ԵՐԵՎԱՆ, 6 օգոստոսի. /Նովոստի–Արմենիա/. Միչիգանի համալսարանի գիտնականները նոր տվյալներ են ստացել, որոնք վկայում են, որ ջրի ոչ բավարար օգտագործումը կարող է նպաստել ավելորդ քաշին։
Դա կարող է դրական փաստարկ լինել այն կարծիքի համար, որ խմելու ջուրը կարող է օգնել ճարպակալման դեմ պայքարում, հաղորդում է Lenta.ru–ն։
Հետազոտության հեղինակները ուսումնասիրել են 9528 մարդկանց տվյալներ, որոնք մասնակցել են Nutrition Examination Survey հետազոտությանը։
Պարզվել է, որ մարմի զանգվածի բարձր ցուցիչը կապված է օրգանիզմի ոչ բավարար հիդրատացիայի հետ։ Միաժամանակ, 18–64 տարեկան մարդկանց մոտավորապես մեկ երրորդը օգտագործել են քիչ քանակությամբ ջուր։
Գիտնականները խորհուրդ են տալիս օգտագործել մեծ քանակութամբ միրգ, բանջարեղեն և ջուր պարունակող այլ սնունդ` օրգանիզմի բավարար հիդրատացիան ապահովելու համար։ Սակայն նրանք ընդգծում են, որ անհրաժեշտ են լրացուցիչ ուսումնասիրություններ օրգանիզմում ջրի պակասի և ավելորդ քաշի միջև փոխկապակցվածությունը պարզելու համար։
1945 թ.–ին Սննդի հարցերով ազգային հետազոտական խորհուրդը հրապարակել է զեկույց, որում նշված է, որ առողջությունը պահպանելու համար հարկավոր է օրական խմել 8–10 բաժակ ջուր։ Զեկույցում նաև նշվում է, որ այդ ծավալի մեծ մասը կա սննդի մեջ։ Այդուհանդերձ, դա հիմք դարձավ մտածելու, թե անհրաժեշտ է օրական խմել լրացուցիչ քանակությամբ ջուր։ Սակայն գիտնականները պնդում են, որ իրականում չկան ստույգ գիտական տվյալներ նման արդյունքի մասին։–0–
