարել գրեթե 20 կգ-ով
Այս դիետայով Քիմ Քարդաշյանը 3 ամսում նիհարել է 19 կգ-ով:
11:37
20 Մարտի 2017
Բերդ-Ճամբարակ ավտոճանապարհի հատվածը փակ է
Ժամը 11:00-ի դրությամբ Հայաստանում կան փակ և դժվարանցանելի ավտոճանապարհներ: