ԵՐԵՎԱՆ, 17 դեկտեմբերի. /Նովոստի–Արմենիա/. Ամանորյա վառ կերպարը տոնական տրամադրության երաշխիքն է։ Գեղեցիկ սեռի բազմաթիվ ներկայացուցիչներ շատ են կարևորում զգեստի, սանրվածքի ու դիմահարդարման ընտրությունը Ամանորյա գիշերը։
«Նովոստի–Արմենիա» գործակալությունն իր ընթերցողների համար պատրաստել է մի փոքրիկ «հուշաթերթիկ», որը կօգնի ընտրել անհրաժեշտ կերպարը Դեղին հողե շան տարին դիմավորելու համար։
Ամանորյա զգեստ
Ընտրեք այնպիսի զգեստ, որը կլինի միաժամանակ գեղեցիկ ու հարմարավետ, ցանկալի է թեթև կտորներից։ Ընտրեք դեղին երանգի զգեստ, օրինակ` ծիրանագույն, բրոնզագույն և այլն։
Կորսետով, երկար ու էքստրավագանտ կերպարներն ավելի լավ է մոռանալ։ Սակայն դա չի նշանակում, որ դուք պետք է ընտրենք չափազանց հասարակ զգեստ։
Ամենևին նշանակություն չունի, թե ինչով կդիմավորեք Ամանորը` զգեստով, կոստյումով, բլուզով ու տաբատով կամ կիսաշրջազգեստով։ Դեղին հողե շունը կընդունի ցանկացած կերպար, եթե այն իրեն հոգեհարազատ լինի։
Դիմահարդարում
Տարածված smoky-eyes–ը` շագանակագույն կամ սև, շոկոլադե կամ բրոնզագույն, ամենապարզ, միաժամանակ միշտ արդիական տարբերակն է Ամանորին յուրօրինակ ու խորհրդավոր տեսք ունենալու համար։ Նման դիմահարդարումը շարունակում է լինել ամենատրենդային տարբերակը տոնական առիթի համար։
Դուք կարող եք հանգիստ փորձարկումներ կատարել smoky-eyes–ի գույների հետ` օգտագործելով օրինակ մանուշակագույն–կապույտ, ոսկե կամ նուրբ դեղին երանգներ։
Չենք մոռանում նաև սլաքների մասին, որոնք սազում են աչքերի ձևին, սակայն դրանք պետք է լինեն ավելի տոնական։ Կարմիր շրթներքը կօգնի ավարտել տոնական կերպարը։ Ամանորյա երեկույթի համար ակտուալ են կարմիրի ցանկացած երանգները, սակայն ոճաբաններն ու դիմահարդարներն ավելի շատ նախընտրում են գունատ մաշկի ու կարմիր շրթներքի համադրությունը։
Դուք կարող եք օգտագործել նաև մետաղագույն ստվերանկեր և փայլեր դեմքի համար, դրանք այսօր շատ ակտուալ են և սազում են ինչպես բաց, այնպես էլ թուխ մաշկ ունեցող աղջիկներին։
Սանրվածք
Ամանորյա գիշերը շքեղ տեսք ունենալու համար բավարար չէ պարզապես լվանալ և հարդարել մարզերը։ Տոնական օրերին հատկապես ակտուալ է ծավալ ունեցող սանրվածքը` մի փոքր թափթփված։ Մինիմալիստական ոճի սիրահարների համար նորաձև է ցածր պոչը, միաժամանակ նման սանրվածքը պետք է լինի կատարյալ հարթ։
Եթե ցանկանում ենք ունենալ ավելի «հանգիստ» սանրվածք, ապա կարելի է նախապատվությունը տալ հերակալներին (невидимка), եզրակներին (ободок) և այլ աքսեսուարների։ Գալիք տարում ոճային են տարատեսակ հերակալները, շղթաները, սանրերը։ Մազերը կարելի է մի փոքր գզել և լաք փչել։ Նոր տարվա ունիվերսալ գույներն են բրոնզագույնն ու ոսկեգույնը։–0–
