ԵՐԵՎԱՆ, 6 օգոստոսի./Նովոստի–Արմենիա/. Սև ծովի վրացական ափին տեղումները դադարել են և այժմ արևոտ եղանակ է։
Ինչպես նշվում է Վրաստանում ՀՀ դեսպանության Facebook–յան էջում, Աջարիայի (Բաթումի, Քոբուլեթի, Չաքվի, Գոնիո, Կվարիաթի, Սարփի) հատվածում փոթորկի վտանգ այլևս չկա և ծովում լողալու արգելքը հանվել է։
«Գուրիայի (Ուռեկի, Շեքվեթիլի) և Սամեգրելո-Վերին Սվանեթի (Անակլիա) տարածաշրջանների առափնյա հատվածներում դեռևս պահպանվում է փոթորկի վտանգը», – նշեն են դիվանագիտական առաքելությունից։
Հիշեցնենք, որ նախօրեին Սև ծովի առափնյա հատվածում գրանցվել էր 3-4 բալ ուժգնությամբ փոթորիկ, արգելվում էր ծով մտնել։–0–