485.25
-0.08
569.44
-2.72
8.18
-0.02
-2
Եղանակը Երևանում
Հայ
Առողջ մաշկ ունենալու համար 9 ամենաօգտակար մթերքը
11:55
09 Նոյեմբերի 2015

ԵՐԵՎԱՆ, 9 նոյեմբերի./Նովոստի–Արմենիա/. Մեր առողջությունը հիմնականում կախված է նրանից, թե ինչ ենք ուտում, իսկ դիետան ազդում է մեր մաշկի վիճակի վրա։ Մթերքի բազմաթիվ տեսակներ պարունակում են բնական բաղադրիչներ, որոնք օգնում են պահպանել մաշկի երիտասարդ տեսքը, գեղեցկությունն ու օրգանիզմի իմունիտետը։ Teleprogramma.pro կայքը ներկայացնում է 9 մթերք, որոնք կօգնեն ձեզ առողջ մաշկ ունենալու հարցում։

1. Կտավատի սերմեր

семена льна

Կտավատի սերմերը հարուստ են օմեգա–3 թթուներով, որոնք կարևոր դեր են խաղում կնճիռների և տարիքային պիգմենտացիայի կանխման գործում։ Որոշ ուսումնասիրություններ նաև ցույց են տալիս, որ կտավատի սերմերի ամենօրյա օգտագործումն օգնում է նվազեցնել մաշկի կարմրությունն ու գրգռվածությունը` հաղորդելով մաշկին թարմ տեսք։ Կտավատի սերմերը կարելի է ավելացնել թխվածքի, վարսակաձավարով շիլայի կամ սմուզիի մեջ։

2. Կապույտ և մանուշակագույն միրգ ու հատապտուղ

слива

Կապույտ հապալասը, մոշը, սալորը, մուգ գույնի խաղողը պարունակում են մեծ թվով հակաօքսիդանտներ, որոնք չեզոքացնում են ազատ ռադիկալների բացասական ներգործությունը մաշկի վրա, որն ավելանում է սխալ սննդակարգի կամ անբարենպաստ էկոլոգիական պայմանների պատճառով։ Մանուշակագույն և կապույտ մրգերի ու հատապտուղների շնորհիվ մաշկը երիտասարդ տեսք է ստանում։

3. Արևածաղկի սերմեր

семена подсолнечника

Ամենասովորական արևածաղիկը հարուստ է վիտամին Е–ով, որն օգնում է պաշտպանել մաշկը ուլտրամանուշակագույն ճառագայթներից։ Բացի այդ, արևածաղկի սերմերն օգնում են նվազեցնել զարկերակային բարձր ճնշումը։ Դրանք կարելի է ավելացնել վարսակաձավարով կամ ուրիշ շիլաների, ապուրների, աղցանների և թխվածքի մեջ` դրանք ավելի սննդարար դարձնելու համար։ Կարևոր է չմոռանալ, որ արևածաղկի սերմերը բարձր կալորիականություն ունեն։ Անհրաժեշտ է ուշադիր լինել նաև աղի հարցում, որի ավելցուկը բոլոր առավելությունները զրոյի է հավասարեցնում։

4.  Շոկոլադ

шоколад

Լավ նորություն քաղցրակերների համար. շոկոլադն օգտակար է մաշկի առողջության համար: Իհարկե, կարևոր է չչարաշահել։ Դառը, մուգ շոկոլադը պարունակում է ֆլավոնոիդներ, որոնք նպաստում են անոթների պատերի ամրությանը և ունեն հակաօքսիդանտային հատկություն։

5.  Լոլիկ

помидоры

Լոլիկը հարուստ է լիկոպինով, որը կարևոր հակաօքսիդանտ է։ Այն կանխում է մաշկի հիպերպիգմենտացիան և օգնում է մաշկին լինել առողջ և ձիգ։ Կարևոր է նաև այն փաստը, որ, ի տարբերություն բնական ծագում ունեցող արժեքավոր նյութերի մեծամասնության, լիկոպինը ջերմային մշակման ընթացքում ոչ միայն չի կորցնում իր օգտակար հատկությունները, այլ նաև ավելացնում է  դրանք։ Այնպես որ, պատրաստեք հաճույքով։

6.  Կարմիր բուլղարական պղպեղ

болгарский перец

Միջին չափի մեկ կարմիր պղպեղը С վիտամինի օրական չափաբաժին է պարունակում (և անգամ փոքր–ինչ ավել)։ Այն պարունակում է նաև վիտամին В6, սննդային մանրաթելեր և կարոտինոիդներ։ Այս բոլոր նյութերն օգնում են ազատվել կնճիռներից և ավելացնում են արյան հոսքը դեպի մաշկ, ինչի արդյունքում այն թարմ և երիտասարդ տեսք է ստանում։ Կարմիր պղպեղն օգնում է նաև կանխել ակնեները։ Իր ցածր կալորիականության շնորհիվ այս բանջարեղենը դիետիկ սննդակարգի անգին բաղադրիչ է։

7. Յոգուրտ

йогурт

Զուր չէ, որ առողջ սննդակարգի հետևորդները մեծապես կարևորում են յոգուրտի օգտագործումը։ Յոգուրտը պարունակում է սպիտակուցներ, որոնք օգտակար են մաշկի առաձգականության համար, դրանք օգնում են նաև կանխել կնճիռների առաջացումը։ Իհարկե, խոսքը բնական, սպիտակ յոգուրտի, այլ ոչ թե մրգային խառնուրդի մասին է, որը պարունակում է արհեստական գունանյութեր, բույր հաղորդող նյութեր և մեծ քանակությամբ շաքարավազ։ Նման հավելումներն ամբողջությամբ ոչնչացնում են յոգուրտի օգտակար հատկությունները։ Եթե ցանկանում եք յոգուրտն ավելի քաղցրահամ դարձնել, պարզապես ավելացրեք թարմ մրգեր, մեղր կամ դառը շոկոլադ։

8. Սաղմոն

рыба, еда

Սաղմոնը ևս պարունակում է օմեգա–3 թթուներ, որոնք նպաստում են մաշկի խոնավացմանը և օգնում են պայքարել կնճիռների, կարմրությունների և ակնեի դեմ։ Բացի այդ, կարմիր ձուկը հարուստ է D վիտամինով, որը պատասխանատու է ուղեղի և նյարդային համակարգի, սիրտ–անոթային համակարգի, ոսկորների և աղիների նորմալ աշխատանքի համար։ D վիտամինն օգնում է նվազեցնել տագնապի զգացումն ու հակազդել դիպրեսիային, ինչպես նաև կարևոր դեր է խաղում քաղցկեղի, ոսկորների և սրտային հիվանդությունների կանխարգելման գործում։ Սաղմոնն օգտակար է նաև մազերի առողջության համար։

9. Սպանախ

шпинат

Սպանախն իսկական սուպերմթերք է։ Այն А, Е և С վիտամինների, երկաթի, մագնիումի, բուսական սպիտակուցի և սննդային մանրաթելերի, քլորոֆիլի և ֆոլաթթվի աղբյուր է։ Այս բոլոր նյութերն օգտակար են մաշկի համար։ Սպանախը նաև պարունակում է հակաօքսիդանտներ։ Սպանախից կարելի է պատրաստել սմուզի, ավելացնել այն աղցանների, ձվածեղի կամ թխվածքի մեջ։

Եվ վերջում հարկ ենք համարում հիշեցնել, որ անգամ ամենաօգտակար մթերքը դեղորայք չէ և չի կարող օգնել մաշկի հետ կապված լուրջ խնդիրների դեպքում։ Իհարկե, անհրաժեշտ է հետևել սննդակարգին, սակայն լուրջ խնդիրների դեպքում հարկավոր է դիմել բժշկի։–0–

Loading...
Թեմատիկ նյութեր
Բաժնի այլ նյութեր
19:25
10 Դեկտեմբերի 2017
Ցավազրկողները դարձել են ճարպակալման պատճառ
Ցավազրկողները հանգեցնում են մարմնի քաշի կտրուկ ավելացման։
16:38
10 Դեկտեմբերի 2017
Հայտնի են YouTube–ի տարվա ամենահայտնի տեսահոլովակները
YouTube–ը հրապարակել է տարվա ամենահայտնի երաժշտական տեսահոլովակների ցանկը:
15:15
10 Դեկտեմբերի 2017
Ընտրվել են տարվա վատագույն ֆիլմերը
Rolling Stone պարբերակը ընտրել է տարվա ամենավատ ֆիլմերը։
12:41
10 Դեկտեմբերի 2017
Հոֆմանը պատմել է, թե ինչպես է նրան ուղղորդել Վիլյամ Սարոյանը (ՎԻԴԵՈ)
Օսկարակիր դերասան Դասթին Հոֆմանը պատմել է իր ստեղծագործական ուղու մասին:
20:47
09 Դեկտեմբերի 2017
Աշխարհի առաջին SMS հաղորդագրության հեղինակը պատմել է դրա բովանդակության մասին
Պատմության մեջ առաջին SMS հաղորդագրությունն ուղարկվել է 25 տարի առաջ։
19:37
09 Դեկտեմբերի 2017
Ճարպն այրող արդյունավետ ըմպելիք
Այս ըմպելիքի մեկ բաժակը կթարմացնի և միաժամանակ կօգնի ազատվել ավելորդ կիլոգրամներից։
18:12
09 Դեկտեմբերի 2017
Սմարթֆոնից կախվածությունը հանգեցնում է փոփոխությունների գլխուղեղում
Հետազոտության ընթացքում հարցված երիտասարդների 46 տոկոսը նշել է, որ կյանքը չի պատկերացնում առանց սմարթֆոնի։
17:00
09 Դեկտեմբերի 2017
18 երկրների գեղեցկուհիներ ժամանել են Երևան` «Թոփ մոդել ԱՊՀ-2017» գեղեցկության մրցույթին մասնակցելու համար (ՖՈՏՈ)
«Թոփ մոդել ԱՊՀ- 2017» գեղեցկության մրցույթը կանցկացվի դեկտեմբերի 10-ին Երևանում:
15:48
09 Դեկտեմբերի 2017
4 ռուսերեն բառեր, որոնք փոխառված են հայերենից
Հայերենը հնդեվրոպական լեզվաընտանիքի առանձին ճյուղ է։ Այն աշխարհի հնագույն լեզուներից մեկն է, այդ իսկ պատճառով հայերեն արմատներով բառերը ռուսերենի հնագույն բառերից են։
14:25
09 Դեկտեմբերի 2017
Վիտամինային ռումբ. արքայանարնջի 6 օգտակար հատկությունները
Տարվա ցուրտ ժամանակ մեր օրգանիզմը վիտամինների և օգտակար նյութերի կարիք ունի:
11:37
09 Դեկտեմբերի 2017
«Հայր մեր» աղոթքի տողերից մեկի թարգմանությունը կարող է փոխվել
Հռոմեակաթոլիկ եկեղեցին պետք է փոխի Տերունական աղոթքի «... և մի տանիր մեզ փորձության» տողի թարգմանությունը հին հունարենից։
11:34
09 Դեկտեմբերի 2017
Մահացել է Լեոնիդ Բրոնևոյը
Կյանքի 89-րդ տարում մահացել է արտիստ Լեոնիդ Բրոնևոյը: