ԵՐԵՎԱՆ, 7 հուլիսի./Նովոստի-Արմենիա/. Շատերը կարծում են, որ թարմ բանջարեղենից ավելի օգտակար ոչինչ չկա, սակայն իրականում այդպես չէ:
Օրինակ լոլիկը, դիետոլոգների խոսքերով, ավելի օգտակար է ուտել, երբ այն հիմնովին տաքացել է: Լոլիկում ջերմային մշակումից հետո ավելանում է հակաօքսիդանտ լիկոպինի պարունակությունը, որը վերացնում է վտանգավոր ազատ ռադիկալները, գրում է med2.ru-ն:
Загружается новость ... "Лево"
«Տապակելուց կամ 15 րոպե եռման ջրում խաշելուց հետո լոլիկում լիկոպինի մակարդակն ավելանում է մեկուկես անգամ: Իսկ տոմատի մածուկում, որի համար լոլիկը եփում են 45 րոպե, լիկոպինի մակարդակն արդեն 20 անգամ ավել է, քան թարմ բանջարեղենում», - նշել են գիտնականները:
Եփած վիճակում ավելի օգտակար են նաև բրոկկոլին և ծաղկակաղամբը: Սակայն դրանք պետք է եփել առնվազն 5 րոպե, հակառակ դեպքում այդ բանջարեղենի օգտակար հատկություններն իսպառ կվերանան:
Եփած գազարը ևս ավելի օգտակար է, քան թարմը, քանի որ ջերմային մշակումից հետո սկսում են գործել ակտիվ նյութերը, որոնք լավացնում են տեսողությունը:
«Եփած բանջարեղենում պակասում է տոկսինների քանակը, որոնց օգնությամբ բույսերը պաշտպանում են մակաբույծներից», - ավելացրել են բժիշկները:-0-