ԵՐԵՎԱՆ, 4 մայիսի./Նովոստի–Արմենիա/. «Ձայնը. երեխաներ» նախագծի գլխավոր խմբագիրը հոսպիտալացվել է սրտի կաթվածով։ Շոուի շուրջ առաջացել էր սկանդալ Ալսուի դստեր հաղթանակից հետո։
Загружается новость ... "Лево"
Ինչպես հաղորդում է
Московский комсомолец–ը` հղում անելով Starhit–ին, Ալեքսանդր Պոդյապոլսկին գտնվում է ծանր վիճակում Մոսկվայի հիվանդանոցներից մեկում։
Բլոգում նրա կինը հաստատել է հոսպիտալացման մասին տեղեկատվությունը` շնորհակալություն հայտնելով բժիշկներին և գործընկերներին օպերատիվ օգնության համար։
«Դուք փրկեցիք իմ ամուսնուն», – գրել է Ալյոնա Բորոդինան։
Загружается новость ...
"Право"
Նրա խոսքով, հիմա նրա ամուսինը գտնվում է բժիշկների մշտական հսկողության տակ, ընդ որում «հազար տարվա մեջ առաջին անգամ առանց բջջային հեռախոսների, որոնք նա երբեք չէր անջատում»։
Կինը կոչ է արել բոլոր տղամարդկանց ավելի ուշադիր լինել սեփական առողջության նկատմամբ և չվատնել բոլոր ուժերն աշխատանքի վրա։ «Սթրեսն անհետ չի անցնում»։
Նախագծի շուրջ սկանդալն առաջացել է երգչուհի Ալսուի դստեր` Միկելլա Աբրամովայի հաղթանակից հետո։ Հանդիսատեսի մեծ մասն ու շոուբիզնեսի փորձագետները կարծում են, որ Միկելլայի ելույթն ավելի թույլ էր, քան մյուս երեխաներինը, նրանք կասկածում են, որ Միկելլայի հաղթանակն արդար չի եղել։ Այժմ մասնագետները ստուգում են քվեարկությունը։
Ալսուն դեռ չի մեկնաբանել դստեր հաղթանակի շուրջ ստեղծված իրավիճակը։ Հարազատները ևս չեն շտապում շփվել մամուլի հետ։ Ալսուն, կարծես, պետք է դառնար «Եվրատեսիլ 2019» շոուի ռուսական հեռարձակման հաղորդավարը, սակայն օրերս հայտնի դարձավ, որ մրցույթի արդյունքները կհայտարարի պատանի դաշնակահար Իվան Բեսոնովը։–0–