ԵՐԵՎԱՆ, 1 դեկտեմբերի. /Նովոստի–Արմենիա/. Փարիզում 19–ամյա ուսանողուհին քիչ էր մնում մահանար մազի ներկից առաջացած ալերգիկ ռեակցիայի պատճառով, գրում է life.ru–ն` հղում անելով The Local–ին։
Նա մազի ներկը գնել է սուպերմարկետում։ Մազի ներկի տուփի ներդիրում արտադրողները խորհուրդ են տվել մի փոքր փորձել ու համոզվել, որ ալերգիկ ռեակցիաներ չեն առաջանում։ Օրգանիզմի ռեակցիան ստուգելու համար աղջիկը մի փոքր փորձել է, սակայն չի սպասել 48 ժամ, և արդեն կես ժամ անց մազի ներկը քսել է մազերին։
Загружается новость ... "Лево"
Սկզբում աղջկա մոտ սկսել է քոր գալ և այտուցվել գլուխը։ Գիշերվա ընթացքում գլխի շրջագիծն ավելացել է ավելի քան 5 սմ–ով։ Աղջկան տեղափոխել են հիվանդանոց, սակայն այնտեղ նրան դեղ են տվել ու տուն ուղարկել։ Երկրորդ գիշերվա ընթացքում աղջիկը սկսել է շնչահեղձ լինել, այտուցվել է նաև լեզուն։ Նրան տեղափոխել են մեկ այլ հիվանդանոց, ներարկել ադրենալին։ Արդյունքում, նրան հաջողվել է բուժվել։–0–